ទេវតាសំណាងទាំង ៧ អង្គ ក្នុងនោះមានមួយអង្គមានប្រភពមកពីជប៉ុន

នៅពេលឆ្នាំថ្មីមកដល់ មិនអាចមិនរំលឹកដល់ទេវតានោះទេ។ ប្រសិនបើជនជាតិជប៉ុនម្នាក់និយាយពីទេវតា ៧ អង្គ​មាន​ទឹក​មុខរីករាយ សុភមង្គល គេប្រាកដជាកំពុងសំដៅលើ 七福神 (Shichifukujin) – ទេវតាសំណាងទាំង ៧ អង្គ។

ទេវតាទាំង ៧ អង្គមានដូចជា 布袋 – Hotei (តាកំប៉ោង) 毘沙門天 – Bishamonten 福禄寿 – Fukurokujyu (ទេវតាទ្រព្យ សំណាង អាយុវែង) 寿老人 – Jyuroujin 大黒天 – Daikokuten (ទេវតាសំណាង) 弁財天 – Benzaiten និង 恵比寿 – Ebisu (ទេវតាទ្រព្យ) ក្នុង​ចំណោម​នោះមានតែទេវតាទ្រព្យដែលគេចាត់ទុកជាទេវតាជប៉ុន។

សល់ប៉ុន្មានគេចាត់ទុកជាទេវតាបរទេស។

ចូរយើងស្វែងយល់អំពីជីវប្រវត្តិរបស់ទេវតាទាំង ៧ អង្គដែលបានរៀបរាប់ខាងលើ។

ជាដំបូង 恵比寿 – Ebisu (ទេវតាទ្រព្យ)៖

ស្ថានីយ៍ Ebisu នៅជាប់នឹងស្ថានីយ៍ Shibuya ដែលដាក់តាមឈ្មោះទេវតាទ្រព្យ។ យោងទៅតាមទេវកថារបស់​ជប៉ុន ទេវតា Ebisu ជាកូនរបស់ទេវតា Izanaginomikoto និងទេវតា Izanaminomikoto ។ នៅពេលទើបតែប្រសូត្រ ទារកគ្មាន​ដៃ ជើង និងមានរូបរាងចម្លែក។ គេហៅទារកនោះថា Hiruko ព្រោះតែខ្លាចខ្លាំងពេក ទើប​សម្រេច​ចិត្ត​​អណ្តែត​​ទារក​​នោះ​​ចេញទៅសមុទ្រ។

ក្រោយមកក្មេងនោះក្លាយទៅជាទេវតាសមុទ្រ រសាត់ទៅលើដីគោក ត្រូវបានលើកតម្កើងជាទេវតាហៅថា Ebisu ។ ថ្វីត្បិតតែ​ជា​ទេវតា ប៉ុន្តែ​រឿងរ៉ាវរបស់ទេវតាគួរអោយអាណិតណាស់។

大黒天 – Daikokuten (ទេវតាសំណាង)៖

នេះជាទេវតានៃសាសនាហិណ្ឌូ ប្រទេសឥណ្ឌា ព្រះសិវៈ។

ដំបូងឡើយ Shinto ជាសាសនាតែមួយគត់នៅប្រទេសជប៉ុន ប៉ុន្តែក្នុងសាសនា Shinto គោរពបូជាដល់ទៅ ៨ លានទេវតា តាមពិតទៅចំនួន ៨ លានគ្រាន់តែជាការនិយាយប៉ុណ្ណោះ យោងតាមទ្រឹស្ដី “អ្វីៗទាំងអស់មានវិញ្ញាណ” ទេវតា​នៅ​គ្រប់​ទី​កន្លែង មិន​អាចរាប់ចំនួនទេវតាក្នុងសាសនា Shinto បានឡើយ។

ដោយសារតែជំនឿនេះទើប Shinto ងាយនឹងសម្របខ្លួនជាមួយសាសនាផ្សេងទៀត ចំណែក​ទេវតា​សំណាង​ក៏​ដូចគ្នា​ដែរ។ ដូច្នេះ​ហើយ បើ​ដឹង​ថា​ទេវតា​សំណាង​ជាទេវតានៃប្រទេសឥណ្ឌាក៏មិនចម្លែកដែរ។

毘沙門天 – Bishamonten ក៏ជាទេវតាឥណ្ឌាដែរ

អាទិទេពអង្គនេះក៏មានដើមកំណើតពីសាសនាហិណ្ឌូដែរ ប៉ុន្តែតំណាងឱ្យភាពសម្បូរបែប និងទ្រព្យសម្បត្តិ។ នៅ​ពេល​ដែល​នាំ​ចូល​ជប៉ុន និមិត្ត​រូប​ទេវតា​ត្រូវបានកែសម្រួលបន្តិច ប្រជាជនគោរពបូជាដូចទេវតាសង្គ្រាម។

弁財天 – Benzaiten ក៏មកពីប្រទេសប្រទេសឥណ្ឌាដែរ

ទេពធីតាមានឈ្មោះថា Sarawati ដែលជាតំណាងទន្លេដ៏ពិសិដ្ឋ ជានិមិត្តរូបនៃ “លំហូរ” សិល្បៈ ចំណេះដឹង និងពាក្យសម្តី។

福禄寿 – Fukurokujyu (ទេវតាទ្រព្យ សំណាង អាយុវែង)

បើទេវតាទាំង ៣ អង្គខាងលើមក​ពី​ប្រទេស​ឥណ្ឌា រីឯទេវតាអង្គនេះមក​ពី​ប្រទេស​ចិន។ ព្រះអង្គ​ជាទេវតានៃ​សាសនា​​តាវ​ ចូល​ចិត្ត​ផឹក​ស្រា ប៉ុន្តែ​​មាន​​អាយុ​​វែង។

寿老人 – Jyuroujin 

ស្រដៀងគ្នាដែរ ទេវតាអង្គនេះ​មក​ពី​ប្រទេស​ចិន​ ពេលអានឈ្មោះគាត់មនុស្សជាច្រើនប្រាកដជាគិតថា អង្គនេះមិន​ខុស​ពី​ទេវតា​ទ្រព្យ សំណាង អាយុវែងខាងលើទេ ប៉ុន្តែប្រជាជនជប៉ុនបែរជាចាត់ទុកគាត់ជាទេវតាដោយឡែកមួយ​ក្នុង​ចំណោម​ទេវតា​ទាំង ៧ អង្គ។

布袋 – Hotei (តាកំប៉ោង)

លោកជាគ្រូសមាធិនៃ​ព្រះ​ពុទ្ធ​សាស ក្នុងសម័យ​រាជវង្ស​ថាង មានដើមកំណើតមកពីប្រទេសចិន។ ទ្រង់មិនគង់នៅមួយ​កន្លែង​ឡើយ ប៉ុន្តែ​យាង​ទៅ​គ្រប់​ទី​កន្លែង។ ទ្រង់​ជាទេវតាតែមួយគត់ក្នុងចំណោម ៧ អង្គធ្លាប់ជាមនុស្ស។

ជប៉ុនជាប្រទេសកោះ ហើយក៏ធ្លាប់អនុវត្តគោលនយោបាយ “បិទទំនាក់ទំនង” ជនជាតិជប៉ុនមិនពូកែទំនាក់ទំនង​ជា​មួយ​ជន​បរទេស​នោះ​ទេ ប៉ុន្តែយ៉ាងណាទេវតាដែលជប៉ុនគោរពបូជាសុទ្ធតែមកពីបរទេស ពិតជាមិននឹកស្មាន​ដល់​មែន​ទេ។

Kengo Abe