ប៉ូលិសចាប់ខ្លួនបុរសម្នាក់ចុចប៊ូតុង​សង្គ្រោះ​​បន្ទាន់​នៅ​ស្ថានីយ៍​ព្រោះ​តែ “មិន​អាច​ឡើង​រថភ្លើង​”

កាលពីថ្ងៃទី ១៣ ខែកុម្ភៈ ប៉ូលិសបានចាប់ខ្លួនបុរសអាយុ ៣៥ ឆ្នាំម្នាក់ ដែលបច្ចុប្បន្នជាបុគ្គលិករដ្ឋនៃទីក្រុង Kobe ដោយ​សង្ស័យ​ពី​បទ​ក្លែង​បន្លំ និង​រារាំង​អាជីវកម្ម។

photolibrary 神戸三宮駅の写真

ប៉ូលិសបានអោយដឹងថា នៅវេលាម៉ោងប្រហែល ២២ៈ៤០ នាទីយប់ ថ្ងៃទី ១២ ខែធ្នូ នៅស្ថានីយ៍ Sannomiya ខ្សែ Hanshin ទី​ក្រុង Kobe បុរស​​ម្នាក់​​បាន​ចុច​ប៊ូតុង​សង្គ្រោះ​បន្ទាន់​នៅស្ថានីយ៍ ទាំងមិនមានអ្វីចម្លែក ឬគ្រោះថ្នាក់កើតឡើងក៏ដោយ។ បុរសរូបនេះបានពន្យល់ប្រាប់បុគ្គលិក​ស្ថានីយ​ថា៖ “ខ្ញុំបាន​ចុច​ប៊ូតុង​សង្គ្រោះ​បន្ទាន់ ព្រោះ​ខ្ញុំ​ឡើង​​រថភ្លើង​មិន​បាន​” ។

លទ្ធផលបណ្តាលអោយរថភ្លើង ២ ខ្សែត្រូវពន្យារ​ពេល​ប៉ុន្មាននាទី។ ឆ្លើយ​តប​នឹង​ការ​ស៊ើប​អង្កេត គាត់​បាន​ប្រាប់​ប៉ូលិស​​ថា៖ “ខ្ញុំមិនចាំទេ ព្រោះ​ពេល​នោះ​ខ្ញុំ​ស្រវឹង ប៉ុន្តែប្រហែលជាខ្ញុំបានចុចប៊ូតុង” ។

អ្នកគួរតែប្រើប៊ូតុងសង្គ្រោះបន្ទាន់ពេលកើតមានឧបទ្ទវហេតុ ឬគ្រោះថ្នាក់ដែលអាចបណ្តាលឱ្យបុករថភ្លើង។ ប៉ុន្តែ​ប្រសិន​​បើ​​អ្នក​​ចុច​តាម​​អំពើ​​ចិត្ត អាច​នឹង​ប៉ះពាល់​ដល់​អ្នក​រាល់​គ្នា ហើយ​ប្រឈម​នឹង​ការ​ពិន័យ​ធ្ងន់ធ្ងរ។

ប្រភព៖ 読売新聞