ទំព័រដើម
Japo- ថ្ងៃនេះ
ព្រោះតែប្រវែង ០,៨៦ សង់ទីម៉ែត្របុរស Osaka ម្នាក់ត្រូវចោទប្រកាន់យកវត្ថុមុតស្រួចតាម និងពិន័យជាប្រាក់ ១០ ម៉ឺនយ៉េន

ព្រោះតែប្រវែង ០,៨៦ សង់ទីម៉ែត្របុរស Osaka ម្នាក់ត្រូវចោទប្រកាន់យកវត្ថុមុតស្រួចតាម និងពិន័យជាប្រាក់ ១០ ម៉ឺនយ៉េន

ថ្ងៃសុក្រ 06/01/2023 | 15:55 ល្ងាច

ជប៉ុនជាប្រទេសដែលចែងច្បាប់តឹងរឹងចំពោះអាវុធ ជាពិសេសកាំភ្លើង។ ទោះជាយ៉ាងណារបស់របរប្រចាំថ្ងៃដូចជាកន្ត្រៃក៏អាចធ្វើអោយអ្នកជាប់ទោសបានដែរ។

បុរសនៅ Osaka ម្នាក់ ដែលយើងហៅបណ្តោះអាសន្នថាលោក ក មានអាយុប្រហែល ៤០ ឆ្នាំ ធ្វើការនៅមជ្ឈមណ្ឌលសម្រាប់ជនពិការ។ គាត់ត្រូវគេធ្វើរោគវិនិច្ឆយថាខ្សោយសតិបញ្ញាកម្រិតស្រាល ហេតុការណ៍នេះបានកើតឡើងកាលពីថ្ងៃទី ២៧ វិច្ឆិកា ។

ក្រោយពេលជួបបញ្ហាមួយចំនួន លោក ក ជិះចូលចំណតរថយន្ត។ រឿងរ៉ាវមិនធ្ងន់ធ្ងរនោះទេ នៅពេលមានប៉ូលីសម្នាក់ពីស្ថានីយ៍ Yao នៅ Osaka មកដល់។ ប៉ូលីសមើលឃើញកន្ត្រៃដែលលោក ក ទិញនៅហាង ១០០ យ៉េនប្រើសម្រាប់កាត់ស្លាកផលិតផល។

ប៉ូលិសរូបនោះឃាត់លោក ក រហូតដល់មានបុគ្គលិកម្នាក់ទៀតយកពាយវាស់មក។ គោលបំណងរបស់ពួកគេគឺចង់វាស់កន្ត្រៃរបស់លោក ក ដើម្បីដឹងថាតើមានបំពានច្បាប់គ្រប់គ្រងដាវ និងកាំភ្លើងឆ្នាំ ១៩៥៨ ដែរអត់។ ច្បាប់នេះហាមឃាត់យកវត្ថុមុតស្រួចមានប្រវែងជាង ៨ សង់ទីម៉ែត្រតាម។

ផ្លែកន្ត្រៃរបស់លោក ក មានប្រវែង ៨,៨៦ សង់ទីម៉ែត្រ។

ក្រោយករណីនេះ មិនមានរឿងអ្វីកើតឡើងចំពោះលោក ក រយៈពេល ២ ខែ រហូតដល់ពេលដែលប៉ូលិសសម្រេចចោទប្រកាន់ជាមួយព្រះរាជអាជ្ញា ហើយអញ្ជើញលោកទៅតុលាការ ។

នៅក្នុងតុលាការ ព្រះរាជអាជ្ញាបានចោទប្រកាន់លោក ក ថា ថ្វីត្បិតតែព្រមានមិនឱ្យទុកកន្ត្រៃក្នុងរថយន្ត ប៉ុន្តែលោកមិនអើពើ។ ជាមួយគ្នានេះ មេធាវីការពារក្តីរបស់លោក ក បាននិយាយថា ប៉ូលិសគ្រាន់តែប្រាប់គាត់ថាដាក់កន្រ្តៃក្នុងឡានគ្រោះថ្នាក់ណាស់។

មុននោះនៅកន្លែងកើតហេតុប៉ូលិសបានបង្ខំគាត់ឱ្យចុះហត្ថលេខាលើលិខិតបញ្ជាក់។ ក្នុងនោះគាត់ទទួលស្គាល់ថា គាត់ដឹងថាយកកន្ត្រៃតាមគ្រប់ទីកន្លែងគឺខុសច្បាប់។

មេធាវីការពារក្តីបានបញ្ជាក់ថា លោក ក ពេលនោះកំពុងហត់នឿយ ភ័យខ្លាច និងចង់ត្រឡប់ទៅផ្ទះវិញ។

សេចក្តីសន្និដ្ឋានចុងក្រោយរបស់តុលាការគឺលោក ក ត្រូវទទួលខុសត្រូវតាមព្រហ្មទណ្ឌ។ ដោយសារតែគាត់មិនដែលមានប្រវត្តិប្រព្រឹត្តិបទល្មើស ដូច្នេះលោក ក ត្រូវពិន័យជាប្រាក់ចំនួន ១០ ម៉ឺនយ៉េន។

នៅលើ Twitter មនុស្សជាច្រើនបានពិភាក្សាចំពោះករណីខាងលើ ដោយនិយាយថា ការកាត់ទោសនេះ “ជាការខ្ជះខ្ជាយប្រាក់ពន្ធ និងពេលវេលា” ។

Sacchan