ខ្មោចជ្រូកព្រៃ ៨ ក្បាលត្រូវបានរកឃើញនៅជិត “ថ្មពិឃាត” ដែលពាក្យចចាមអារ៉ាមថាឃុំកញ្ជ្រោងកន្ទុយប្រាំបួន

នៅ​ដើម​ខែ​មីនា​ឆ្នាំ​នេះ ​ព័ត៌មាន​ “ថ្មពិឃាត” ផ្ទុះបែកធ្វើ​ឱ្យ​អ្នក​មាន​អបិយ​ជំនឿ​ជាច្រើន​ព្រួយបារម្ភ។ Sessho-seki (殺生石) ស្ថិតនៅ Nasu ដែល​គេ​ចាត់​ទុក​ជា​កន្លែងឃុំខ្លួនកញ្ជ្រោងកន្ទុយប្រាំបួន Tamamo-no-Mae ដូច្នេះហេតុ​ការណ៍​ថ្ម​បែក​ធ្វើ​ឱ្យ​មាន​ការ​ភ័យ​ខ្លាច​ថាបិសាចនឹងបង្កគ្រោះថ្នាក់។

រហូតមកដល់ពេលនេះ គ្រប់យ៉ាងគ្រាន់តែជាពាក្យចចាមអារ៉ាមប៉ុណ្ណោះ ប៉ុន្តែមានរឿងមួយកើតឡើងធ្វើ​ឱ្យពាក្យ​ចចាម​អារ៉ាម​កាន់​តែ​ច្រើន។ កាល​​ពី​​សប្តាហ៍​​មុន សាកសពជ្រូក​ព្រៃ ៨ ក្បាលត្រូវបានគេប្រទះឃើញនៅក្បែរថ្មនោះ។

អ្នកប្រើបណ្តាញសង្គមព្រួយបារម្ភ ដោយជឿថាករណីនេះជាប្រផ្នូលគ្រោះមហន្តរាយនាពេលអនាគត។ យ៉ាងណាក្រុមអ្នកជំនាញបានបញ្ជាក់ថា ជ្រូកព្រៃទាំងនោះងាប់ដោយសារពួកវាប៉ះនឹងឧស្ម័នពុលអុីដ្រូសែនស៊ុលហ្វីតនៃភ្នំភ្លើងក្នុង​​តំបន់។ មុន​នោះ​ធ្លាប់មានករណីរកឃើញសាកសពជ្រូកព្រៃ ឬ Tanuki នៅក្បែរនោះ ប៉ុន្តែចំនួនបែបនេះគឺជាលើក​ទី ១ ហើយ។

ថ្វីត្បិតតែការពន្យល់បែបវិទ្យាសាស្ត្រផ្អែកលើធម្មជាតិត្រូវបានលើកឡើង ក៏ការជជែក​ដេញដោល​របស់​អ្នក​ប្រើបណ្តាញ​សង្គម​មិន​កាត់​បន្ថយ​ដែរ ពួក​គេ​បន្ត​ការ​សន្មត់​រៀង​ៗ​ខ្លួន។

• កញ្ជ្រោងកន្ទុយប្រាំបួនកំពុងត្រៀមដង្វាយបូជា
• បិសាចពិតជាត្រូវបានដោះលែងហើយ
• សូម្បីតែសត្វក៏មិនគួរចូលទៅជិតដែរ
• តាមពិតទៅ ខ្ញុំបារម្ភចំពោះឧស្ម័នពុលជាង។

Sacchan