ទម្រង់សិល្បៈ Zentai ជួយដល់ការព្យាបាលបញ្ហាផ្លូវចិត្ត

សម្លៀកបំពាក់រឹបរាងកាយទាំងមូលជួយដល់មនុស្សជាច្រើនដែលមានបញ្ហាផ្លូវចិត្ត និងកាត់បន្ថយសម្ពាធក្នុងជីវិត។

សិល្បៈសម្តែង Zentai ពាក់អាវរឹបរាងកាយទាំងមូល ដើម្បីរំដោះខ្លួនចេញពីសម្ពាធរបស់គ្រួសារ។

Yukinko អាយុ ២៧ ឆ្នាំ ជាសមាជិកដែលសកម្មរបស់ Tokyo Zentai Style ជិតមួយទសវត្សរ៍មកហើយ ដែលជាសមាគម​មួយ​​ក្នុង​​ចំណោម​​សមាគម Zentai មានអាយុកាលយូរជាងគេនៅជប៉ុន ដែលបង្កើតឡើងក្នុងឆ្នាំ ១៩៩៧ ។ 

សមាជិកទាំង ២៥ នាក់នៃសមាគមនេះស្លៀកឈុតរឹបរាងកាយទាំងមូលសម្រាប់កម្មវិធីទាំងអស់មិនថាទាក់ទងនឹង​សិល្បៈ ឬ​ទាក់​ទង​នឹង​ចំណូល​ចិត្ត​ឡើយ។

ជារៀងរាល់ថ្ងៃ នាងទៅធ្វើការនៅធនាគារ ដល់ចុងសប្តាហ៍នាងចាត់ទុកខ្លួនជា Yukinko អ្នកសម្តែង Zentai ម្នាក់។

លើកដំបូងដែល Yukinko ស្គាល់ទម្រង់សិល្បៈនេះតាមរយៈព្រឹត្តិការណ៍នៅទីក្រុងតូក្យូឆ្នាំ ២០១៥ កាលនោះនាងនៅរៀន​មហា​វិទ្យា​ល័យ។

Yukinko បានប្រាប់ VICE ថា “ទម្រង់សិល្បៈនេះទាក់ទាញចំណាប់អារម្មណ៍របស់ខ្ញុំ ព្រោះវាមើលទៅចម្លែក ប៉ុន្តែគួរឱ្យចាប់អារម្មណ៍ខ្លាំងណាស់។ ខ្ញុំសួរបុរសម្នាក់ ហើយ​ត្រូវ​បាន​ណែនាំ​ឱ្យ​ស្គាល់ Zentai ។ ដូច្នេះខ្ញុំបានសាកល្បងស្លៀក​​ដោយ​​មិន​​ស្ទាក់​​ស្ទើរ នោះ​ជា​ពិភព​មួយ​ថ្មី​ទាំង​ស្រុង ជាអារម្មណ៍ដែលខ្ញុំមិនធ្លាប់ឆ្លងកាត់” ។

នៅជប៉ុនសមាគម Zentai កាន់តែច្រើនឡើង។

“Zentai” មកពីពាក្យ “Zenshin Taitsu” ដែលសំដៅលើសម្លៀកបំពាក់រឹបរាងកាយទាំងមូលរួមទាំងក្បាលផងដែរ។

មនុស្សជាច្រើនចាប់ផ្តើមចូលចិត្តសម្លៀកបំពាក់ដែលធ្វើពី polyester ឬ nylon នាទសវត្សរ៍ទី ៩០ ដូចជាទំនោរថ្មី។

ភាគច្រើនសម្លៀកបំពាក់ទាំងនេះមានពណ៌ដូចគ្នា មិនមានក្បាច់រចនា និងរន្ធភ្នែកនោះទេ។ នៅសម័យនោះ សម្លៀកបំពាក់នេះសម្រាប់បុរស។ ទោះជាយ៉ាងណា ចលនា Zentai បានអភិវឌ្ឍបន្តិចម្តងៗ ហើយទទួលបានប្រជា​ប្រិយ​ភាព​យ៉ាង​ទូលំ​ទូលាយ​ក្លាយ​ជា​សិល្បៈ​សម្តែង។

ព្រឹត្តិការណ៍ទាំងនេះច្រើនតែមានអត្តន័យគោរពចូលចិត្ត ប៉ុន្តែអ្នកដែលចូលចិត្តដូចជា Yukinko ចាត់ដូចជាឧបករណ៍សម្រាប់រំដោះខ្លួនពីសម្ពាធ និងគំនិតរបស់សង្គម។

