ផ្ទាំងផ្សាយពាណិជ្ជកម្មដែលសម្រាប់តែសិស្សត្រៀមប្រឡងទើបមើលយល់

ប្រសិនបើអ្នកមើលដោយភ្នែកទទេ អ្នកប្រាកដជាមិនយល់ការផ្សាយពាណិជ្ជកម្មនេះឡើយ។ ប៉ុន្តែបើអ្នកជាសិស្សដែល​កំពុង​ត្រៀម​ប្រឡង​ចូល អាថ៌កំបាំង​​នឹង​ត្រូវ​បានលាតត្រដាង។

ការផ្សាយពាណិជ្ជកម្មត្រូវបានដាក់នៅស្ថានីយ៍ Shibuya និង Ikebukuro ជាស្ថានីយ៍ដែលមមាញឹកបំផុតនៅជប៉ុន។

ថ្វីត្បិតតែមនុស្សគ្រប់គ្នាមើលឃើញការផ្សាយពាណិជ្ជកម្មនេះ ប៉ុន្តែមិនមែនគ្រប់គ្នាសុទ្ធតែយល់ផ្ទាំងនេះចង់សំដៅ​លើ​អ្វី​នោះ​ទេ ព្រោះនេះគឺជា “ការផ្សាយពាណិជ្ជកម្មដែលមានតែសិស្សត្រៀមប្រឡងប៉ុណ្ណោះទើបមើលដឹង” ។

មនុស្សធម្មតាសម្លឹងមើលគ្រាន់តែឃើញផ្ទាំងធំមួយមិនដឹងថាផ្សាយពីអ្វីឡើយ ប៉ុន្តែប្រសិនបើអ្នកសម្លឹងមើលដោយ​ប្រើ​បន្ទះ​ប្លាស្ទិក​ពណ៌​ក្រហម…

តួអក្សរនឹងលេចចេញមក…

តើអ្នកណាខ្លះមានបន្ទះ​ប្លាស្ទិក​ពណ៌​ក្រហមនេះ? គឺសិស្សដែលកំពុងត្រៀមប្រឡង។ នៅប្រទេសជប៉ុន សៀវភៅពុម្ពច្រើន​តែ​មាន​ចម្លើយ​លំហាត់​ផ្សេងៗ​តាម​រយៈវិធីនេះ។ ជាទូទៅ សិស្សជប៉ុនប្រើបន្ទះពណ៌ក្រហមថ្លាដែលមានទំហំតូច ប្រហែល​ប៉ុន​មេដៃ ឬបន្ទាត់ខ្លី ដើម្បីមើលចម្លើយពេលកំពុងរៀននៅលើរថភ្លើង ឬចូលរួមថ្នាក់ត្រៀមប្រឡង។

ខ្លឹមសារផ្ទាំងផ្សាយពាណិជ្ជកម្មនេះដូចតទៅ៖

“ជូនចំពោះអ្នកដែលកំពុងត្រៀមប្រឡងដោយប្រើបន្ទះពណ៌ក្រហមលើរថភ្លើង យើងជឿជាក់ថាអ្នកនឹងទទួលបាន​​ជោគ​ជ័យ។
អ្នកនឹងដឹងពីសក្តានុពលរបស់ខ្លួនបន្តិចម្ដងៗ។
យើងសូមជូនពរដល់អ្នកទាំងអស់គ្នាដែលមានសំណាងមើលឃើញអក្សរទាំងនេះ” ។

ការផ្សាយពាណិជ្ជកម្មនឹងបន្តនៅទីនោះរហូតដល់ថ្ងៃទី ១១ ខែធ្នូ សង្ឃឹមថាអាចជម្រុញស្មារតីប្រឡងចូលសាលាដែលពួក​គេ​ចូល​ចិត្ត​ដោយ​ជោគ​ជ័យ។

Sacchan