អ្នកចូលចិត្តហូបឆ្នាំងភ្លើងរដូវរងា តោះមកមើលគន្លឹះ​ក្រុម​ហ៊ុន​ផលិត​អាហារ​ជប៉ុនណែនាំវិធីទទួលទានស៊ុប

តើអ្នកយល់ថារដូវរងាជិតមកដល់ដែរទេ?

នៅពេលរដូវរងាមកដល់ យើងគួរតែបបួលគ្នាទៅហូបស៊ុបឆ្នាំងភ្លើង។ ទទួលទានឆ្នាំងភ្លើងត្រូវតែមានទឹកស៊ុប Dashi និង​ទឹក​សុីអីវ​ជប៉ុន រួមជាមួយនឹងគ្រឿងផ្សំដូចជាឆៃថាវ (Daikon) ប្រហិតត្រី Konjac តៅហ៊ូ ប្រហិត ស៊ុតស្ងោរ ។ល។ គឺ​ជា​មុខ​ម្ហូបដែលពេញនិយមនៅរដូវរងា។ នៅ​ជប៉ុន​អ្នក​អាច​រក​ទិញ​ស៊ុប​ក្តៅ​នៅ​គ្រប់​ទីកន្លែង ដូចជា​ហាង​លក់​ទំនិញ ​តូប​លក់​អាហារ ឬចម្អិនដោយខ្លួនឯងនៅផ្ទះ។

Oden (ជាទូទៅប្រែថាស៊ុបឆ្នាំងភ្លើង ប៉ុន្តែតាមពិតទៅគឺជាសម្ល) ជាមុខម្ហូបជួយកម្តៅរាងកាយពេលរដូវរងាមក​ដល់។ ម្យ៉ាង​វិញ​ទៀត ល្អចំពោះសុខភាព និងមានរសជាតិខុសៗគ្នា។

ក្រោយពេលបរិភោគស៊ុបឆ្នាំងភ្លើងហើយ ជាធម្មតាយើងមិនអាចហុតទឹកស៊ុបក្នុងឆ្នាំងអស់នោះទេ។ ប្រជាជនជប៉ុនមានវិធីដោះស្រាយចំណែកដែល​នៅ​សល់​នេះ ដើម្បីជៀសវាងការខ្ជះខ្ជាយអាហារដែលគេហៅថា Shime ។ ជាទូទៅ​គេ​បន្ថែម​បាយ​ស ឬមីដើម្បីស្រូបយក umami (រសជាតិឆ្ងាញ់) ក្នុងទឹកស៊ុបឆ្នាំងភ្លើងដែលនៅសល់។

ទោះជាយ៉ាងណា ក្រុមហ៊ុនផលិតអាហារ Kibun បានណែនាំរបៀបទទួលទានផ្សេង។ រូបភាព​ដែល​ពួក​គេ​បាន​បង្ហោះ​​​លើ​​បណ្តាញ​សង្គម​បាន​ធ្វើ​ឱ្យ​អ្នកនិយមចូលចិត្ត Oden ភ្ញាក់ផ្អើលយ៉ាងខ្លាំង។ បើតាម Kibun បាយ និងមីមិន​មែន​ជា​ម្ហូប​ដែលសាកសមបំផុតជាមួយ Shime នោះទេ ប៉ុន្តែ Tofu (តៅហ៊ូ)។

https://twitter.com/kibun_kitchen/status/1592368373245308929?ref_src=twsrc%5Etfw%7Ctwcamp%5Etweetembed%7Ctwterm%5E1592368373245308929%7Ctwgr%5E2900b8e2fdbf7cf35f1aa95484546aa3f283ebcd%7Ctwcon%5Es1_&ref_url=https%3A%2F%2Fvn.japo.news%2Fcontents%2Fdoi-song%2Fbon-mua%2F151748.html

ដុំតៅហ៊ូធំដែលអ្នកកំពុងមើលឃើញក្នុងរូបភាពគេហៅថា Momendōfu (តៅហ៊ូរឹង)។ តៅហ៊ូមួយដុំនេះមិនបែកខ្ទេចក្នុងពេលស្រូបយករសជាតិដែលនៅសល់ក្នុងឆ្នាំងភ្លើងឡើយ។ ជាការពិតណាស់ អ្នកក៏អាចទទួលទានតៅហ៊ូទន់ដែរ គ្រាន់តែមើលទៅមិនសូវស្អាត។ Kibun ក៏បានប្រាប់អ្នកថា គួរតែបិទភ្លើងពេលតៅហ៊ូ​ពុះ ដូច្នេះតៅហ៊ូ​អាច​ស្រូប​យក​រស​ជាតិ​កាន់​តែ​ច្រើន។

Sacchan