Youtuber ជនជាតិជប៉ុនដែលមានអ្នក Subscriber ១,៩ លាននាក់ត្រូវគេ hack

Youtuber ជនជាតិជប៉ុន Amatsuki ដែលមាន Subscriber ប្រមាណ ១,៩ លាននាក់ និយាយនៅលើ Twitter ថាគណនីរបស់ខ្លួនត្រូវគេ hack ។ Amatsuki បាននិយាយថា “ទើបតែបើកភ្នែកភ្លាមទទួលទូរស័ព្ទមិត្តប្រាប់ថាគណនីត្រូវគេ hack” ។

បច្ចុប្បន្នរឿងរបស់ Amatsuki បានក្លាយជាប្រធានល្បីលើបណ្តាញសង្គម រួមទាំង hashtag 「天月さん」កំពុងពេញ​និយម​នៅ​លើ Twitter ជប៉ុន។

សូម្បីតែម្ចាស់ផ្ទាល់ក៏ភ្ញាក់ផ្អើលចំពោះការពេញនិយមនេះដែរ។

“ហេតុអ្វី​បាន​ជាល្បីលេខ ២ ទូទាំងប្រទេសបែបនេះ ឥឡូវបើយកគណនីបានវិញមិនដឹងល្អយ៉ាងណាទេ” ។

ឃ្លាបន្ទាប់គាត់ស្រាប់តែ Tweet បន្តថា “ស្អីចេះ ឡើង trending លេខ ១ ជប៉ុនតែម្តង” ។

Youtuber ក៏បានផ្ញើសារលើកទឹកចិត្តទៅកាន់អ្នកគាំទ្រថា “ខ្ញុំពិតជាសុំទោសដែលធ្វើអោយអ្នករាល់គ្នាព្រួយបារម្ភ។ ខ្ញុំ​​បាន​ទាក់ទង​ទៅ​ភាគី​ផ្សេងៗទៀត ប៉ុន្តែ​ដោយសារ​ស្ថានភាព​ថ្មី​មិន​ទាន់​មាន​ការ​ឆ្លើយ​តប​នៅ​ឡើយ​ទេ។ ដោយ​សារវិធីចូលទាំងអស់ត្រូវបានផ្លាស់ប្តូរ អ្វីដែលខ្ញុំអាចធ្វើបានគឺរង់ចាំ។ ខ្ញុំ​សោក​ស្តាយ​ណាស់ គ្រាន់តែសង្ឃឹមថាវីដេអូ​របស់​ខ្លួនមិនត្រូវគេលុប” ។

Sacchan