តើអ្នកធ្លាប់ឃើញសត្វភេនឃ្វីន “ហោះលើមេឃ” ដែរទេ?

តើអ្នកទាំងអស់គ្នាចូលចិត្ត Aquarium ដែរទេ? សម្រាប់ខ្ញុំ ពិតជាគួរអោយចាប់អារម្មណ៍ណាស់ពេលទៅដល់ទីនោះ ហើយសម្លឹងមើលសត្វ​សមុទ្រ​ហែល​ក្នុង​ទឹក។ គ្រាន់​តែ​សម្លឹង​មើល​ពួក​វាហែលទឹកក៏​ធ្វើ​ឱ្យ​ខ្ញុំ​មាន​ក្តី​សុខ​ដែរ។

ថ្វីត្បិតតែសាងសង់ក្នុងផ្ទះ ប៉ុន្តែ Aquarium នៅជប៉ុនច្រើនតែមានទ្រង់ទ្រាយធំ។ Aquarium មាន​ពន្លឺស្រពេច​ស្រពិល មើល​​ទៅ​​ស្អាត​​ខ្លាំង​​ណាស់ ដូច្នេះ​​គ្រប់​​គ្នា​​ចូល​ចិត្ត​ទៅទស្សនាពិភពបាតសមុទ្រ។

យ៉ាងណាមិញ Aquarium ដែលខ្ញុំចង់ណែនាំដល់​អ្នកទាំងអស់គ្នាពិសេសណាស់ ព្រោះវាខុសពី Aquarium ក្នុងផ្ទះ​ធម្មតា។ តោះ​មក​មើលទាំងអស់គ្នា។

នោះគឺ Sunshine Aquarium នៅមជ្ឈមណ្ឌលផ្សារទំនើប Ikebukuro Sunshine City ទីក្រុងតូក្យូ។ អ្វីដែលប្លែកវានៅ​​ជាន់​​ខាង​​លើ​​អាគារ ហើយ​ចំណុច​ដែល​ទាក់​ទាញ​បំផុត​ប្រហែល​ជា​ការ​តុប​តែងនៅទីនេះ។

https://park.tachikawaonline.jp/aquarium/18_sushine.htm

ការរួមបញ្ចូលគ្នាដ៏ល្អឥតខ្ចោះរវាងផ្ទៃមេឃ និងសត្វសមុទ្រ។ អ្នកប្រហែលជាចាប់អារម្មណ៍ណាស់មែនទេ? នៅមានរឿងជាច្រើនផ្សេងទៀតដែលនឹងធ្វើអោយអ្នកភ្ញាក់ផ្អើល។

https://epark.jp/shopinfo/odk468189/

តើអ្នកទាំងអស់គ្នាមើលឃើញសត្វភេនឃ្វីនកំពុងហោះលើមេឃដែរទេ?

នេះជាចំណុចលេចធ្លោ គេប្រើផ្នែកខាងលើអគារបង្កើតជាកន្លែងសម្រាប់ភេនឃ្វីនមើលទៅដូចជាកំពុង​ហោះ​លើ​មេឃ។ សត្វ​ភេន​ឃ្វីន​ដ៏​គួរ​អោយ​ស្រលាញ់​ទាំងនេះមានប្រជាប្រិយភាពទាំងនៅជប៉ុន និងក្រៅប្រទេស យ៉ាង​​ណា​​គ្រប់គ្នា​​ដឹង​ថា​វា​ជា​សត្វ​ស្លាបមួយប្រភេទដែលមិនអាចហើរបាន។ ដោយសារមូលហេតុ​នេះ Sunshine Aquarium ចង់ “ផ្លាស់ប្តូរ” ការយល់ឃើញនោះ ដោយបង្កើតវិធីដាក់បង្ហាញពិសេសនេះ។

អ្នកអាចសម្លឹងមើលសត្វភេនឃ្វីន​ដ៏​គួរ​ឱ្យ​ស្រឡាញ់​ហោះ​ហើរ​ក្នុងទិដ្ឋភាពស្រស់ស្អាតតាម​រយៈ​តំណភ្ជាប់ខាងក្រោម។

https://m.youtube.com/shorts/yndDGm4JLb8?feature=share

ដោយសារតែ Aquarium នេះក៏មានកន្លែងដើរមើលខាងក្នុង ដូច្នេះអ្នកអាចទុកចិត្តពេលមកមើលទាំងមានមេឃ​ភ្លៀង។

អ្នកទាំងអស់គ្នាកុំភ្លេចចុចចូលមើលតំណភ្ជាប់ខាងក្រោម។ ព្រោះវាអាចជាកន្លែងដែលអ្នកអាចទៅលេងជាមួយមនុស្សជាទីស្រលាញ់។

https://youtu.be/2Y1RUjUYh9Q

ក្រៅពីកន្លែងដែលត្រូវបានណែនាំក្នុងវីដេអូ នៅទីនេះមានចំណុចគួរឱ្យចាប់អារម្មណ៍ជាច្រើនទៀតដែលអ្នកអាចដើរមើលជាមួយក្រុមគ្រួសារ និងមិត្តភក្តិ។ ខ្ញុំធានាថាអ្នកនឹងទទួលបានមកវិញច្រើនជាងការចំណាយទិញសំបុត្រចូលទស្សនា។

ពេលមកដល់ Tokyo អ្នកទាំងអស់គ្នាប្រាកដជាទៅទស្សនាប្រាសាទ វត្តអារាម និងហាងលក់ទំនិញ ប៉ុន្តែកុំភ្លេចទៅកាន់ Sunshine Aquarium ផងណា! កន្លែងនេះអាចជួយបន្ធូរអារម្មណ៍ក៏ដូចជាបំបាត់ភាពនឿយហត់ទាំងអស់ ព្រោះតែមានភេនឃ្វីនដ៏គួរឱ្យស្រឡាញ់។

សំបុត្រចូល Aquarium មានលក់នៅលើគេហទំព័រ ដូច្នេះនឹងកាន់តែងាយស្រួលបើសិនអ្នកទិញសំបុត្រអនឡាញ ហើយទៅទស្សនាតែម្តង។

គេហទំព័រផ្លូវការ (មានភាសាអង់គ្លេស) ៖ https://sunshinecity.jp/en/aquarium/

តំណភ្ជាប់៖

វីដេអូខ្លី៖ https://m.youtube.com/shorts/yndDGm4JLb8?feature=share

វីដេអូវែង៖ https://youtu.be/2Y1RUjUYh9Q

Sakura Abe