ការហាត់សមពន្លត់អគ្គីភ័យរបស់ Geisha នៅ Kyoto ទទួល​បាន​ការ​ចាប់​អារម្មណ៍​យ៉ាងខ្លាំងព្រោះតែអស់សំណើចពេក

ក្នុងខែនេះសង្កាត់ Kamigyo នៅ Kyoto បានចាប់ផ្តើមយុទ្ធនាការលើកកម្ពស់ការយល់ដឹងអំពីសុវត្ថិភាពអគ្គីភ័យ។ ដំណើរ​ការ​ហាត់​សមរួមមានសាកល្បងផ្សែងសាយភាយ ត្រៀមម៉ាសុីនប្រកាសអគ្គីភ័យ និង​ណែ​នាំ​អ្នក​នៅ​​ក្នុង​​អគារ​​ឱ្យ​​ប្រើ​​ប្រាស់​​បំពង់​ពន្លត់​អគ្គីភ័យ និង​ទុយោ។

រឿងនេះគួរតែជា​ការ​ហាត់​សម​តាម​ស្តង់ដារ ប៉ុន្តែសូមមើលវីដេអូខាងក្រោម។

「あー！火事どす！」

9日から秋の火災予防運動が始まり、京都の花街では、舞妓たちが公演会場での火災を想定した消火訓練を行いました。#nhk_video https://t.co/Gn1Spqo7dU pic.twitter.com/7kvVwBgvE4

— NHK大阪ニュース (@nhk_bknews) November 9, 2022

ចូរយើងរំលងប្រតិកម្មរបស់បងស្រី Maiko ទាំងពីរនាក់ សូមយកចិត្តទុកដាក់ចំពោះការប្រើពាក្យរបស់ពួកគាត់។

“Kaji desu” គឺជាភាសាជប៉ុនស្តង់ដារមានន័យថា “មានភ្លើងឆេះ” ។

ប៉ុន្តែក្នុងវីដេអូពួកគេមិននិយាយ “Kaji desu” ទេ បែរជាថា “Kaji dosu” ។ មូលហេតុ​ដោយសារ Geisha ត្រូវបានបណ្តុះបណ្តាល​មិនឱ្យ​ប្រើ “desu” ប៉ុន្តែ​ប្រើពាក្យ “dosu” នេះជារបៀបប្រើពាក្យបុរាណដែល​អ្នក​អាច​ឮ​នៅ​ Kyoto ប៉ុណ្ណោះ។

ចំណែកប្រតិកម្មរបស់អ្នកប្រើបណ្តាញសង្គមចំពោះ​ឃ្លីប​ហាត់​សម​នេះដូចខាងក្រោម។

• មើលទៅអ្នកទាំងពីរដូចជាមិនមានការ​ព្រួយ​បារម្ភទាល់តែសោះ
• បើ​មាន​ភ្លើង​ឆេះមែន ខ្ញុំគិតថាពួកគេនឹងនិយាយពាក្យតំបន់ មិនមែននិយាយថា “dosu” នោះទេ
• ឡូយដល់ហើយ បើ​ជា​ខ្ញុំ ខ្ញុំ​សង្ឃឹម​ថាខ្លួនអាចស្ងប់អារម្មណ៍ដូចពួកគេពេលមានភ្លើងឆេះ។

Sacchan