Setsubun ពិធីបុណ្យបោះសណ្តែកតាមទំនៀមទម្លាប់ប្រពៃណីជប៉ុន

ពិធីបុណ្យ Setsubun ប្រព្រឹត្តទៅក្នុងគោលបំណងបណ្តេញវិញ្ញាណអាក្រក់ និងនាំមកនូវសំណាងល្អ។ ពិធីបុណ្យនេះសំដៅលើ​ការ “បែងចែករដូវ” សម្រាប់សម្គាល់ការបញ្ចប់រដូវរងា និងចាប់ផ្តើមនិទាឃរដូវ បើតាមប្រតិទិនប្រពៃណីជប៉ុន ហើយជាទូទៅគឺនៅថ្ងៃទី ៣ ខែកុម្ភៈ។

រូបភាព៖ www.womjapan.com

ជារៀងរាល់ឆ្នាំ ទីសក្ការៈបូជា Yasaka នៅទីក្រុង Kyoto តែងតែប្រារព្ធពិធីបុណ្យអំឡុងពេល ២ ថ្ងៃ ដោយចាប់ផ្តើមពីយប់ Setsubun ។ នៅយប់ថ្ងៃព្រហស្បតិ៍ Maiko មកពីតំបន់ Pontocho ក្នុងទីក្រុង Kyoto សម្តែងរបាំប្រពៃណី​លើ​ឆាក​ទី​សក្ការៈ Yasaka ។

ក្នុងថ្ងៃនេះ គេប្រើសណ្តែកសៀងលីង​សម្រាប់​បណ្តេញ​ខ្មោច​បិសាច និងវិញ្ញាណអាក្រក់ចេញពីផ្ទះរបស់ខ្លួន។ ប្រភេទសណ្តែកនេះគេហៅថា fukumame ដែល​មាន​ន័យ​ថា​សណ្តែក​សំណាង។ ក្រោយមកថង់សណ្តែក​ត្រូវ​បាន Maiko បោះពីលើ​ឆាក​​ឱ្យ​​អ្នក​នៅ​ខាង​ក្រោម​ចាប់។

ប្រភព៖ NHK