ព្រឹត្តិការណ៍ Jump Festa ២០២៣ ផ្សាយបន្តផ្ទាល់ទូទាំងពិភពលោកលើកដំបូង

ថ្ងៃព្រហស្បតិ៍ 15/12/2022 | 10:04 ព្រឹក

ចាប់តាំងពីឆ្នាំ ១៩៩៩ Jump Festa បានក្លាយជាព្រឹត្តិការណ៍ Manga និង Anime ធំនៅប្រទេសជប៉ុន។ Jump Festa ប្រារព្ធធ្វើឡើងនៅ Makuhari Messe ទីក្រុង Chiba ដែលទាក់ទាញអ្នកគាំទ្រ Manga រាប់មិនអស់នៃទស្សនាវដ្តី Manga ស្ថិតក្រោម Shueisha ដូចជា Weekly Jump, Shonen Jump+, V Jump, Jump SQ និង Saikyo Jump ។

ថ្វីត្បិតតែ Jump Festa មានភាពល្បីល្បាញទូទាំងពិភពលោកក៏ដោយ យ៉ាងណាព្រឹត្តិការណ៍នេះមានកំណត់នៅជប៉ុន។ ចំណុចនេះបានផ្លាស់ប្តូរកាលពីឆ្នាំមុននៅពេលដែល Jump Festa ចេញផ្សាយទូទាំងពិភពលោកវីដេអូសម្តែងលើឆាកសំខាន់ៗរបស់ខ្លួនដោយមានអក្សររត់ពីក្រោមជាភាសាអង់គ្លេស។ ទោះបីជាវីដេអូចេញផ្សាយក្រោយព្រឹត្តិការណ៍ជាក់ស្តែង ៣ ខែក៏ដោយ។

ទោះជាយ៉ាងណា ក្នុងព្រឹត្តិការណ៍លើកនេះ អ្នកទាំងអស់គ្នាដែលនៅគ្រប់ទីកន្លែងអាចទស្សនាការសម្តែងលើឆាកទាំងអស់ក្នុងអំឡុងពេលជាក់ស្តែង មានទាំងអ្នកបកប្រែ និងអក្សររត់ពីក្រោមជាភាសាអង់គ្លេស។

ចាប់ផ្តើមពីថ្ងៃទី ១៧ ខែធ្នូ Jump Festa ២០២៣ នឹងប្រារព្ធឡើងជា ៣ ដំណាក់កាលក្នុងរយៈពេល ២ ថ្ងៃ ជាមួយនឹងស្នាដៃល្បីជាច្រើន។

ថ្ងៃទី ១៧ ខែធ្នូ
Black Clover (11:15 am – 11:55 am)
Jujutsu Kaisen (12:45 pm –1:25 pm)
The Prince of Tennis II (2:10 pm –2:50 pm)
Boruto & Naruto (3:35 pm –4:15 pm)
My Hero Academia (5:00 pm –5:30 pm)

ថ្ងៃទី ១៨ ខែធ្នូ
Spy x Family (11:15 am – 11:55 am)
Demon Slayer: Kimetsu no Yaiba (12:45 pm –1:25 pm)
Dr. Stone (2:10 pm –2:50 pm)
Chainsaw Man (3:35 pm –4:15 pm)
One Piece (5:00 pm –5:30 pm)

នេះជាឱកាសដ៏ល្អសម្រាប់អ្នកគាំទ្រជុំវិញពិភពលោកអាចទទួលបានព័ត៌មាន និងចំណុចលម្អិតចំណងជើងរឿងដែលពួកគេចូលចិត្ត។ មិនត្រឹមតែប៉ុណ្ណឹង ចំណងជើងហ្គេមមួយចំនួនដែលត្រូវបានជ្រើសរើសក៏បង្ហាញខ្លួនក្នុង Super Stage EX រយៈពេលមួយថ្ងៃដែរ។

លើសពីនេះ កម្មវិធី Super Stage EX អាចមើលអនឡាញប៉ុណ្ណោះ ដែលមានន័យថាអ្នកមើល Livestream អាចមើលបន្ថែមខ្លឹមសារមួយចំនួនដែលមិនមានសម្រាប់អ្នក offline ក្នុងព្រឹត្តិការណ៍នេះ ជាពិសេស៖