តារាសម្តែងស្រី Hitomi Kuroki ស្រស់ស្អាតក្មេងជាងវ័យ

តារាសម្តែងស្រី Hitomi Kuroki ទទួលបានការសរសើរជាច្រើន ដោយសារតែសម្រស់ស្រស់ស្អាតក្មេងជាងវ័យ។

បើតាម Elle បានឱ្យដឹងថា តារាសម្តែងស្រី Hitomi Kuroki អាយុ ៦៣ ឆ្នាំ ចូលប្រឡូកក្នុងវិស័យសិល្បៈយ៉ាងសកម្ម ក្រៅពីខ្សែភាព​យន្ត តារាស្រីទទួលបានការចាប់អារម្មណ៍យ៉ាងខ្លាំង ដោយសារតែរូបរាង និងវិធីថែរក្សាសម្រស់។ នៅពេលបង្ហោះរូបភាព​លើ​គណនី​ផ្ទាល់​ខ្លួន តារា​សម្តែង​ស្រី Hitomi Kuroki ទទួលបានមតិសរសើរជាច្រើនពីអ្នកគាំទ្រ។

តារាសម្តែងស្រី Hitomi Kuroki បាននិយាយាថា យើង​មិនគួរប្រើផលិតផលដែលមានសារធាតុលាងសម្អាតខ្ពស់លើមុខនោះទេ។ ដែលអាចបណ្តាលឱ្យខ្សោះជាតិទឹក ស្បែកស្ងួត និងចាស់មុនអាយុ។ បន្ទាប់ពីលាងសម្អាតមុខ តារា​ស្រីផ្តល់​សំណើម​​ដល់​​ស្បែក។

Hitomi Kuroki វ័យ ៦០ ឆ្នាំ។ រូបភាព៖ Elle

នៅពេលព្រឹកមុនចេញទៅក្រៅ តារាស្រីរក្សាទម្លាប់បិទម៉ាសមុខ។ តារាសម្តែងស្រីជៀសវាងពន្លឺព្រះអាទិត្យដោយពាក់​​មួក ប្រើ​ឆ័ត្រ និង​ឡេ​ការ​ពារ​កម្តៅ​ថ្ងៃ។ តារាស្រីផ្តោតសំខាន់លើស្បែកដែលងាយរងពន្លឺកាំរស្មី UV ដូចជាក ដៃ និង​​ជើង។

តារាស្រី Hitomi Kuroki បានបន្តទៀតថា គួរតែថែរក្សាសម្រស់ពីខាងក្នុង ដូច្នេះត្រូវយកចិត្តទុកដាក់លើរបបអាហារ​​ដែល​​មាន​តុល្យភាព។ តារាស្រីមិនតមអាហារនោះទេ ប៉ុន្តែជាទូទៅជ្រើសយកអាហារដែលមិនសូវឆ្លងកាត់ការ​ចម្អិន​ដូច​ជា​បន្លែ​ស្រស់ គ្រាប់​ធញ្ញ​ជាតិ និងអាហារសម្បូរវីតាមីន C ។

កាលនៅជានិស្សិតរហូតមកដល់សព្វថ្ងៃនេះ តារាស្រីបានបន្តការរាំ។ របាំជួយឱ្យ​តារា​ស្រី​បញ្ចេញ​ញើស​ផង សប្បាយចិត្ត និង​រីក​រាយ​ផង​ដែរ។

តារាសម្តែងស្រីចូលប្រឡូកក្នុងវិស័យសិល្បៈតាំងពីអាយុ ២១ ឆ្នាំ ធ្លាប់បង្កការចាប់អារម្មណ៍យ៉ាងខ្លាំងជាមួយ​នឹង​ឈុត​អាក្រាតកាយ​ក្នុង​រឿងឆ្នាំ ១៩៨៦ ។ នៅឆ្នាំ ១៩៩៧ ជាប់ចំណាត់ថ្នាក់កំពូលតារាជប៉ុនដោយផ្អែកលើខ្សែភាព​យន្ត Lost Paradise ។ ការ​សម្តែង​ដែល​ល្បី​នៅ​ពេល​នោះ​ជួយ​អោយតារាស្រី Hitomi Kuroki ឈ្នះរង្វាន់តារាសម្តែងឆ្នើម​នៅ Japan Academy Prize ។

តារាសម្តែង Hitomi Kuroki ។ រូបភាព៖ Cine

ក្រៅពីនេះ តារាសម្តែងស្រី Hitomi Kuroki ត្រូវបានវាយតម្លៃខ្ពស់តាមរយៈខ្សែភាពយន្ត Golden Bowl ។ តារាស្រីបានរៀបការនៅឆ្នាំ ១៩៩១ ជាមួយនឹងពាណិជ្ជករខាងផ្នែកផ្សាយពាណិជ្ជកម្ម។ ប្តី​ប្រពន្ធ​តារា​ស្រី​មាន​កូន​កាលអាយុ ២៥ ឆ្នាំ។

ប្រភព៖ Skydoor