ចាប់ពីថ្ងៃទី ១ ខែមេសា ឆ្នាំ ២០២៣ អ្នកជិះកង់ទាំងអស់នៅជប៉ុនត្រូវពាក់មួកសុវត្ថិភាព

ចាប់ពីខែមេសាឆ្នាំក្រោយអ្នកជិះកង់ទាំងអស់នៅជប៉ុនត្រូវពាក់មួកសុវត្ថិភាព។

កំណែទម្រង់ច្បាប់ស្តីពីចរាចរណ៍ផ្លូវគោកបានចែងថា “កាតព្វកិច្ចខិតខំប្រឹងប្រែង” (協力義務) ចំពោះអ្នក​ជិះ​កង់​ទាំង​អស់​ត្រូវ​ពាក់​មួក​សុវត្ថិភាព ដែលនឹងចូលជាធរមានចាប់ពីថ្ងៃទី ១ ខែមេសា ឆ្នាំក្រោយ (មុននោះអនុវត្តចំពោះ​តែ​កុមារ​ក្រោម ១៣ ឆ្នាំ​ប៉ុណ្ណោះ) ។

យោងទៅតាមស្ថិតិរបស់ភ្នាក់ងារប៉ូលិសជាតិ អំឡុងពេល ៥ ឆ្នាំចុងក្រោយនេះ ប្រមាណ ៦០% ក្នុងចំណោមមនុស្សចំនួន ២.១៤៥ នាក់ស្លាប់ព្រោះតែគ្រោះថ្នាក់កង់ មូលហេតុ​ដោយសាររងរបួសក្បាលធ្ងន់ធ្ងរ។ ក្រៅពីនេះ អត្រាមរណភាព​នៃ​អ្នក​ដែល​មិនពាក់មួកសុវត្ថិភាពខ្ពស់ជាងប្រហែល ២,២ ដងបើប្រៀបនឹងអ្នកដែលពាក់មួកសុវត្ថិភាព។

ភ្នាក់ងារប៉ូលិសជាតិកំពុងអំពាវនាវអោយពាក់មួកសុវត្ថិភាពដើម្បីកាត់បន្ថយករណីរងរបួសក្បាល។

ថ្វីត្បិតតែ “កាតព្វកិច្ចខិតខំប្រឹងប្រែង” មិនបង្ខិតបង្ខំតាមផ្លូវច្បាប់ ហើយក៏មិនដាក់ពិន័យអ្នកដែលបានបំពាន​ផង​ដែរ អ្នក​អាច​នឹង​រង​ការ​ទាម​ទារ​សំណង​ខូច​ខាត​ដោយភាគីទី ៣ ភាគីរងខូចខាតដោយសារការបំពានរបស់អ្នក។

JAPO