សាមូរ៉ៃសំណាងជាងគេក្នុងប្រវត្តិសាស្ត្រ បរាជ័យម្តងហើយម្តង​ទៀត​នៅ​តែ​អាចរក្សាជីវិត

មេទ័ព​ជា​អ្នក​ដែល​មាន​បទពិសោធន៍​ប្រយុទ្ធ ប្រសិនបើចាញ់សង្គ្រាមអាចនឹងបាត់បង់ជីវិត។ យ៉ាង​ណា​មិញ តួអង្គ​លើក​នេះ ថ្វីត្បិតតែចាញ់ ៩ ដង រហូតដល់ថ្នាក់សត្រូវដណ្តើមបន្ទាយក៏នៅតែអាចរក្សាជីវិតបានដែរ។

បើតាមគំនិតអ្នក តើនេះជាចំណុចខ្សោយ ឬខ្លាំង?

ប្រសិនបើគិតថានេះជាមនុស្សតែមួយគត់នៅរស់រានមានជីវិត ប្រាកដជាសាមូរ៉ៃដែលរឹងមាំមួយរូប។

តួអង្គនេះមានឈ្មោះថា Oda Ujiharu ។

លោក Oda Ujiharu កើតនៅឆ្នាំ ១៥៤៣ ឪពុករបស់លោកឈ្មោះ Masaharu Oda ជាសាមូរ៉ៃដ៏ល្បីឈ្មោះ ហើយក៏ជាមេ​បញ្ជា​ការ​​កង​ទ័ព​ផង​ដែរ។ ដូច្នេះហើយតាំងពីក្មេង មនុស្សជាច្រើនរំពឹងថា Ujiharu នឹងទទួលបានជោគជ័យដូច​ឪពុក​របស់​គាត់។ រហូតដល់ឆ្នាំ Ujiharu អាយុ ១៤ ឆ្នាំ ឪពុករបស់លោកទទួលមរណៈភាព ហើយប្រគល់តំណែងមេទ័ព​ទៅ​ឲ្យ​កូន​​ប្រុស។

បរាជ័យលើកដំបូងក្នុងឆ្នាំ ១៥៥៥ សត្រូវឈ្លានពានប្រាសាទ Ebigashima ជាកន្លែង Oda កាន់កាប់។ ក្រោយពេល​សុំ​ជំនួយ Ujiharu ចេញប្រយុទ្ធដោយផ្ទាល់ រក្សាតំណែងជាមេដឹកនាំ ប៉ុន្តែផែនការរបស់លោកត្រូវសត្រូវរកឃើញ កង​​​ទ័ព​​របស់ Oda ត្រូវឡោមព័ទ្ធ និងចាញ់។ ប្រាសាទ Ebigashima ដួលរលំ។

នៅពេលនោះ Ujiharu ភ័យខ្លាចរត់គេចខ្លួន ប៉ុន្តែពេលត្រឡប់ទៅប្រាសាទ Oda ឃើញ​សត្រូវកាន់កាប់ទីនោះទៅហើយ។ តាំងពីដើមដល់ចប់ Ujiharu ធ្លាក់ចូលអន្ទាក់របស់សត្រូវ។

ជីវិតរបស់ Ujiharu បរាជ័យច្រើនដង ប៉ុន្តែសរុបទៅលោកបាត់បង់ប្រាសាទប្រហែល ៧ ដង។

ទោះជាយ៉ាងណា Ujiharu មិនដឹងថាខ្លួនគ្មានទេពកោសល្យដឹកនាំឡើយ។ ជា​ប្រភេទ​មនុស្ស​ដែលត្រូវគេញុះ​ញង់​នឹង​សម្រុក​ចូល ទោះជា​ស្ថានភាព​មិន​អំណោយផល ឬត្រូវទាហានហាមឃាត់ក៏ដោយ។ ចំណុច​គួរ​ឲ្យ​ចាប់​អារម្មណ៍​​​មួយ​​ទៀត​​​គឺ​លោក​ជា​មនុស្សមិនចេះដកបទ​ពិសោធនោះទេ។

ប៉ុន្តែមិនថាចាញ់ប៉ុន្មានដង ក៏ជីវិតរបស់ Ujiharu នៅតែអាចរក្សាបាន។

បើប្រៀបធៀបទៅនឹង Oda Nobunaga ដែលជាមេទ័ពមិនចេះចាញ់ ជាសាមូរ៉ៃដែលខ្លាំងជាងគេនៅជប៉ុន បាន​យក​ឈ្នះ​គ្រប់​ការ​ប្រយុទ្ធ ប៉ុន្តែ​នៅ​ទី​បំផុត​ត្រូវ​ស្លាប់​ក្នុង​ភាព​សោក​សៅ។

បរាជ័យត្រឹម​តែម្តងអាចកំណត់បានថាមេទ័ពម្នាក់នោះខ្លាំង ឬខ្សោយ ប៉ុន្តែភាគច្រើនសុទ្ធតែបាត់បង់ជីវិត។ ដោយ​ឡែក​មាន​​តែ Ujiharu ប៉ុណ្ណោះ ដែល​នៅ​រស់​រាន​មាន​ជីវិត​ម្តងហើយម្តងទៀត យ៉ាងណាគាត់នៅតែបន្តចាញ់ នោះជាហេតុ​ផល​ដែល Ujiharu ក្លាយ​​ជា​​បុគ្គល​​ទន់​​ខ្សោយ​​បំផុត។

Kengo Abe