សរសើរចំពោះទង្វើល្អ “អ្នកគាំទ្របាល់ទាត់ជប៉ុន” នាំ​គ្នា​ប្រមូល​សំរាម​មុន​ពេល​ចាក​ចេញ

អ្នកគាំទ្របាល់ទាត់ជប៉ុនបន្តទាក់ទាញចំណាប់អារម្មណ៍ដោយសារសកម្មភាពឆ្លៀតសម្អាតកីឡដ្ឋាន Al Bayt នៅ Al Khor ប្រទេស Qatar ក្រោយ​ការ​ប្រកួត​បើកសម្ភោធរវាង Qatar និង Ecuador ។

សកម្មភាពដ៏មានតម្លៃនោះត្រូវបាន YouTuber Bahrain Omar Al-Farooq ចែករំលែកនៅលើ Twitter និង Instagram ។ Video ត្រូវ​បាន​ចែក​រំលែក​យ៉ាងឆាប់រហ័ស និងទទួលបានអ្នកចូលមើលជាង ២ លាន។

អ្នកប្រើគណនី Instagram ម្នាក់បានបញ្ចេញមតិ “ពួកគេ​មាន​តម្លៃ​របស់ខ្លួន និងធ្វើបានល្អដោយបន្តទង្វើនេះដល់​កូន​ចៅ​របស់​ពួកគេ។ នេះជាមូលហេតុ​ដែលយើងមើលឃើញសកម្មភាពរបស់ជនជាតិជប៉ុន មិនត្រឹមតែរដូវកាលនេះ​ប៉ុណ្ណោះ​ទេ រួមទាំងរដូវកាលមុនផងដែរ” ។

https://twitter.com/omr94_/status/1594614463298416641?ref_src=twsrc%5Etfw%7Ctwcamp%5Etweetembed%7Ctwterm%5E1594614463298416641%7Ctwgr%5E089c925223f6a6ed000e9cbc0e987eff550e6f7c%7Ctwcon%5Es1_&ref_url=https%3A%2F%2Fvn.japo.news%2Fcontents%2Fdoi-song%2Fbon-mua%2F151760.html

“សង្ឃឹមថាជនជាតិអារ៉ាប់យើងអាចយកតម្រាប់តាមចំណុចនេះ ហើយសម្អាតកន្លែងអង្គុយរបស់ខ្លួនមុនពេល​ចាក​ចេញ ជា​ជាង​រង់ចាំអ្នកសម្អាតមកដល់” ។

អ្នកគាំទ្របាល់ទាត់ជប៉ុនមិនត្រឹម​តែរើសសំរាមនៅកន្លែងអង្គុយរបស់ពួកគេប៉ុណ្ណោះទេ ថែមទាំងដើរជុំវិញកន្លែងអ្នក​ទស្សនា​ដើម្បី​រើស​សំរាម រួចដាក់ក្នុងថង់សំរាមដែលពួកគេយកតាម។

អ្នក​គាំទ្រ​ម្នាក់​ទៀត​បាន​និយាយ​ថា “ពួកគេមិនបានរើសសំរាមដើម្បីអោយគេថតនោះទេ” ។

អ្នកគាំទ្របាល់ទាត់ជប៉ុនធ្លាប់បង្កការចាប់អារម្មណ៍ដោយសារសកម្មភាពល្អមួយនេះក្នុងឆ្នាំ ២០១៨ ក្រោយការប្រកួត​ក្រុម​របស់​ពួក​គេ​ជា​មួយ​ Colombia ក្នុងព្រឹត្តិការណ៍ FIFA World Cup ដែលប្រារព្ធធ្វើឡើងនៅប្រទេស​រុស្ស៊ី។

ទង្វើដ៏គួរអោយសរសើរនេះបានជម្រុញទឹកចិត្តដល់អ្នកគាំទ្របាល់ទាត់មកពីប្រទេសផ្សេងទៀត នៅរៀបចំកន្លែងអង្គុយ​របស់​ខ្លួន។

Sacchan