អ្នកដឹងទេថាខ្ញីក្រហមដែលគេប្រើច្រើន​ក្នុង​ភោជនីយដ្ឋាន​ជប៉ុន​ល្អ​ចំពោះ​​សុខ​ភាព

អ្នកដែលចូលចិត្តទទួលទានអាហារជប៉ុន តើអ្នកចូលចិត្តខ្ញីក្រហមដែរទេ? ដូចជាគ្រឿងបន្ថែមដែលគេហូបជា​មួយ Yakisoba ឬ Gyudon មាន​ពណ៌​ក្រហម ​រសជាតិ​ហឹរ​ល្មម។

តាមពិតទៅ មាន ២ ប្រភេទដែលយើងច្រើនគិតថាជាខ្ញីក្រហម ប្រភេទទី ១ គឺ Gari ហូបជាមួយនឹង Sushi ប្រភេទ​មួយ​ទៀត​គឺ Benishouga ហូបជាមួយ Gyudon តើប្រភេទទាំង ២ នេះខុសគ្នាយ៉ាងណា?

ហេតុ​អ្វីខ្ញីមានពណ៌ក្រហម?

ហេតុ​តែ Benishouga មានពណ៌ក្រហមដោយសារគេយកខ្ញីស្រស់ទៅត្រាំក្នុងទឹកខ្មេះផ្លែ Plum ក្រហម និងសារធាតុចម្រាញ់​ពី Perilla ។ ត្រាំបែបនេះខ្ញីមានពណ៌ផ្កាឈូកដិតជាជាងពណ៌ក្រហមស្រស់។ Benishouga មានពណ៌ក្រហម​​ដិត​​ដោយ​សារ​គេ​ប្រើ​ល័ក្ខ។

ភាពខុសគ្នារវាង Gari និង Benishouga

ជ្រក់ទាំង ២ នេះសុទ្ធតែធ្វើពីខ្ញី ប៉ុន្តែរបៀបធ្វើខុសគ្នា។ Gari ហាន់ជាបន្ទះស្តើង បន្ទាប់ពីស្រុសទឹកក្តៅនឹងត្រាំក្នុង Amazu (ទឹកខ្មេះ​ផ្អែម)។ Gari មិន​ប្រើ​ល័ក្ខ ហេតុ​តែវាមានពណ៌ផ្កាឈូកដោយសារប្រតិកម្មរបស់ anthocyanin polyphenol ក្នុង​ខ្ញី​ជា​មួយ​នឹង axit xitric ក្នុងទឹកខ្មេះផ្អែម។

Benishouga មានអត្ថប្រយោជន៍សម្រាប់សុខភាព

ក្នុង Benishouga មានផ្ទុក Shogaol និង Zingerone ជាសារធាតុទាំង ២ ដែលមានអត្ថប្រយោជន៍សម្រាប់សុខភាព។

Shogaol ជាសារធាតុចិញ្ចឹមតែមួយគត់ក្នុងខ្ញី ដែលគេប្រើជាឱសថ​បុរាណ​ចិន​តាំង​ពី​សម័យ​បុរាណ។ Shogaol បង្កើត​ឡើង​តាម​រយៈការកម្តៅសារធាតុដែលហៅថា Gingerol មានមុខងារជំរុញការរំលាយអាហារ និងធ្វើឲ្យ​រាងកាយមានភាពកក់ក្តៅ។ ដើម្បីបង្កើនប្រសិទ្ធិភាពរបស់ Shogaol គួរតែដាំខ្ញីឲ្យ​ពុះប្រហែល ១០ នាទី។

Zingerone ជាសារធាតុដែលផលិតនៅពេលដែល gingerol ត្រូវដាំពុះ និងសម្ងួត។ នេះជាសារធាតុដែលមានក្លិនខ្ញី មានមុខងារជំរុញដំណើរ​ការ​ដុត​ខ្លាញ់ និង​បង្កើន​ប្រព័ន្ធភាពស៊ាំ។ សារធាតុនេះត្រូវគេចាត់ទុកថាមានប្រសិទ្ធភាពជួយ​បង្ការ​ជំងឺ​ទាក់​ទង​នឹង​ការ​រស់​នៅ។

ហូប Benishouga ច្រើនបានអត់?

ថ្វីត្បិតតែ មានអត្ថប្រយោជន៍ច្រើនចំពោះសុខភាព ប៉ុន្តែយ៉ាងណាកុំហូបវាច្រើនពេក។

ប្រសិនបើអ្នកធ្លាប់ហូប Benishouga អ្នកនឹងមានអារម្មណ៍ថាវាមានរសជាតិប្រៃ ក៏ដូចជាហឹរ ព្រោះខ្ញីក្រហមមានផ្ទុក​អំបិល​ច្រើន។ ខ្ញីត្រាំ ១០០ ក្រាមផ្ទុកអំបិល ៧,១ ក្រាម ដូច្នេះអ្នកគួរតែកំណត់ការទទួលទានខ្ញីក្រហមត្រឹម ៥ ក្រាម​ក្នុង​មួយ​ថ្ងៃ។

ខ្ញីក្រហមមានផ្ទុកនូវសារធាតុហឹរច្រើន ដូច្នេះប្រសិនបើហូបខ្ញីក្រហមទាំងសំបកច្រើន អាចបណ្តាលឲ្យ​ប៉ះពាល់ស្រទាប់​ក្រពះ។ ម្យ៉ាង​វិញ​ទៀត អ្នក​​គួរ​​តែ​ជៀស​វាង​ហូប​ខ្ញីច្រើនទាំងពោះទទេផងដែរ។

សង្ឃឹម​ថា​អត្ថបទ​នេះ​មានប្រយោជន៍សម្រាប់អ្នកដែលចូលចិត្តអាហារជប៉ុន ជាពិសេសអ្នកដែលចូលចិត្តហូបខ្ញីក្រហម។

Sacchan