តួអង្គស្រីក្នុងរឿងគំនូរជីវចលជប៉ុនដែលគួរឱ្យចាប់អារម្មណ៍បំផុតឆ្នាំ ២០២២

នៅឆ្នាំ ២០២២ នេះជាឳកាសល្អសម្រាប់រឿងគំនូរជីវចលជប៉ុន តួអង្គស្រីនៃយុគសម័យថ្មីនៅលើកញ្ចក់ទូរទស្សន៍មិន​​ត្រឹម​​តែ​​មាន “ភាព​ស្រស់​ស្អាត” ទាក់ទាញទស្សនិកជនជាបុរស ថែមទាំងមានលក្ខណៈជ្រាលជ្រៅ និងជម្រុញទឹកចិត្ត​​ដល់​អ្នក​មើល​ផង​ដែរ។

Anya និង Yor (Spy x Family)

នៅពេល Spy x Family ចេញផ្សាយភ្លាមបានក្លាយជារឿងគំនូរជីវចលដែលមានប្រធានបទថ្មីប្លែក “ភ្នាក់ងារសម្ងាត់-ចារកម្ម​រួម​ជា​មួយ​កត្តា​ស្និទ្ធ​ស្នាល” ។ ក្នុងរឿង Loid ជាភ្នាក់ងារសម្ងាត់ម្នាក់ដែលត្រូវបង្កើតគ្រួសារក្លែង​ក្លាយ​​ដើម្បី​បន្លំ​អត្តសញ្ញាណ និង​បំពេញ​ភារកិច្ចរបស់ខ្លួន។ 

Anya ជាក្មេងស្រីដែលមានសក់ពណ៌ផ្កាឈូកគួរអោយស្រលាញ់ ត្រូវបាន Loid ទទួលចិញ្ចឹមនៅមណ្ឌលកុមារកំព្រា។ យ៉ាងណា Anya មាន​សមត្ថភាព​ពិសេសអាចស្តាប់លឺគំនិតរបស់អ្នកដទៃ។ បន្ទាប់មក Loid ជ្រើសយកប្រពន្ធបណ្តោះ​អាសន្ន​ឈ្មោះ Yor ដែលជាឃាតកស្រីពូកែមួយរូប។ នៅជាមួយគ្នាអ្នកទាំងបីបង្កើតគ្រួសារដ៏កក់ក្តៅ និងមាន​សុភមង្គល ដែល​ធ្វើអោយអ្នកទស្សនារំភើបចិត្តយ៉ាងខ្លាំង។ ជាពិសេស ក្តីស្រលាញ់រវាង Yor និង Anya បង្ហាញ​ពី​អារម្មណ៍​ស្រលាញ់​ទោះ​មិន​ជាប់​សាច់​ឈាម​ក៏​ដោយ។

Kitagawa (My Dress-Up Darling)

នេះជាគម្រោងរឿងគំនូរជីវចលជប៉ុនដែលគួរឱ្យចាប់អារម្មណ៍ និងអត្តន័យបំផុតក្នុងឆ្នាំ ២០២២ ។ My Dress-Up Darling ណែនាំអំពីតួឯកប្រុសពិសេសបំផុត Gojo ដែលមានចំណង់ចំណូលចិត្តចំពោះសិប្បកម្មធ្វើតុក្កតាប្រពៃណីតាំងពីក្មេង។ ដោយសារតែមូលហេតុ​នេះ Gojo តែងតែត្រូវមិត្ត​​ភក្តិ​សើច​ចំអក និងធ្វើបាប។ មុនពេលតួឯកស្រី Marin Kitagawa បង្ហាញ​ខ្លួន។

Kitagawa មានរូបរាងស្រស់ស្អាត នាងផ្ទុយនឹងគំរូតួឯកស្រីដែលគេចាត់ទុកជា “hot girl” ។ នាងចិត្តល្អ មានគំនិត​ចង់​អភិវឌ្ឍ​ខ្លួន​ឯង និងឆ្លាតវៃ ជួយអោយ Gojo ដឹងពីសារៈសំខាន់នៃការបន្តចំណង់ចំណូលចិត្តរហូតដល់ទីបញ្ចប់។ នាងខ្លួនឯងក៏ស្អប់អ្នកដែលដាក់គំនាបលើអ្នកដទៃ ដូចជាត្រូវសិស្សប្រុសៗចំអកព្រោះតែចូលចិត្តមើលរឿង​តុក្កតា​ជាដើម។

