Pancho ឆ្មាដែលមានមុខស្រពោនបំផុតលើពិភពលោក

ឆ្មា Pancho មួយ​ក្បាល​នេះអាយុ ១៣ ឆ្នាំ មកពី Maizuru ប្រទេសជប៉ុន មើល​ទៅ​មុខ​ស្រពោន ប៉ុន្តែ​ទាក់​ទាញ​ចំណាប់អារម្មណ៍​របស់​មនុស្ស​ជា​ច្រើន។

ឆ្មា Pancho មុខស្រពោន

Pancho ត្រូវ​បាន​អ្នក​គាំទ្រ​បោះឆ្នោតជ្រើសរើសថា​ជា​ឆ្មា​ដែល​មានមុខស្រពោនបំផុតលើពិភពលោក។

ម្ចាស់ឆ្មា Akira Maizuru បានអោយដឹងថា ថ្វីត្បិតតែមើលទៅមុខស្រពោន ប៉ុន្តែតាមពិតទៅឆ្មាមួយក្បាលនេះសប្បាយ​ចិត្ត​ណាស់។

អ្នកស្រី Akira បាននិយាយថា “គ្រប់គ្នាស្រលាញ់ Pancho ចំណែក Pancho ក៏​ស្រលាញ់​អ្នក​រាល់​គ្នា​ដែរ។ វារួសរាយរាក់​ទាក់​ល្អ​ចំពោះ​អ្នក​ទាំងអស់គ្នា ហើយក៏ទទួលបានការយកចិត្តទុកដាក់ផងដែរ” ។

គាត់បានបន្តថា បើជជែកគ្នាជាមួយឆ្មាពេលវាកំពុងដេកថ្ងៃហើយថតរូប គាត់អាចនឹងថតបានរូបភាពស្អាតៗ។

ទោះជាយ៉ាងណា ពេលខ្លះមើលទៅវាហាក់ដូចជាកំពុងមានបញ្ហា។

អ្នកស្រី Akira ចិញ្ចឹម​ Pancho បាន ១៣ ឆ្នាំមកហើយពេលឃើញវាត្រូវគេបោះបង់ចោល។

ប្រភព៖ Daily Mail