ភូមិបុរាណ Ouchi-juku ពិភពព្រិលនារដូវរងា

ថ្ងៃព្រហស្បតិ៍ 02/02/2023 | 17:10 ល្ងាច

នៅពេលដែលរដូវរងាមកដល់ ភូមិបុរាណ Ouchi-juku ខេត្ត Fukushima ប្រទេសជប៉ុន គ្របដណ្តប់ទៅដោយព្រិលប្រៀបដូចជាពិភពក្នុងរឿងនិទាន។

ភូមិ Ouchi-juku

ភូមិ Ouchi-juku ត្រូវបានសាងសង់ឡើងតាំងពី ៤០០ ឆ្នាំមុន តាមបណ្តោយផ្លូវពាណិជ្ជកម្ម Aizu-Nishi Kaido ភ្ជាប់ទីក្រុង Aizu Wakamatsu និងទីក្រុង Nikko Imaichi សម័យ Edo (ទីក្រុងតូក្យូបច្ចុប្បន្ន) ។

ផ្លូវនេះធ្លាប់ត្រូវបានសាមូរ៉ៃប្រើសម្រាប់ដឹកជញ្ជូនស្បៀង និងប្រភពផ្គត់ផ្គង់ទៅកាន់ទីក្រុងសំខាន់ៗពីជនបទ។ ភូមិធ្លាប់ឆ្លងកាត់ការបំផ្លាញ និងសាងសង់ឡើងវិញជាច្រើនដង រហូតមកដល់ពេលនេះនៅសល់ផ្ទះតែ ៤៨ ខ្នងប៉ុណ្ណោះ។ ចំណុចដែលគួរឱ្យចាប់អារម្មណ៍រួមមាន ដំបូលប្រក់ស្បូវ ប្រឡាយទឹក និងដើមឈើដែលមានអាយុរាប់រយឆ្នាំ។

មកទីនេះ ភ្ញៀវទេសចរណ៍នឹងមានអារម្មណ៍ដូចជាត្រលប់ទៅសម័យប្រវត្តិសាស្ត្រមានស្តេចក្រាញ់ អ្នកធ្វើដំណើរ និងអ្នកដឹកជញ្ជូនអង្ករពីតំបន់នានាទៅកាន់ Edo ។

ភូមិបុរាណ Ouchi-juku កំពុងក្លាយជាតំបន់ទេសចរណ៏ដែលពេញនិយម។ ជាពិសេសពេលរដូវរងាមកដល់ ព្រិលគ្របដណ្តប់លើដំបូលស្បូវ បង្កើតបានជាទិដ្ឋភាពដូចក្នុងសុបិន។ ភ្ញៀវទេសចរណ៍អាចគយគន់ទេសភាព Ouchi-juku មានព្រិលធ្លាក់ចាប់ពីខែធ្នូដល់ខែកុម្ភៈ។

ប្រសិនបើអ្នកមានឱកាសទៅលេងនៅពាក់កណ្តាលខែកុម្ភៈ ភ្ញៀវទេសចរណ៍អាចចូលរួមពិធីបុណ្យព្រិល Ouchi-juku Yuki-matsuri បណ្តែតអារម្មណ៍ក្នុងពិភពប្រវត្តិសាស្ត្រ និងវប្បធម៌នៅទីនេះ។ គយគន់ពន្លឺចង្កៀងព្រិលធ្វើដោយដៃដែលដាក់នៅតាមដងផ្លូវ រួមទាំងរបាំប្រពៃណីរបស់អ្នកស្រុក និងរីករាយជាមួយអាហារពិសេសៗដូចជា ស៊ុបសាច់ជ្រូក ស្រាផ្អែម មីធ្វើដោយដៃ ។ល។