យុវជនសិស្សវិទ្យាល័យ ២ រូបត្រូវមនុស្សមួយក្រុមព្រួតគ្នាវាយ និងប្លន់

នៅវេលាម៉ោង ២ៈ១៥ ​នាទីព្រឹក ថ្ងៃទី ១៩ ខែកុម្ភៈ ត្រង់ចំណតរថយន្តនៅ Sanpocho ក្នុងទីក្រុង Sakai សិស្សវិទ្យា​ល័យ​ប្រុស​ម្នាក់ អាយុ ១៧ ឆ្នាំ ត្រូវ​មនុស្ស​មួយ​ក្រុម​វាយ​ចំក្បាល និងជើងដោយវត្ថុស្រដៀងនឹងបំពង់​ដែក។ សិស្សវិទ្យាល័យ​ប្រុសរូបនេះត្រូវគេបិទភ្នែក ហើយចាប់ឡើងឡាន បន្ទាប់​មក​ប្រហែល ៣០ នាទីត្រូវបាន​ដោះ​លែង ប៉ុន្តែ​ត្រូវ​គេ​វាយ​ដំ និង​ប្លន់​កាបូប​ប្រាក់។

រូបភាព 大阪府警察本部

ហើយនៅម៉ោង ៣ៈ៣០ នាទី​ព្រឹក​ថ្ងៃ​ដដែល ចម្ងាយពីទីក្រុង Izumisano ប្រហែល ២៥ គីឡូម៉ែត្រភាគ​និរតីក៏​មាន​ករណី​ស្រដៀង​គ្នាកើតឡើង​ផង​ដែរ។ យុវជនអាយុ ១៩ ឆ្នាំម្នាក់ ធ្វើការក្រៅម៉ោងត្រូវមនុស្សមួយក្រុម​វាយ​ប្រហារ​តាម​ដង​ផ្លូវ Nagataki ។

យុវជនរូបនោះត្រូវគេរុញចូលរថយន្ត ហើយត្រូវគេវាយចំមុខ និងកន្លែងផ្សេងទៀតលើរាងកាយ។ ក្រោយ​មក​ប្រហែល ៣០ នាទី យុវជន​ក៏​ត្រូវ​បាន​គេ​ដោះ​លែងនៅតំបន់ក្បែរនោះ។ យុវជន​រូប​នេះ​រងរបួសធ្ងន់ (បាក់ឆ្អឹងភ្នែក) និង​ត្រូវ​គេ​ប្លន់ទូរស័ព្ទ​ដៃ​មួយ​គ្រឿង។

យោងតាមប៉ូលិស Osaka ដោយផ្អែកលើសម្តីរបស់ជនរងគ្រោះទាំងពីរនាក់ មានបុរសប្រហែល ៨ នាក់បានវាយប្រហារ​ពួក​គេ។ ប៉ូលិស​សង្ស័យ​ថា​ករណី​ទាំង​ពីរ​នេះ​អាច​នឹងពាក់ព័ន្ធ​គ្នា និងកំពុងបើកការស៊ើបអង្កេតដើម្បីចាប់​ចោរ​ប្លន់​ដែល​មាន​គ្រោះ​ថ្នាក់​ទាំង​នេះ។

ប្រភព៖ 朝日新聞

JAPO