តើសាលាបឋមសិក្សានៅជប៉ុនបង្រៀនអ្វីខ្លះដល់កុមារ?

មានមតិយោបល់ជាច្រើនលើកឡើងថា នៅសាលាជប៉ុនមានវិធីសាស្រ្តបង្រៀន​កុមារ​ពិសេស​ជាងបើធៀបនឹងប្រទេសផ្សេងទៀត។ ក្រៅពីក្រេប​យក​ចំណេះ​ដឹង កុមារថែមទាំងត្រូវបានបង្រៀនអំពីរបៀបសម្អាតអនាម័យ ការ​បែង​ចែក​អាហារ ជួយ​​លោក​​គ្រូ​​អ្នក​​គ្រូ​​ជា​​ដើម។ ចូរយើងស្វែងយល់បន្ថែមអំពីរបៀបអប់រំទាំងនេះ។

សម្អាតអនាម័យ

https://www.teramoto.co.jp/columns/7790/

ជាទូទៅ សិស្សនឹងធ្វើកិច្ចការទាំងអស់ដូចជា សម្អាតថ្នាក់រៀន ច្រកចេញចូល បន្ទប់ហាត់ប្រាណជាដើម។ មានមនុស្សជាច្រើនគិតថា ដោយសារតែសាលាចង់ “សន្សំសំចៃ” លើថ្លៃសម្អាត ប៉ុន្តែគោលបំណងពិតប្រាកដផ្តើមចេញ​ពី​គំនិត “ធ្វើ​គ្រប់​យ៉ាង​ដោយ​ខ្លួន​ឯង” ។

នៅប្រទេសផ្សេងទៀត ការងារត្រូវបានបែងចែកយ៉ាងច្បាស់លាស់ ឧទាហរណ៍ការសម្អាតនឹងមានបុគ្គលិកផ្នែកសម្អាត​ទទួល​ខុស​ត្រូវ។ ដោយឡែកនៅជប៉ុនចំណុចនេះខុសគ្នា គ្រប់គ្នាដឹងអំពីរបៀបសម្អាតអនាម័យ យ៉ាង​ណា​មិញនៅ​ថ្ងៃ​ក្រោយ​ពួក​គេធ្វើការងារអ្វីជារឿងមួយផ្សេង។

ទៅសាលាជាមួយគ្នា

https://www.secom.co.jp/kodomo/p/20171026.html

សិស្សទៅសាលាដោយខ្លួនឯង ប៉ុន្តែយ៉ាងណាប្អូនៗបឋមសិក្សាទៅសាលាតែម្នាក់ឯងពិតជាគ្រោះថ្នាក់ខ្លាំងណាស់ ដូច្នេះសាលាដាក់ចេញវិធានការណ៍ “ទៅសាលារៀនជាមួយគ្នា” ។ ក្មេងៗនៅតំបន់តែមួយទៅសាលារួមគ្នា កុមារថ្នាក់​ទី ៥ និងទី ៦ ជួយមើលក៏ដូចជានាំប្អូនៗថ្នាក់ទី ១ និងទី ២ ទៅសាលារៀនជាមួយគ្នា។ ប្អូនៗធ្វើរឿងទាំងនេះមិន​មែន​ដោយ​សារ​អំណោយ ឬទទួលបានពិន្ទុនោះទេ។ ប៉ុន្តែដោយសារកាលនៅក្មេងប្អូនៗទទួលបានជំនួយ ហើយប្អូនៗ​ផ្ទាល់​ក៏​ចង់​ធ្វើរឿងនេះសម្រាប់ប្អូនៗដែលតូចជាងខ្លួនដែរ។

ចំណុចនេះក៏បង្កើតទំនាក់ទំនងរវាងសិស្សដែលមានអាយុខុសគ្នាតែរស់នៅតំបន់តែមួយ។ ព្រោះតែកុមារមានទំនោរ​បង្កើត​ទំនាក់​ទំនង​រវាង​មិត្តភក្តិដែល​មានអាយុដំណាលគ្នា ប៉ុន្តែនៅពេលដែលឈានជើងចេញទៅក្រៅសង្គម អាយុនឹងខុសគ្នា។ ដូច្នេះហើយ ការបង្កើតទំនាក់ទំនងរវាងអ្នកមានអាយុច្រើន និងតិចជាងខ្លួនជាចំណុចដែលចាំ​បាច់។

ការបែងចែកអាហារ

https://www.chunichi.co.jp/article/542154

ស្រដៀងនឹងប្រទេសផ្សេងទៀត នៅជប៉ុនសិស្សទទួលទានអាហារថ្ងៃត្រង់នៅសាលា សិស្សជាអ្នកបែងចែកអាហារសម្រាប់​អ្នក​រាល់​គ្នា។ ថ្វីត្បិតតែកុមារមិនចេះធ្វើម្ហូប ប៉ុន្តែការសម្អាតពួកគេអាចទទួលខុសត្រូវបាន។

ជួយការងារផ្សេងៗតាមសមត្ថភាពរបស់ខ្លួន

ជួយលុបក្តារខៀន ថតចម្លងឯកសារជំនួសលោកគ្រូអ្នកគ្រូក៏ជាការងាររបស់សិស្សផងដែរ។ អ្នកដឹងទេថា ហេតុ​អ្វី​បាន​ជា​ជប៉ុន​បង្រៀន​ចំណុចទាំងអស់នេះ? ក្នុងគោលបំណងលើកកម្ពស់សមត្ថភាពរស់នៅម្នាក់ឯងបន្ទាប់ពីបញ្ចប់​ការ​សិក្សា។

មិនថាអ្នកចេះភាសាអង់គ្លេស ឬគណិតវិទ្យាល្អដល់កម្រិតណានោះទេ ប្រសិនបើអ្នកមិនចេះសម្អាត ឬរៀបចំអាហារ​ប្រាកដ​ជា​ពិបាក​ពេលរើចេញទៅនៅម្នាក់ឯង។ ប្រហែលមានតែជប៉ុនប៉ុណ្ណោះ ដែលមិនមានការចែងចែកការ​ងារ​ច្បាស់​លាស់។ តើ​អ្នក​យល់​យ៉ាង​ណា​ចំពោះការអប់រំបែបជប៉ុននេះ?

Kengo Abe