រថភ្លើង Seven Stars នាំមកនូវបទពិសោធន៍អាហារឆ្ងាញ់ៗ គ្រឿង​សង្ហារឹមប្រណីត និងទេសភាពជុំវិញកោះ Kyushu

រថភ្លើង Seven Stars នាំមកនូវបទពិសោធន៍ទទួលទានអាហារដែលមិនអាចបំភ្លេចបាន ជាមួយនឹងគ្រឿងបរិក្ខារ​ទំនើបៗ និង​ទេស​ភាព​ជុំវិញ​កោះ Kyushu ។

រថភ្លើង Seven Stars ដ៏ប្រណីតនៅជប៉ុន។ រូបភាព៖ Seven Stars

រថភ្លើង Seven Stars មានចំនួន ៧ ទូអ្នកដំណើរដែលឆ្លងកាត់ខេត្ត Kyushu ។ រថភ្លើងដាក់អោយដំណើរការក្នុងឆ្នាំ ២០១៣ ដោយផ្តល់ជូន​ដំណើរ​កំសាន្ត​ជុំវិញ​កោះ។ ភ្ញៀវទេសចរណ៍អាចគយគន់ទេសភាពដ៏​ស្រស់​ស្អាត អាហារ ជ្រោះ​ទឹក​​ក្តៅ ប្រវត្តិសាស្ត្រ និង​វប្បធម៌​នៅ​ទីនេះ។ មុនពេលចេញដំណើរនៅស្ថានីយ៍ Hakata ភ្ញៀវអាចសម្រាកក្នុងបន្ទប់​រង់​ចាំ។

រថភ្លើងនេះមាន ១០ បន្ទប់ ជាមួយនឹងគ្រឿងសង្ហារឹមជប៉ុនដែលមានផាសុខភាព។ ទ្វារបង្អួចធំស្រោមមាសដែលអនុញ្ញាតឱ្យភ្ញៀវគយគន់ទេសភាពធម្មជាតិដ៏សំបូរបែប។ អ្វីដែលពិសេសបំផុតគឺបន្ទប់ផឹកតែមានក្រាល tatami តាម​​រចនាបថ ryurei ប្រពៃណី។

ទេសភាពជុំវិញកោះ Kyushu មើលតាមបង្អួចរថភ្លើង Seven Stars ។ រូបភាព៖ Seven Stars

ក្រៅពីនេះក៏មានរថយន្តទំនើបដែលបម្រើភេសជ្ជៈដោយខ្លួនឯងផងដែរ។ អ្នកអាចផឹកភេសជ្ជៈក្នុងបារ ហើយចូលរួម​ក្នុង​បរិយាកាស​រីក​រាយជាមួយនឹង​សំឡេង​ដ៏​ពិរោះ​នៃ​ការសម្តែងព្យាណូដោយផ្ទាល់។ ភ្ញៀវទេសចរណ៍ថែមទាំងអាច​គយ​គន់​ផ្ទៃ​មេឃដែលពោពេញទៅដោយផ្កាយតាមបង្អួច ជាមួយនឹងកែវស្រាក្នុងដៃ ហើយសម្រាកនៅលើសាឡុង។

រថភ្លើងធ្វើដំណើរតាមបណ្តោយផ្លូវដែលមានចម្ងាយ ៣០០០ គីឡូម៉ែត្រឆ្លងកាត់ Kyushu ។ អាស្រ័យ​លើ​ចំណូលចិត្ត​របស់​ភ្ញៀវ ដំណើរកំសាន្តនឹង​ប្រែប្រួល។ ជាទូទៅ ភ្ញៀវទេសចរណ៍រើសយកដំណើរកំសាន្តរយៈពេល ៤ ថ្ងៃ ៣ យប់ដើម្បីភ្លក់មុខម្ហូបនៅ Kyushu ។

នៅថ្ងៃអង្គាររថភ្លើងឈប់នៅទីក្រុង Miyazaki ដើម្បីទទួលយកបទពិសោធធ្វើប្រអប់បាយ bento ។ គ្រឿងផ្សំត្រូវបាន​ជ្រើសរើសយ៉ាងយកចិត្ត​ទុក​ដាក់ និង​ដាក់​ហាល​ច្រើនឆ្នាំមុនពេលប្រើ។ ជាពិសេសមុខម្ហូបដែល​ចម្អិន​ពី​គ្រឿង​ផ្សំក្នុងស្រុកត្រូវបានខ្ចប់ក្នុងប្រអប់ bento ដែលធ្វើពីឈើសុីដា Kirishima ។

គ្រឿងសង្ហារិមមានលក្ខណៈប្រណីត និងអារម្មណ៍កក់ក្ដៅ។ រូបភាព៖ Seven Stars

នៅថ្ងៃពុធអាហារពេលព្រឹកត្រូវបានបម្រើនៅ Murezuru Shuzo រួមមាន “watadamai” (អង្ករសម្រាប់បម្រើដល់គ្រួសារ​អធិរាជជប៉ុន) ដែលចម្អិនក្នុងឡដុតនៃរោងចក្រស្រាបៀរ Murezuru Shuzo និងស៊ុបមាន់ “Torijiru” ។

ប្រភព៖ Skydoor