ជប៉ុនបិទតំបន់ឆ្នេរសមុទ្រព្រោះតែ “វត្ថុមានរាងស្វែរអាថ៌កំបាំង”

យោងតាមគេហទំព័រ RT បានអោយដឹងថា ស្រ្តីម្នាក់នៅទីក្រុង Hamamatsu ខេត្ត Shizuoka បានប្រទះឃើញវត្ថុអាថ៌កំបាំង​​លើ​​ឆ្នេរ​​សមុទ្រ ហើយក៏បានរាយការណ៍ទៅប៉ូលិស។ ហេតុការណ៍​នេះ​បាន​ជំរុញ​ឱ្យ​អាជ្ញាធរ​មូលដ្ឋាន​បញ្ជា​ឱ្យ​​​បិទ​​​តំបន់​​​ខាង​​លើ។ ពួក​​គេ​​បារម្ភ​​ថា​​វត្ថុ​​នេះ​​ប្រហែល​​ជា​​ប្រភេទ​​គ្រាប់​​បែកបាញ់នាវា។

រូបភាព៖ RT

នេះបើតាមសារព័ត៌មានក្នុងស្រុក វត្ថុនោះមានអង្កត់ផ្ចិតប្រហែល ១,៥ ម៉ែត្រ ហើយប្រហែលជាធ្វើពីដែក ព្រោះផ្នែក​​​ខាង​​​ក្រៅ​​​ច្រេះ។

【速報】海岸に直径1.5mの不審な“鉄球” 半径200mを規制　浜松市https://t.co/GUnajCOYDK

警察によりますと、不審物は直径1.5メートルほどの球体で、全体的にさびていることから鉄製とみられています。
また、一部に何かを引っ掛けるような突起部分があるということです。#テレ朝news

— テレ朝news (@tv_asahi_news) February 21, 2023

ប៉ូលិស​បាន​បិទតំបន់នេះក្នុងរយៈចម្ងាយ ២០០ ម៉ែត្រ​ជុំវិញ​វត្ថុ​នោះ ហើយ​ទូរស័ព្ទទៅកាន់កងកម្លាំងស្វ័យការពារជប៉ុន ដោយស្នើឱ្យយោធាបញ្ជូនអ្នកមកពិនិត្យគ្រឿងផ្ទុះ។

នៅលើពិភពលោក ប្រទេសនានាកំពុងបង្កើនការប្រុងប្រយ័ត្នចំពោះវត្ថុដែលមានរាងស្វែរអាថ៌កំបាំង ក្នុងបរិបទដែល​​អាមេរិក និង​ចិនចោទប្រកាន់គ្នាប្រើវត្ថុមានរាងស្វែរដើម្បី​ប្រមូល​ទិន្នន័យ​គ្នា​ទៅ​វិញ​ទៅ​មក។

កាលពីថ្ងៃទី ១៤ ខែកុម្ភៈ ក្រសួងការពារជាតិជប៉ុនបានប្រកាសសង្ស័យថា វត្ថុរាងស្វែរយកការណ៍របស់ចិនបំពាន​ដែនអាកាសជប៉ុន​យ៉ាង​ហោច​ណាស់​បី​ដង​តាំង​ពីឆ្នាំ ២០១៩ ។

ក្រសួងការពារជាតិជប៉ុនបានអោយដឹង វត្ថុហោះទាំង ៣ ត្រូវបានរកឃើញនៅ Kagoshima ភាគនិរតីប្រទេស​ជប៉ុន​កាល​ពី​ខែ​វិច្ឆិកា ឆ្នាំ ២០១៩ និង Miyagi, Aomori ភាគឦសានក្នុង​ខែមិថុនា ឆ្នាំ ២០២០ និងខែកញ្ញា ឆ្នាំ ២០២១ ។

ប្រភព៖ Skydoor