ទំព័រដើម
Japo- ថ្ងៃនេះ
ប៉ូលីសជប៉ុនព្រមានជ្រូកព្រៃថា “កុំចូលមកជិត បើមិនដូច្នេះទេ ខ្ញុំនឹងបាញ់” ជម្នះទាំងរបាំងភាសារវាងមនុស្ស និងសត្វ

ប៉ូលីសជប៉ុនព្រមានជ្រូកព្រៃថា “កុំចូលមកជិត បើមិនដូច្នេះទេ ខ្ញុំនឹងបាញ់” ជម្នះទាំងរបាំងភាសារវាងមនុស្ស និងសត្វ

ថ្ងៃពុធ 23/11/2022 | 9:38 ព្រឹក

នៅប្រទេសជប៉ុនចំណុចដែលពិសេសបំផុតគឺអត្រាឧក្រិដ្ឋកម្មទាប បើប្រៀបធៀបទៅនឹងប្រទេសអភិវឌ្ឍន៍ផ្សេងទៀត។ ប៉ូលិសជប៉ុនយកកាំភ្លើងតាម ប៉ុន្តែកម្រណាស់ដែលពួកគេប្រើកាំភ្លើងពេលបំពេញកាតព្វកិច្ច មិនថាគោលដៅរបស់ពួកគេជាមនុស្ស ឬសត្វ។

ថ្មីៗនេះ វិធីដោះស្រាយស្ថានការណ៍របស់មន្ត្រីប៉ូលិសនៅ Nagoya បានទាក់ទាញការចាប់អារម្មណ៍។ ប្រជាជនធម្មតាមួយក្រុមកំពុងត្រូវគំរាមកំហែង ហើយប៉ូលិសបានបញ្ចុះបញ្ចូលគោលដៅវាយប្រហារថយក្រោយដោយជោគជ័យ។ ជាពិសេសគោលដៅវាយប្រហារលើកនេះជាជ្រូកព្រៃមួយក្បាល។

វេលាម៉ោងប្រហែល ២ៈ៤០ នាទីរសៀល ជ្រូកព្រៃពីរក្បាលបានបង្ហាញខ្លួននៅ Moriyama, Nagoya នៅតំបន់មាត់ទន្លេក្បែរផ្ទះប្រជាពលរដ្ឋ។ នេះជាបាតុភូតចម្លែកមួយព្រោះតំបន់នេះជាធម្មតាមិនមានសត្វព្រៃទេ។ ប៉ូលិសបានបញ្ជូនមនុស្សទៅកន្លែងកើតហេតុដើម្បីជូនដំណឹងដល់ប្រជាពលរដ្ឋ និងដោះស្រាយសត្វព្រៃ។ ជ្រូកព្រៃមួយក្បាលក្នុងចំណោមជ្រូកព្រៃទាំងពីរមានប្រវែងប្រហែល ១ ម៉ែត្រ បានចាប់ផ្តើមគំរាមវាយប្រហារក្រុមមនុស្សប្រមាណ ១០ នាក់។ មន្ត្រីប៉ូលិស ៣៦ ត្រូវបានបញ្ជូនទៅដោះស្រាយស្ថានការណ៍។

ដំបូងគាត់ដកកាំភ្លើងខ្លីចេញ ហើយស្រែកខ្លាំងថា “ខ្ញុំនឹងបាញ់” ក្រោយមកប្រាប់អោយជ្រូកព្រៃចាកចេញ។ មិនដឹងថាមកពីកម្លាំងវេទមន្តអ្វីទេ សត្វទាំងពីរហាក់ដូចជាយល់ភាសាមនុស្ស ហើយរត់ទៅយ៉ាងលឿនចូលទៅក្នុងគុម្ពព្រៃ។

អ្នកមើលមានការចាប់អារម្មណ៍យ៉ាងខ្លាំងចំពោះស្ថានភាពនេះ ក្រៅពីចូលចិត្តវិធីដោះស្រាយរបស់ប៉ូលិស ពួកគេក៏កោតសរសើរសមត្ថភាពចេះស្តាប់ភាសាមនុស្សរបស់ជ្រូកព្រៃទាំងពីរក្បាលផងដែរ។

ថ្វីត្បិតតែប៉ូលិសខាងលើអាចជម្នះឧបសគ្គភាសាបានក៏ដោយ ក៏អាជ្ញាធរមូលដ្ឋាននៅតែព្រមានប្រជាពលរដ្ឋឱ្យប្រុងប្រយ័ត្នចំពោះជ្រូកព្រៃ និងត្រូវរក្សាគម្លាតពេលឃើញពួកវា។

សត្វព្រៃអាចជាគោលដៅដែលគ្រោះថ្នាក់បំផុត ជៀសឆ្ងាយពីជ្រូកព្រៃមិនត្រឹមតែជួយការពារខ្លួនអ្នកប៉ុណ្ណោះទេ ថែមទាំងការពារសត្វព្រៃពីការសម្លាប់ផងដែរ។

Sacchan