ជប៉ុនធ្វើឱ្យពិភពលោកភ្ញាក់ផ្អើលយកឈ្នះអេស្ប៉ាញឈានចូលវគ្គ ១៦ ក្រុមនៃព្រឹត្តិការណ៍ World Cup ឆ្នាំ ២០២២

ថ្ងៃសុក្រ 02/12/2022 | 10:34 ព្រឹក

ក្រុមបាល់ទាត់ជម្រើសជាតិជប៉ុនបានបង្កើតភាពអស្ចារ្យក្នុងការឡើងទៅកាន់វគ្គ ១៦ ក្រុមចុងក្រោយនៃព្រឹត្តិការណ៍ពិភពលោក FIFA World Cup នៅប្រទេសកាតា បន្ទាប់ពីបានយកឈ្នះជើងខ្លាំងអេស្ប៉ាញដោយលទ្ធផល ២-១ ក្នុងការប្រកួតសន្សំពិន្ទុក្នុងពូលចុងក្រោយកាលពីយប់មិញ។

កីឡាករជប៉ុនប្រកួតយ៉ាងក្លាហានឈានចូលវគ្គ ១៦ ក្រុមនៃព្រឹត្តិការណ៍ World Cup ឆ្នាំ ២០២២ ។

ការប្រកួតបានត្រឹមតែ ១១ នាក់ប៉ុណ្ណោះ ខ្សែប្រយុទ្ធ Morata ទម្លាយសំណាញ់ទីរបស់គូប្រកួតជួយឱ្យអេស្ប៉ាញនាំមុខ ០-១ ប៉ុន្តែចូលដល់វគ្គទី ២ ជប៉ុនវាយបកវិញបាន ២ គ្រាប់ជាគុណសម្បត្តិរបស់កីឡាករ Doan នៅនាទីទី ៤៨ និងកីឡាករ Tanaka នៅនាទីទី ៥១ ដើម្បីទទួលបានជ័យជម្នះដោយលទ្ធផល ២-១។

នេះជារឿងនឹកស្មានមិនដល់ដែលជប៉ុនបានឈរលើកំពូលតារាង និងលេខ ២ គឺក្រុមគោជល់អេស្ប៉ាញដែលដឹកដៃគ្នាឡើងវគ្គ ១៦ ក្រុមចុងក្រោយ ហើយរុញច្រានឥន្ទ្រីដែកអាល្លឺម៉ង់ធ្លាក់ត្រឹមវគ្គចែកពូល។ នៅវគ្គ ១៦ ក្រុមចុងក្រោយ ជប៉ុនប៉ះក្រូអាត ខណៈដែលអេស្ប៉ាញប៉ះម៉ារ៉ុក៕