Yukinko បាននិយាយថា “ខ្ញុំអាចធ្វើជាខ្លួនឯងពេលស្លៀកឈុត Zentai ខ្ញុំជាមនុស្សរីករាយ និង​ចូល​ចិត្ត​លេង​សើច ប៉ុន្តែ​ខ្ញុំ​ធំ​ដឹង​ក្តី​នៅក្នុងគ្រួសារដែលចាស់កំរិល ហើយ​តែង​តែ​រំពឹង​ថា​​រកបានការងារនឹងន​” ។

Yukinko បានបន្ថែមថា ម្តាយរបស់នាងជាមនុស្សតឹងរ៉ឹងខ្លាំង តែងតែធ្វើឱ្យនាងមានអារម្មណ៍តានតឹងព្រោះត្រូវបំពេញតាមតម្រូវការរបស់គ្រួសារ។

កាលនៅតូច Yukinko បន្ធូរអារម្មណ៍តាមរយៈការចូលរួមក្លឹបល្ខោនរបស់សាលា។ រហូតដល់ពេញវ័យ Zentai បាននាំ​មក​នូវ​ភាព​រីក​រាយ​សម្រាប់​នាង។

នាងនិយាយថា “ខ្ញុំចូលចិត្តចូលតួតួអង្គណាមួយ ដូច្នេះនៅពេលដែលខ្ញុំបានឃើញ និងសាកល្បង Zentai ខ្ញុំគិតថានៅទីបំផុតខ្ញុំបានរកឃើញកន្លែងមួយដែលខ្ញុំអាចជាខ្លួនឯង។ ព្រោះពេលស្លៀកឈុតមួយនឹង ខ្ញុំមានអារម្មណ៍ដូច​ជា​បាន​ដោះ​អាវ​ក្រៅ​ចេញ ហើយអាច​ក្លាយ​ជា​មនុស្ស​ពិត​ដោយ​មិន​បញ្ចេញ​ឈ្មោះ” ។

សម្លៀកបំពាក់រឹបរាងកាយទាំងមូលជួយឱ្យមនុស្សជាច្រើនមានទំនុកចិត្ត និងជួយព្យាបាលផ្លូវចិត្ត។

Yukinko យល់ថា Zentai អាចជួយដល់សុខភាពផ្លូវចិត្ត។

Yukinko បានអោយដឹងថា “សព្វថ្ងៃនេះ យុវវ័យ ជាពិសេសយុវនារីអន់ចិត្តចំពោះរូបរាងខាងក្រៅរបស់ខ្លួន ដោយប្រៀបធៀបខ្លួនឯងនឹងអ្នកដទៃ​លើ​បណ្តាញ​សង្គម។ ចំណុចនេះបណ្តាលឱ្យ​មាន​ជំងឺ​ថប់​បារម្ភ​សង្គម ឬ​ជំងឺ​ធ្លាក់​​ទឹក​ចិត្ត។ ឃើញថា​មនុស្ស​ជា​ច្រើន​ប្រើសម្លៀកពាក់នេះដើម្បីបន្ធូរអារម្មណ៍” ។

សមាជិកមួយចំនួនក្នុងក្រុមរបស់ Yukinko ពិបាកក្នុងការទំនាក់ទំនងជាមួយអ្នកដទៃ។ យ៉ាងណាពួកគេអាចរំដោះ​ខ្លួន​ពេល​​ស្លៀក​​សម្លៀក​​បំពាក់ Zentai អាចសម្លឹងមើលភ្នែកទស្សនិកជន ញញឹម និង​គ្រវីដៃ។

នាងបន្តថា “ពេលស្គាល់ Zentai វាមិនពេញនិយមទាល់តែសោះ។ ប៉ុន្មានឆ្នាំថ្មីៗនេះ សាធារណៈ​ជនចាប់ផ្តើមទទួលស្គាល់ទម្រង់សិល្បៈ​សម្ដែង។ ខ្ញុំសង្ឃឹមថា អាចជួយដល់មនុស្សដែលមានជំងឺផ្លូវចិត្តតាមរយៈការណែនាំ Zentai ដូច​ជា​ជំនួយ​ផ្លូវ​ចិត្ត” ។

ប្រភព៖ Skydoor