វីដេអូថតសកម្មភាពបន្សល់ទុកស៊ូស៊ី ១ ដុំបង្កមតិរិះគន់យ៉ាងខ្លាំងលើបណ្តាញសង្គម

កាលពីពេលថ្មីៗនេះ វីដេអូ Tiktok មួយបានបង្កការភ្ញាក់ផ្អើលលើបណ្តាញសង្គម។ ក្នុងវីដេអូឃើញមានមនុស្សម្នាក់ចាប់ Sushi ១ ដុំ​នៅ​​លើ​​តុ​បង្វិល។ ម្យ៉ាងចានមួយនេះជាការបញ្ជាទិញ។

វីដេអូ Tiktok នេះ​ត្រូវ​បាន​អ្នក​ប្រើគណនី Twitter ម្នាក់​បង្ហោះ​ ហើយទទួលបានមតិរិះគន់ជាច្រើន។ ក្នុងអត្តបទនេះ យើង​គ្រាន់​តែ​ដាក់​រូបភាពមិនដាក់តំណភ្ជាប់ ដើម្បីជៀសវាងការបញ្ចេញមតិរិះគន់ សង្ឃឹមថាអ្នកទាំងអស់គ្នា​យោគ​យល់។

នៅលើ Twitter បានអោយដឹងថា អ្នកថតវីដេអូក៏ជាអ្នកបញ្ជាទិញអាហារផងដែរ ប៉ុន្តែ​មិនមាន​ភស្តុតាង​សម្រាប់បញ្ជាក់ថាជាការពិតឬអត់ទេ។ នៅភោជនីយដ្ឋាន Sushi តុបង្វិល អ្នកត្រូវទូទាត់ប្រាក់អាស្រ័យលើចំនួនចាន ក៏ដូច​ជា​តម្លៃ​ដែល​បានកំណត់សម្រាប់ Sushi មួយចានៗ។ ចំណុចនេះដូចជាការកំណត់រវាង​ភោជនីយ​ដ្ឋាន និងភ្ញៀវ ដែល​អ្នកប្រើប្រាស់សេវាកម្មត្រូវយល់។ នៅពេលគិតលុយ គេផ្អែកលើប្រភេទចានសម្រាប់កំណត់តម្លៃ ដូច្នេះសកម្មភាពកាត់បន្ថយបរិមាណអាហារលើចានដោយចេតនាមានន័យថា “លួច” ជាបទល្មើស (犯罪: hanzai) ។

ដោយមិនទាន់គិតលើសោភ័ណភាព និងអនាម័យចំណីអាហារផងនោះ។

តាម​ការ​បញ្ជាក់​ថា អាហារនេះត្រូវបាន​កុម្ម៉ង់ ប៉ុន្តែបើកុម្ម៉ង់​អាហាររួចហើយ ពន្យល់យ៉ាងណាចំពោះ Sushi ដែល​នៅ​សល់​តែ ១ ដុំលើតុបង្វិល។ មិនត្រឹម​តែប៉ុណ្ណឹង វីដេអូ​ដើមដាក់​ស្លាក​ភោជនីយដ្ឋាន ដែល​ធ្វើ​ឱ្យ​បាត់បង់មុខ​មាត់​អាជីវកម្ម។

ផលប៉ះពាល់អវិជ្ជមានចំពោះអ្នកដទៃ។

វីដេអូខ្លីពេកហើយ យើងពិតជាមិនដឹងថាមានអ្វីកើតឡើងចំពោះ Sushi នោះទេ។ ថ្វីត្បិតតែសកម្មភាពមិនខុសច្បាប់ គួរតែពិចារណាអំពីផលប៉ះពាល់អវិជ្ជមានរបស់វាទៅលើអ្នកមើលផងដែរ។ មិនថាវីដេអូមានគោល​បំណង​អ្វី គ្រាន់​តែ​លេង​សើច ឬដើម្បីផ្សព្វផ្សាយនៅលើបណ្តាញសង្គម វាមិនបានផ្តល់ផលប្រយោជន៍ពិតប្រាកដណា​មួយ​​សម្រាប់​​អ្នក​​មើល ភោជនីយ​ដ្ឋាន ឬ​អ្នក​បង្ហោះ​នោះ​ទេ។

ជាការពិតណាស់ មិនអាចកំណត់ថា content អាហារទាំងអស់នៅលើ Tiktok សុទ្ធតែអាក្រក់ឡើយ ប៉ុន្តែខ្លឹមសារមួយចំនួនដាក់ស្លាក ネタ (neta: គ្រឿងផ្សំ) នៅជប៉ុនបង្ហាញពីទង្វើខ្វះការគោរពចំពោះអាជីវកម្ម ចុងភៅ ក៏ដូច​ជា​ភ្ញៀវ​ផ្សេង​ទៀត។ សង្ឃឹមថាយើងអាចចែករំលែកវីដេអូឃ្លីបល្អៗលើបណ្ដាញសង្គម ដូចជាអាហារឆ្ងាញ់ ទង្វើល្អ ដែល​មិន​មែន​ជា​រឿងកំប្លែងបែបនេះទេ។

Sacchan