លិច​កប៉ាល់ដឹកទំនិញនៅជប៉ុន មនុស្ស ៩​ នាក់បាត់ខ្លួន

កងកម្លាំងការពារដែនសមុទ្រជប៉ុនជួយសង្គ្រោះនាវិកចំនួន ១៣ នាក់ និងកំពុងស្វែងរកមនុស្ស ៩ នាក់ផ្សេងទៀត បន្ទាប់ពីកប៉ាល់ដឹកទំនិញ “Jintian” លិចនៅសមុទ្រភាគនិរតីប្រទេសជប៉ុន។

រូបភាព៖ Airbus

កងកម្លាំងការពារដែនសមុទ្រកូរ៉េជួយស្វែងរកសមាជិកនាវិកកប៉ាល់ Jintian លិចនៅព្រឹកថ្ងៃទី ២៥ ខែមករា។ រូបភាព៖ AP

យោងទៅតាម Reuters កងកម្លាំងការពារដែនសមុទ្រជប៉ុន (JCG) បានអោយដឹងថា កប៉ាល់ “Jintian” មាន​ទម្ងន់ ៦.៦៥១ តោន ដែលបានចុះបញ្ជីនៅហុងកុង បានបញ្ចេញសញ្ញាអាសន្នកាលពីល្ងាចថ្ងៃទី ២៤ ខែមក ហើយ​លិច​នៅ​ម៉ោង ២ៈ៤៦ នាទីថ្ងៃទី ២៥ ខែមករា។

អ្នកនាំពាក្យរដ្ឋាភិបាលលោក Hirokazu Matsuno បានអោយដឹងថា នៅពេលដែលទទួលបានសញ្ញា ភ្លាមៗនោះ JCG ចេញ​ទូក​ល្បាត និង​យន្ត​ហោះ​នៅ​តំបន់​ជុំវិញ ដើម្បីស្វែងរក និងជួយសង្គ្រោះជនរងគ្រោះ។

លោក Matsuno បានបន្ថែមថា ឆ្មាំសមុទ្រជប៉ុន “ក៏កំពុងអំពាវនាវឱ្យមានកិច្ចសហប្រតិបត្តិការពីកងកម្លាំងស្វ័យការពារ ឆ្មាំសមុទ្រកូរ៉េ និងនាវាដែលកំពុងធ្វើដំណើរក្បែរដែនទឹកផងដែរ” ។

ទន្ទឹមនឹងនោះ ប្រព័ន្ធ​ផ្សព្វផ្សាយ​ក្នុង​ស្រុក​បាន​ដក​ស្រង់​សម្ដី​សាក្សី​ម្នាក់​និយាយថា កប៉ាល់ផ្អៀងហើយទឹកចូល។ ប្រភពព័ត៌មានផ្សេងទៀតបាន​អោយ​ដឹង​ថា សមាជិកនាវិកចំនួន ២២ នាក់ដែលមានសញ្ជាតិចិន ឬ​មីយ៉ាន់ម៉ាឡើងទូកសង្គ្រោះពេលកប៉ាល់ជួបគ្រោះថ្នាក់។

បច្ចុប្បន្នមិនទាន់ច្បាស់ពីមូលហេតុ​ដែលបណ្តាលអោយកប៉ាល់លិចក្រឡាប់នោះ​ទេ។ តំបន់ភាគខាងលិចប្រទេស​ជប៉ុន​ត្រូវ​បំផ្លិច​បំផ្លាញ​ដោយ​ព្យុះ​រដូវ​រងា​កាល​ពី​ថ្ងៃ​ទី ២៤ ខែមករា។

តំបន់ដែលកប៉ាល់លិចស្ថិតនៅចន្លោះខេត្ត Nagasaki ប្រទេសជប៉ុន និងកោះ Jeju របស់កូរ៉េខាងត្បូង ជាកន្លែងដែល​ជើង​ហោះ​ហើរ​រាប់​​រយ​​ត្រូវ​លុប​ចោល​កាល​ពី​ថ្ងៃទី ២៤ ខែ​មករា ដោយ​សារ​អាកាសធាតុអាក្រក់ខ្លាំង។

ប្រភព៖ Skydoor

មើលបន្ថែម: