ឧបទ្ទវហេតុ​កន្ត្រកវិលនៅសួនកម្សាន្ត Hokkaido ជាប់គាំង​ម្តាយ​កូន​បី​នាក់

កន្ត្រកវិលជាល្បែងដែលពេញនិយមក្នុងសួនកម្សាន្ត អារម្មណ៍អង្គុយក្នុងកន្ត្រកដែក មើលទេសភាពជុំវិញ មិនត្រឹម​តែរ៉ូមែនទិក ថែមទាំងមានអារម្មណ៍ភ័យខ្លាំងផងដែរ។ ជាការពិតណាស់ គ្មានអ្វី​សប្បាយ​ទេ​បើ​អ្នកជាប់គាំង​ក្នុង​កន្រ្តក​វិល។

ថ្មីៗនេះ ឧបទ្ទវហេតុ​កន្ត្រកវិលបានកើតឡើងនៅសួនកម្សាន្ត Family Ai-Land You, Yubetsu, Hokkaido ។ នេះមិនមែនជាកំហុសម៉ាស៊ីននោះទេ ប៉ុន្តែជាកំហុសរបស់មនុស្ស លទ្ធផលអ្នកម្តាយ និងកូន ២ នាក់ជាប់គាំងលើ​កំពូល។

វេលាម៉ោងប្រហែល ៣ៈ៤៥ នាទីរសៀល ថ្ងៃទី ២៥ ខែកញ្ញា បុគ្គលិកសួនកម្សាន្តត្រៀបរៀបចំបិទទ្វារ និងបិទឧបករណ៍។ យ៉ាង​ណា​មិញ ពួក​គេ​មិន​បាន​កត់​សម្គាល់ថាមានស្រ្តីម្នាក់វ័យ ៣០ ឆ្នាំ និងកូនពីរនាក់អាយុប្រហែល ១០ ឆ្នាំ​កំពុង​នៅ​​ក្នុងកន្ត្រក​ដែលមានកម្ពស់ប្រហែល ៣០ ម៉ែត្រឡើយ។

ក្រោយពេលជាប់គាំងក្នុងកន្ត្រកវិលប្រហែល ១០ នាទី ជន​រង​គ្រោះ​ចាប់ផ្តើម​ភ័យ​ស្លន់ស្លោ​។ ប៉ុន្តែ​សំណាង​ល្អពេលនោះមាន​សមាជិក​គ្រួសារ​ម្នាក់​ទៀត​កំពុង​រង់ចាំ​នៅ​ចំណត​រថយន្ត។ ស្រ្តីជាម្តាយប្រញាប់ទូរស័ព្ទទៅសមាជិក​នោះ ពឹង​អោយ​ជូន​ដំណឹង​ដល់​អ្នកគ្រប់គ្រងចំពោះគ្រោះថ្នាក់នេះ។

សំណាង​ល្អ​មិន​មាន​អ្នក​រង​របួស ប៉ុន្តែប៉ះពាល់ដល់ផ្លូវចិត្តរបស់ជនរងគ្រោះ។

មនុស្សជាច្រើនមានការភ្ញាក់ផ្អើលដែលឧបទ្ទវហេតុបែបនេះអាចកើតឡើង ព្រោះកិច្ចការដែលត្រូវធ្វើគ្រាន់តែត្រួតពិនិត្យ​ស្ថាន​ភាព​កន្ត្រក​វិល​ទាំង​អស់មុនពេលបិទឧបករណ៍។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: