វីដេអូយុវជនម្នាក់យកទឹកមាត់ប៉ាតស៊ូសុីក្នុងភោជនីយដ្ឋានតុបង្វិលល្បីពេញបណ្តាញ​សង្គម

វីដេអូទាស់ភ្នែកមួយនេះត្រូវបានថតនៅក្នុងភោជនីយដ្ឋានស៊ូស៊ីតុបង្វិល។ វីដេអូចាប់យកទិដ្ឋភាពយុវជនម្នាក់កំពុង​អង្គុយ​បៀម​ដៃ ដូចជាអន្ទះសាចាំស៊ូសុីមកដល់។ អំឡុងពេលរង់ចាំ យុវជនរូបនេះកាន់ដបទឹក​សុីអុីវ​លិត​ជុំវិញ​មាត់គម្រប បន្ទាប់មកយកកែវទឹកមកលិតជុំវិញ រួចដាក់កន្លែងកែវស្អាត។

មិនត្រឹម​តែប៉ុណ្ណឹង បន្ទាប់ពីបៀមដៃជាច្រើនដង យុវជន​រូប​នេះសម្លឹងមើលជុំវិញ រួចយកដៃដែលជាប់ទឹកមាត់ប៉ាតលើស៊ូសុីចំនួន ៥ ដង និងទុកអោយវា​រត់​បន្ត។ លទ្ធផល ចំណិតមឹក ២ ដុំដែលជាប់ទឹកមាត់បន្តរត់​លើ​តុបង្វិល។

ក្រោយពេលវីដេអូនេះត្រូវបានចែករំលែកលើបណ្តាញសង្គម អតិថិជនរបស់ភោជនីយដ្ឋានមួយចំនួនខឹងយ៉ាងខ្លាំង៖ “មិនគួរឱ្យជឿសោះ ខ្ញុំមិនដឹងហេតុ​អ្វីបានជាគេធ្វើបែបនេះនោះទេ” ។ “ខ្ញុំតែងតែមកទីនេះព្រោះម្ហូបឆ្ងាញ់ និង​តម្លៃ​សមរម្យ ប៉ុន្តែ​​ប្រសិន​​បើ​​មាន​រឿង​បែប​នេះ​កើត​ឡើង ពិតជាមិនស្ងប់ចិត្តឡើយ” ។

បន្ទាប់ពីវីដេអូប្រមាថនេះត្រូវបានចែករំលែកពេញលើបណ្តាញសង្គម ភោជនីយដ្ឋាន Sushiro អនុវត្តការបាញ់កម្ចាត់​មេ​រោគសា​ខា Uru ។ ភោជនីយដ្ឋានក៏​កំពុង​ប្រឹក្សាយោបល់ប៉ូលិស ដើម្បី​ដោះស្រាយ​យ៉ាង​តឹងរ៉ឹង​ចំពោះ​ទង្វើ​ទាំង​នេះ ទាំង​​រដ្ឋប្បវេណី និង​​ព្រហ្មទណ្ឌ។

Hin Hin