រូបតំណាងតុក្កតានាំមកនូវប្រាក់ចំណេញប្រចាំឆ្នាំ​យ៉ាងច្រើនសម្រាប់ជប៉ុន

នៅគ្រប់ទីកន្លែងក្នុងប្រទេសជប៉ុន អ្នកប្រាកដជាមើលឃើញម៉ាស្កូត (Mascot)។ ក្រៅ​ពី​ការ​រចនា​បែប​កំប្លែង បុគ្គលិក​​លក្ខណៈ​ត្រូវ​​បាន​បង្កើត​ឡើង​យ៉ាង​រស់​រវើក ម៉ាស្កូត​ថែមទាំងនាំមកនូវ​ផល​ចំណេញ​យ៉ាងច្រើន។ Gunma-chan ដែល​ជា​ម៉ាស្កូត​របស់ Guma រកចំណូលជូន​តំបន់​មូល​ដ្ឋាន​បាន ៧១,២ ពាន់​លាន​យ៉េន​ក្នុង​មួយ​ឆ្នាំ។

ជាការពិតណាស់ ហេតុ​តែ Gunma-chan អាចរកប្រាក់បានច្រើនបែបនេះ ក៏ព្រោះតែខេត្ត Guma បានបង្កើន​ការ​ផ្សព្វ​​ផ្សាយជាច្រើនឆ្នាំមកហើយ ដោយបានអភិវឌ្ឍម៉ាក Gunma-chan ឈានដល់កម្រិតមួយថ្មី។ មធ្យោ​បាយ​​ផ្សព្វ​​ផ្សាយភាគច្រើនតាមរយៈបណ្តាញសង្គមដូចជា Tik Tok ឬនៅលើកញ្ចក់ទូរទស្សន៍ជប៉ុន។

លើសពីនេះ ប្រាក់ចំណេញក៏បានមកពីវត្ថុអនុស្សាវរីយ៍ទាក់ទងនឹង Gunma-chan ដែលលក់នៅទូទាំងប្រទេស និងក្រៅពី Gunma ផងដែរ។ អ្នកអាចរកទិញបន្តោងសោ តុក្កតា និងអាហារសម្រន់មានរូបភាពរបស់ Gunma-chan ។ ភ្ញៀវ​ទេស​ចរណ៍​មាន​ឱកាស​​ឃើញ Gunma-chan ក្នុងព្រឹត្តិការណ៍ស្រុកផងដែរ។

ទោះជាយ៉ាងណា ប្រជាប្រិយភាពតែងតែមានរឿងអាស្រូវតិចឬច្រើន។ ឧទាហរណ៍វគ្គខ្លះក្នុងរឿងគំនូរជីវចលរបស់ Gunma-chan ត្រូវអ្នក​ទស្សនា​រិះ​គន់​ព្រោះផ្សាយឈុតឆាកប្រណាំងសេះ ដែលត្រូវគេចាត់ទុកជាមធ្យោបាយផ្សព្វ​ផ្សាយ​ល្បែង​ស៊ីសង។

រំលឹកអនុស្សាវរីយ៍ និងរកទិញផលិតផលម៉ាស្កូតតំណាងឱ្យតំបន់នីមួយៗក៏ជារឿងគួរឱ្យចាប់អារម្មណ៍ផងដែរ ប្រសិន​បើ​អ្នក​មានឱកាសទៅលេង​ប្រទេស​ជប៉ុន។

Sacchan