តុលាការ​កាត់ទោស​បុរស​វ័យ ៦០ ឆ្នាំដែលសម្លាប់ និង​ប្លន់​ស្រ្តី​ជន​ជាតិ​វៀត​ណាម​ម្នាក់

កាលពីថ្ងៃទី ៣ ខែកុម្ភៈ តុលាការ Osaka បានកាត់ទោសបុរសម្នាក់ឱ្យជាប់គុកអស់មួយជីវិត ពីបទសម្លាប់ និងប្លន់​ប្រាក់​ស្ត្រី​ជន​ជាតិ​វៀត​ណាម​ម្នាក់ ដែលជាបុគ្គលិកក្រៅម៉ោងនៅហាងលក់បាយប្រអប់។

យោងតាមការចោទប្រកាន់បានឱ្យដឹងថា កាលពីខែមេសាឆ្នាំមុន ចុងចោទ Yamaguchi Toshiya (អាយុ ៦០ ឆ្នាំ) បានបបួល Vu Thi Le Quyen (អាយុ ៣១ ឆ្នាំ) ទៅលេងផ្ទះនៅ Osaka ។ នៅទីនោះ ជននេះបានច្របាច់​ក​ជន​រង​គ្រោះ​រហូត​ដល់​ស្លាប់ ហើយ​យក​ប្រាក់​ចំនួន ២៦,០០០ យ៉េន។

ក្នុងសវនាការ ព្រះរាជអាជ្ញាបានអោយដឹងថា “នៅពេលប្រព្រឹត្តបទឧក្រិដ្ឋ ជនជាប់ចោទគ្មានប្រាក់សូម្បីតែ ១០០ យ៉េន​ក្នុង​ហោ​ប៉ៅ ហើយ​​កំពុង​​ត្រូវ​​ការ​​ប្រាក់​​យ៉ាង​​ខ្លាំង។ ដូច្នេះ​ហើយ​ពេលបបួលជនរងគ្រោះ​មកផ្ទះ ជនជាប់​ចោទ​​បាន​​ច្របាច់​ក​​ជន​រង​គ្រោះ​​រហូត​​ដល់​​ស្លាប់​” ដូច្នេះស្នើឱ្យជាប់ពន្ធនាគារអស់មួយជីវិតចំពោះទង្វើដ៏សាហាវនេះ។

ម៉្យាងវិញទៀត Yamaguchi Toshiya បានបដិសេធចំពោះការចោទប្រកាន់មួយផ្នែកដោយនិយាយថា “ដំបូងឡើយ ខ្ញុំ​បបួល​ជន​រង​គ្រោះ​មក​ផ្ទះ​លេង​មិន​មែនមានបំណង​សម្លាប់មនុស្ស ឬប្លន់ប្រាក់នោះទេ” ។

មេធាវីការពារក្តីរបស់ជននេះក៏បានការពារដែរថា “ដោយសារតែកញ្ញា Vu ស្រែកខ្លាំងៗធ្វើឱ្យចុងចោទភ្ញាក់ខ្លួន​ ដូច្នេះ​ចុង​ចោទគ្រាន់តែមានបំណងធ្វើឱ្យនាងសន្លប់ មិននឹកស្មានថាបណ្តាលឱ្យស្លាប់” ។ ហើយសង្ឃឹមថា តុលាការនឹង​កាត់​ទោស​ឱ្យ​ជាប់​ពន្ធនាគារ​ ១០ ឆ្នាំ ជំនួសការកាត់ទោសជាប់​ពន្ធនាគារ​អស់​មួយ​ជីវិត។ ទោះ​ជា​យ៉ាង​ណា តុលា​ការ​ Osaka នៅ​តែ​រក្សា​ការ​កាត់ទោសជាប់ពន្ធនាគារអស់មួយជីវិតចំពោះ Yamaguchi Toshiya ។

ប្រភព៖ TBS News

hinhin