Uta (One Piece: Red)

Uta មិនមែនជាតួអង្គប្លែកអ្វីនោះទេ ប៉ុន្តែការបង្ហាញខ្លួនរបស់ Uta ក្នុងរឿងរបស់ One Piece ដែលមានឈ្មោះ​​ថា Red បាន​ទាក់​ទាញចំណាប់អារម្មណ៍អ្នកទស្សនា។

Uta ជាតារាចម្រៀងស្រីដែលមានសម្លេងដូចជាទេពធីតា មានអ្នកគាំទ្រច្រើន។ ក្នុង​រឿង​ថ្មី​នេះ Uta បើក​ការ​សម្តែង​ទ្រង់ទ្រាយ​ធំ​បង្ហាញ​សមត្ថភាពរបស់ខ្លួននៅ​ចំពោះ​មុខ​ទស្សនិកជន។ យ៉ាង​ណា​មិញ អ្វីដែល​ទាក់​ទាញ​ចំណាប់​​អារម្មណ៍​​ជា​ជាង​ទឹក​ដម​​សំឡេង និង​រូបរាង​ដ៏​ពិសេស​របស់​នាងគឺ​ប្រវត្តិ។ Uta ជាកូនស្រីចិញ្ចឹមរបស់តួអង្គ Shanks សក់​ក្រហម ហើយ​មាន​ទំនាក់​ទំនង​កុមារភាពជិតស្និទ្ធជាមួយតួឯកប្រុស Luffy ។

Komi (Komi Can’t Communicate)

ខ្សែភាពយន្តនិយាយពីសាលារៀនជាចំណុចខ្លាំងរបស់ជប៉ុន ហើយ Komi Can’t Communicate ក៏មិនមែនជាករណី​លើក​លែង​នោះ​ដែរ។ រឿងនេះបានណែនាំទស្សនិកជនឱ្យស្គាល់តួអង្គស្រី Komi ជាអ្នកមានបញ្ហាខាងទំនាក់ទំនង ហើយស្ទើរតែមិននិយាយអ្វីទាំងអស់ពេញមួយថ្ងៃ។ ទោះជាយ៉ាងណា Komi នៅតែមានចំណុចពិសេសដែលធ្វើ​ឱ្យ​នាង​មាន​ប្រជា​ប្រិយភាព។

Komi ជាតួអង្គដែលតំណាងឱ្យ “ការរើសអើងចំពោះសម្រស់” នៅពេលដែលសិស្សស្រីមានភាពឯកោដោយសារតែគំនិត​ដូច​ជា “ស្រីស្អាតពិបាករាប់អាន” ។ ដូច្នេះហើយ Komi សំបកក្រៅស្ងប់ស្ងាត់ មិនចង់និយាយជាមួយនរណាទាំង​អស់។ ប៉ុន្ដែដោយសារអត្តចរិកគួរ​ឱ្យ​ស្រឡាញ់ រួសរាយ​រាក់ទាក់ និង​កក់ក្តៅ Komi បានរកឃើញមិត្តល្អ ជួយអោយ​នាង​បើក​ចិត្តចំពោះពិភពលោក។

ក្រៅពីតួអង្គដែលបានរៀបរាប់ខាងលើ ឈ្មោះតួអង្គមួយចំនួនដូចជា Mikasa នៃរឿង Attack on Titan, Nezuko នៃរឿង Kimetsu no Yaiba និង Haibara នៃរឿង Case Closed នៅតែត្រូវបានទស្សនិកជនពេញចិត្តពេលបង្ហាញខ្លួន​ក្នុង​ខ្សែ​ភាព​យន្ត​ឆ្នាំ​នេះ។

ប្រភពរូបភាព៖ CrunchyRoll