តើស៊ូស៊ីពិតជាល្អចំពោះសុខភាពដែរទេ?

ថ្ងៃព្រហស្បតិ៍ 19/01/2023 | 11:56 ព្រឹក

ដោយសារតែបរិមាណកាឡូរីច្រើន ខ្ជិលហាត់ប្រាណ និងការផ្លាស់ប្តូរទម្លាប់រស់នៅជាមូលហេតុដែលធ្វើឲ្យរាងកាយរបស់យើងប្រែប្រួល ដូច្នេះមនុស្សកាន់តែច្រើនចាប់ផ្តើមយកចិត្តទុកដាក់លើអាហារដែលល្អចំពោះសុខភាព។

ពួកគេចាប់អារម្មណ៍ជាពិសេសចំពោះអាហារមកពីប្រទេសជប៉ុន មនុស្សជាច្រើនគិតថា Sushi ជាអាហារដែលល្អចំពោះសុខភាព។ ទោះជាយ៉ាងណា តើចំណុចនេះពិតដែរទេ? ខ្ញុំនឹងពន្យល់ប្រាប់អ្នក។

នៅពេលដែលនិយាយពីស៊ូសុី យើងតែងតែប្រើត្រីច្រើនប្រភេទសម្រាប់ធ្វើម្ហូប។ ដូច្នេះអាស្រ័យលើប្រភេទត្រី បរិមាណស្ករ និងកាឡូរីនឹងប្រែប្រួល។ ចូរយើងក្រឡេកមើលប្រភេទត្រីមួយចំនួនដែលប្រើសម្រាប់ធ្វើស៊ូស៊ី។

បរិមាណកាឡូរី និងស្ករលើចំណែកត្រីសម្រាប់ធ្វើស៊ូស៊ីដូចខាងក្រោម៖

ត្រីធូណា៖ ៦០ kcal – ស្ករ ៧.៤ ក្រាម

កន្ទុយលឿង៖ ៨៦ kcal – ស្ករ ៧.៤ ក្រាម

បង្គា៖ ៦១ kcal – ស្ករ ៧.៤ ក្រាម

ត្រីសាម៉ុងជាប្រភេទត្រីដែលមនុស្សភាគច្រើនចូលចិត្ត ផ្ទុក ៦០ kcal និងស្ករ ៧,៤ ក្រាម។

ជាការពិតណាស់ អ្នកមិនត្រឹមតែហូបស៊ូសុីមួយចំណែកប៉ុណ្ណោះទេ ដូច្នេះប្រសិនបើអ្នកហូប ១០ ចំណែក មានន័យថាផ្ទុកចំនួន ៦៦២ kcal និងស្ករ ៧៤,៣ ក្រាម។ ថ្វីត្បិតតែ ស៊ូស៊ីមិនមានកាឡូរីច្រើន ប៉ុន្តែវាផ្ទុកចំនួនស្ករច្រើន។

ឧទាហរណ៍ម្ហូបជប៉ុនមួយមុខទៀតដូចជាការីសាច់គោ។ ក្នុងមុខម្ហូបនេះបរិមាណកាឡូរីមានចំនួន ៨៣៨ kcal ស្តាប់ទៅមិនល្អសម្រាប់រាងកាយរបស់អ្នកទេ ប៉ុន្តែបរិមាណស្ករប្រហែល ៤១ ក្រាមប៉ុណ្ណោះ។ ទាបជាងបរិមាណស្ករដែលមានក្នុង ១០ ចំណែកស៊ូសុី។

តាមពិតទៅយើងមិនទាន់រាប់បញ្ចូលបាយនោះទេ ប្រសិនបើហូបបាយមួយចានផ្ទុកប្រហែល ២៣៤ kcal និងកម្រិតស្ករ ៤១ ក្រាម។ ដូច្នេះតើអ្នកដឹងទេថាមានបរិមាណស្ករប៉ុន្មាននៅពេលដែលយើងហូបស៊ូស៊ីជាមួយបាយទេ? ប្រហែល ២០ ក្រាមមួយចំណែក និង ២០០ ក្រាមចំនួន ១០ ចំណែក រីឯបាយមួយចានពេញមានជាតិស្ករត្រឹមតែ ១៥០ ក្រាមប៉ុណ្ណោះ។

អ្នកដឹងហើយថា Sushi មិនល្អចំពោះសុខភាពដូចដែលអ្នកគិតនោះទេ។

និយាយអញ្ចឹងមិនមែនមានន័យថា ស៊ូស៊ីជាមុខម្ហូបដែលបង្កគ្រោះថ្នាក់ដល់សុខភាពនោះទេ ប៉ុន្តែដោយសារតែវាមានរសជាតិឆ្ងាញ់ទើបធ្វើឲ្យអ្នកចង់ភ្លក់ច្រើនប្រភេទ ដែលនាំឲ្យអ្នកហូបច្រើន។

ប្រសិនបើអ្នកភ្លេចខ្លួន ព្រោះតែគិតថា ស៊ូសុីជាអាហារដែលល្អចំពោះសុខភាព នោះអ្នកប្រាកដជាទទួលទានកាឡូរី និងជាតិស្ករច្រើនដោយមិនដឹងខ្លួន ដូច្នេះសូមអ្នកទាំងអស់គ្នាយកចិត្តទុកដាក់។

Kengo Abe