ការចែករំលែកបទពិសោធ “អ្នកមានចោលសំរាមតិចជាងអ្នកក្រ” របស់​បុគ្គលិក​ប្រមូលសំរាមជប៉ុន

滝沢秀一 Shūichi Takizawa ជាផ្នែកមួយនៃក្រុមកំប្លែង マシンガンズ “Machine Guns” ហើយក៏ជាសមាជិកប្រមូល​សំរាម​មួយ​រូប​ផង​ដែរ។ ជារឿយៗគាត់តែងតែចែករំលែកគន្លឹះក្នុងការចោលសំរាម និងសំរាមកែច្នៃឡើងវិញ​លើ​​បណ្តាញ​​សង្គម​​របស់​​ខ្លួន។

ថ្មីៗនេះ លោក Takizawa បានក្លាយជាភ្ញៀវកិត្តិយសក្នុងប្រធានបទអ្នកផ្សាយដោយសេរី Ichiro Furutachi ក្នុងនោះ​លោក Takizawa បាន​ចែក​រំលែក​បទ​ពិសោធ​នៃ​ការ​ប្រមូល​សំរាម ដោយបន្តថាអ្នកមានចោលសំរាមតិចជាងអ្នក​ក្រ។

ទ្រឹស្ដីរបស់លោក Takizawa គឺថា “អ្នកមានទិញតែរបស់ដែលខ្លួនចូលចិត្ត ដូច្នេះពួកគេមិនសូវបោះចោលសំរាម​នោះ​ទេ” ។ អ្នកដែលមានចំណូលមធ្យមច្រើនតែទិញទំនិញថោក ទំនិញបញ្ចុះតម្លៃ ។ល។ ដំបូងស្តាប់ទៅដូច​ជា​មាន​ប្រយោជន៍​ខាងសេដ្ឋកិច្ច ប៉ុន្តែទំនិញថោកប្រើមិនបានយូរ ហើយផលិតពីវត្ថុធាតុដើមដែលមានគុណភាព​ទាប ដូច្នេះឆាប់ខូចជាង។ មិនត្រឹមតែប៉ុណ្ណឹង អ្នកដែលមានចំណូលមធ្យមច្រើនស្លៀកសម្លៀកបំពាក់តាមសម័យ​កាល នៅ​ពេល​ហួស​សម័យ​យក​ចោល​ជា​ជាង​ទិញទំនិញម៉ាកល្បីពាក់បានយូរ។

នៅពេលរំលឹកដល់ចំណុចនេះ លោក Takizawa បានវាយតម្លៃថា “មនុស្សអាចនឹងនិយាយកុហក ប៉ុន្តែធុងសំរាមរបស់ពួកគេមិនចេះកុហកឡើយ។ សំរាមឆ្លុះបញ្ចាំងពីមនុស្សជាក់ស្តែងបំផុត” ដោយបង្ហាញពីជម្រើសរបៀបរស់នៅរបស់ពួកគេ។

Sacchan