ទៅលេងជប៉ុនអាចទិញទុកជាវត្ថុអនុស្សាវរីយ៍បានកាបូបស្ពាយមានរូបតំណាង​តំបន់​នីមួយៗ​នៅ​ជប៉ុន

តើអ្នកដឹងទេថានៅជប៉ុនតំបន់​មួយ​ណា ​ដាំ​ Bonsai ច្រើន​ជាង​គេ? ឬកន្លែងណាមានទីសក្ការបូជា Shinto ច្រើន​ជាង​គេ​នៅ​ប្រទេស​ជប៉ុន?

មិនចាំបាច់រកមើលវែងឆ្ងាយនោះទេ គ្រាន់តែក្រឡេកមើល Series កាបូបស្ពាយចំហៀងដែលទើបតែចេញថ្មីរបស់ Daiso ប៉ុណ្ណោះ (ហាង ១០០ យ៉េន​ល្បីនៅ​ប្រទេស​ជប៉ុន) អ្នកប្រាកដជារកបានចម្លើយ។

ចាប់ពីថ្ងៃទី ៤ ខែវិច្ឆិកា ហាង Daiso ចាប់ផ្តើមដាក់លក់កាបូបស្ពាយ Tote ទាំង ៤៧ Series ដែលបង្ហាញពីភាពខុស​គ្នា​នៃ​ខេត្ត​នីមួយៗ​ក្នុងប្រទេសជប៉ុន។ កាបូបនីមួយៗមានរូបគំនូរដែលគូរដោយវិចិត្រករ Yutanpo Shirane ។

ឧទាហរណ៍គ្រប់គ្នាដឹងថា Hokkaido ជាកន្លែងត្រជាក់ជាងគេនៅជប៉ុន ផ្ទុយពី Okinawa ដែលតែងតែមានពន្លឺថ្ងៃ។ ប៉ុន្តែ​មិន​មែនគ្រប់គ្នាសុទ្ធតែដឹងថា Hokkaido ជាកន្លែងដែលមានកោះគ្មានមនុស្សរស់នៅធំបំផុតនៅប្រទេស​ជប៉ុន​ឡើយ (Ashima Oshima) ឬ Okinawa ជាកន្លែងដែលមានអត្រាកំណើតច្រើនជាងគេក្នុងប្រទេសនោះ​ទេ។

ស្រដៀងគ្នាដែរ មនុស្សជាច្រើនដឹងថា Akita ជាកន្លែងដែលមានពូជឆ្កែ Akita ប៉ុន្តែរូបភាពឆ្កែ Akita កំពុងដេក​នៅជិត​ម្ចាស់​បង្ហាញ​ពី “ការ​ពិត” ដែលមិនមែនគ្រប់គ្នាសុទ្ធតែដឹងទេ គឺថាអ្នកស្រុក Akita គេងយូរជាងអ្នក​រស់​នៅ​តំបន់​ផ្សេង​ទៀត។

ចំណុចមួយចំនួនទៀតដូចជា Gifu ជាកន្លែងផលិតកាំបិតផ្ទះបាយ ដែលធ្លាប់ជាកន្លែងល្បីដោយសារភូមិផ្សារដាវនៅ​សម័យ​បុរាណ។

តើអ្នកដឹងទេថា Miyazaki ជាកន្លែងផលិត bokuto ច្រើនជាងគេដែរទេ? (bokuto គឺជាដាវហាត់ក្បាច់គុន) ។

ប្រាកដណាស់គ្មាននរណាម្នាក់ភ្ញាក់ផ្អើលទេពេលដឹងថា Osaka ជាកន្លែងដែលទទួលទាន Takoyaki ច្រើនជាងគេក្នុង​ប្រទេស។

ម្យ៉ាងតើអ្នកដឹងទេថា Saitama ជាកន្លែងនៅជិតទីក្រុងតូក្យូ ជាកន្លែងផលិតការ៉េមច្រើនជាងគេនៅជប៉ុន?

Fact មួយចំនួនទៀតដូចជា Yamanashi ជាកន្លែងដែលមានដើមសាគូរ៉ាចំណាស់ជាងគេនៅប្រទេសជប៉ុន ឬ Niigata ជា​តំបន់​ដែល​មាន​ទីសក្ការ​បូជា Shinto ច្រើនជាងគេ Kagawa ជាកន្លែងមាន Bonsai ច្រើនបំផុត Hiroshima ជា​កន្លែង​មាន Jungle Gym ច្រើន (តំបន់ដែលមានល្បែងហាត់ប្រាណច្រើនជាងគេ) នៅ​ប្រទេស​ជប៉ុន…

Tote ទាំងនេះមានតម្លៃត្រឹមតែ ១០០ យ៉េនប៉ុណ្ណោះ ផលិតដោយ ៥៦% អំបោះដែលអាចកែច្នៃឡើងវិញបាន។ ទោះជាយ៉ាង​ណា អ្នកអាចរកទិញកាបូបដែលមានរូបភាពតំបន់មួយនៅហាង Daiso ក្នុងស្រុកប៉ុណ្ណោះ ដោយសារមូលហេតុ​នេះ​មនុស្ស​ជា​ច្រើន​ចូល​ចិត្ត​ធ្វើ​ដំណើរ​ទៅតំបន់ផ្សេងៗគ្នា ហើយឈានចូលហាង Daiso នៅកន្លែងដែលពួកគេបានទៅ​ដល់។

Sacchan