យុទ្ធនាការ “ទទួលចិញ្ចឹម​មនុស្សពេញវ័យ” នៅជប៉ុន

ហេតុ​អ្វីបានជាភាគច្រើនករណីទទួល​ចិញ្ចឹមនៅជប៉ុនជាបុរស និងជាមនុស្សដែលពេញវ័យ?

នៅពេលរំលឹកដល់ពាក្យ “ទទួលចិញ្ចឹម​” មនុស្សជាច្រើនគិតភ្លាមដល់កុមារ។ ថ្វីត្បិតតែជប៉ុនជាប្រទេសដែលមានអត្រា​ទទួលចិញ្ចឹម​ខ្ពស់ជាងគេលើពិភពលោក ភាគច្រើនករណីទទួលចិញ្ចឹម​មិនមែនកុមារនោះទេ ប៉ុន្តែជាបុរសពេញ​វ័យ។

ដើម្បីគោលបំណងអ្វី? សម្រាប់បិទបាំងអំពើផិតក្បត់ ឬគេចពន្ធមរតក? ម្ចាស់​អាជីវកម្ម​គ្រួសារ​មិន​ចង់​ផ្ទេរ​មរតក​ទៅ​អោយ​ដែល​​ខ្ជិល​​ច្រអូស ដូច្នេះទទួលចិញ្ចឹមកូនម្នាក់ទៀតដែលល្អជាងឬ?

នៅជប៉ុននិយមន័យទទួលចិញ្ចឹម​ 養子縁組 (Youshin engumi) ប៉ុន្តែអ្វីដែលជនជាតិជប៉ុនអនុវត្តខុសពីការគិតរបស់​អ្នក។

ការទទួលចិញ្ចឹមក្លាយជា​យុទ្ធសាស្ត្រអាជីវកម្ម

នៅប្រទេសជប៉ុនមានកត្តាជាច្រើនជះឥទ្ធិពលដល់គ្រួសារដូចជា ទំនើបកម្ម បច្ចេកវិទ្យា និងសង្រ្គាម។ រចនាសម្ព័ន្ធ​គ្រួសារ​ច្រើន​ជំនាន់ចាប់ផ្តើមដួលរលំ នៅពេលដែលសមាជិកគ្រួសារសម្រេចចិត្តបំបែកខ្លួន។ មូលធននិយមជាទម្រង់សេដ្ឋកិច្ចឈានមុខគេនៅជប៉ុន ដែលជំរុញកំណើនអាជីវកម្មគ្រួសាររីកចម្រើនបន្ថែម។ ជាពេលដែលការទទួល​ចិញ្ចឹម​​មនុស្ស​ពេញ​វ័យ​​ក្លាយទៅជាយុទ្ធសាស្ត្រអាជីវកម្ម។

ហេតុ​អ្វីត្រូវឆ្លងកាត់នីតិវិធីទទួលចិញ្ចឹម​ស្មុគស្មាញគ្រាន់តែដើម្បីកំណត់ CEO បន្ទាប់? ចូរចងចាំថាជនជាតិជប៉ុន​ផ្តោត​សំខាន់​លើ​បុព្វ​បុរស និង “នាមត្រកូល” គ្រួសារ។ ប្រព័ន្ធអត្រានុកូលដ្ឋាន 戸籍 (こせき; koseki) របស់​ជប៉ុន​​នៅ​​តែ​ដំណើរ​ការ​​ល្អ​​រហូត​​មក​​ដល់​​សព្វ​​ថ្ងៃ។

ជាមូលដ្ឋាន អាចទទួលចិញ្ចឹម​បុរសម្នាក់ យ៉ាងណានៅលើក្រដាសស្នាមបុរសនោះត្រូវចាត់ទុកថាមានទំនាក់ទំនងសាច់ឈាម។ ដូច្នេះហើយ គ្រួសារដែលទទួលចិញ្ចឹម​សង្ឃឹម​ថាបុគ្គលម្នាក់នោះនឹងបោះបង់ចោលគ្រួសារ និងបុព្វបុរសរបស់ខ្លួន។

ករណីទទួលចិញ្ចឹម​មនុស្សពេញវ័យនៅតែមានក្នុងសង្គមជប៉ុនរហូតមកដល់សព្វថ្ងៃ ហើយនៅតែបន្ត។ នៅពេលដែលអត្រា​កំណើត​ធ្លាក់​ចុះ ក៏ដូចជាប្រព័ន្ធនៅជប៉ុន អាជីវកម្មគ្រួសារត្រូវផ្អែកលើមធ្យោបាយជាច្រើនដើម្បីបន្ត។

Sacchan