ទំព័រដើម
Japo- ថ្ងៃនេះ
ពិសេសឆ្ងាញ់ សរសៃមី “Himokawa” មានលក់នៅភោជនីយដ្ឋានជប៉ុន

ពិសេសឆ្ងាញ់ សរសៃមី “Himokawa” មានលក់នៅភោជនីយដ្ឋានជប៉ុន

ថ្ងៃព្រហស្បតិ៍ 16/02/2023 | 17:12 ល្ងាច

អ្នកប្រហែលជាមិនធ្លាប់ភ្លក់ Udon ដូចនេះពីមុនមកទេ។

នៅប្រទេសជប៉ុន តាមតំបន់នីមួយៗមានរបៀបចម្អិនដាច់ដោយឡែក។ បង្កើតមុខម្ហូបពិសេសតាមតំបន់ទាក់ទាញចំណាប់អារម្មណ៍ភ្ញៀវទេសចរណ៍ ក៏ដូចជាអ្នកស្រុកផងដែរ។

នៅទីក្រុង Kiryu ខេត្ត Gunma អ្នកនឹងរកឃើញ Udon ពិសេសមួយដែលមានឈ្មោះថា “Himokawa” ។ មិនដូចជាសរសៃ Udon ធម្មតាដែលក្រាស់ និងមូលឡើយ។ សរសៃមីប្រភេទនេះធំសំប៉ែត ជាពិសេសមិនដូចអ្វីដែលយើងធ្លាប់ឃើញពីមុនមកនោះទេ។ ដូច្នេះបើបានទៅ Furukawa កុំភ្លេចឈានចូលភោជនីយដ្ឋានដ៏ល្បីឈ្មោះនេះ។

ពេលចូលដល់ភោជនីយដ្ឋាន ម៉ឺនុយមុខម្ហូបមានច្រើនសម្រាប់ជ្រើសរើស អ្នកអាចហៅ Udon “うどん”, Soba “そば ឬ Himokawa “ひもかわ” ។

Mori Himokawa សាមញ្ញ “もりひもかわ” ឬ Himokawa ឈុតធំដែលមានតម្លៃ ៨០០ យ៉េន (៦ ដុល្លារ) ។

ជាបទពិសោធន៍ដែលគួរឱ្យចាប់អារម្មណ៍ណាស់ ព្រោះអ្នកអាចភ្លក់ Himokawa ដោយផ្ទាល់។

នេះជាសរសៃមីធំបំផុតដែលមិនធ្លាប់ឃើញពីមុនមក ទទឹងមានប្រវែងប្រហែល ១២ សង់ទីម៉ែត្រ។

សរសៃមីត្រូវបានបត់តំរៀបលើគ្នា ស្រស់ឆ្ងាញ់មើលទៅគួរអោយចង់ភ្លក់។ ដើម្បីទទួលទាន អ្នកគ្រាន់តែចាក់ទឹកស៊ុបចូលចាន រួចបន្ថែមស្លឹកខ្ទឹមបន្តិច មុននឹងជ្រលក់សរសៃមីចូលហូប។