ជប៉ុនប្រើ Drone ហោះល្បាត និងត្រួតពិនិត្យស្ថានភាពសត្វ​ព្រៃ​បង្ក​គ្រោះ​ថ្នាក់​ដល់អ្នកស្រុក

សត្វព្រៃបំផ្លិចបំផ្លាញ បង្កគ្រោះថ្នាក់ដល់អ្នកស្រុក ជារឿងដែលច្រើនតែកើតឡើងនៅតំបន់ជាយក្រុង។ មិនត្រឹម​តែ​ប៉ុណ្ណឹង ជប៉ុន​កំពុង​ប្រឈម​នឹង​កំណើនជ្រូកព្រៃ និងសត្វព្រៃជាច្រើនផ្សេងទៀត។ ទោះបីជាមានវិធានការដូច​ជា​ប្រើ​របង អន្ទាក់​ជា​ដើម ប៉ុន្តែ​ស្វា ក្តាន់ ជ្រូកព្រៃនៅតែអាចបង្កការខាតបង់យ៉ាងច្រើនដល់កសិករ។

បញ្ហាមួយផ្សេងទៀត គឺថាអ្នកប្រមាញ់ក៏កាន់តែចាស់ទៅតាមទំនោរប្រជាជនប្រទេសនេះ ក្រៅពីមិនមានអ្នកបន្តមុខ​របរ សុខ​ភាព​ក៏​ថយ​ចុះបន្តិចម្តងៗ មិនអាចបន្តការងារដែលគ្រោះថ្នាក់នេះ។

តំបន់មួយចំនួនត្រូវបង្កើត “Drone ប្រមាញ់” ដោយ Drone ទាំងនេះនឹងត្រាប់តាមសំឡេងព្រុស ទាក់ទាញសត្វព្រៃឆ្ពោះ​ទៅ​រក​អ្នក​ប្រមាញ់។

ទន្ទឹមនឹងនេះ Drone ចាប់យករូបភាពជួយអោយកសិករក្នុងស្រុកយល់កាន់តែច្បាស់ពីប្រសិទ្ធភាព និងស្វែងរកវិធានការដោះស្រាយ។ ការដែល Drone ចាប់យករូបភាពជួយអោយកសិករអាចជៀសវាងហានិភ័យប្រឈមមុខនឹង​សត្វ​ព្រៃ​កំពុង​រកចំណី។

Drone ត្រូវបានបំពាក់ដោយអុីនហ្វ្រារ៉េដនៅពេលយប់ ដែលអនុញ្ញាតឱ្យការចូលទៅជិតកាន់តែងាយ។ ដូច្នេះ​ហើយ​អ្នក​​ប្រមាញ់​​អាច​រៀប​ចំ​ផែន​ការ​វាយ​ប្រហារ និង​គ្រប់​គ្រង​សត្វព្រៃបានកាន់តែច្បាស់។

Sacchan