កងទ័ពជប៉ុនធ្លាប់មានបំណង “បំពុល” ប្រភពទឹកប្រទេស​ខ្លួន​​​ដើម្បី​​កម្ចាត់​​ទាហានសត្រូវ

សង្គ្រាមលោក​លើក​ទី ២ ជប៉ុនជាប្រទេសបរាជ័យ ដែលបានដុតបំផ្លាញភ្នំ និងទន្លេរបស់ខ្លួនដោយផ្ទាល់ដៃ។ នៅ​ពេល​​នោះ​ជប៉ុន​ជា​ប្រទេស​ទើបតែលេចឡើង ដូច្នេះមិនថាយ៉ាងណាមិនអាចឈ្នះបានទេ។ ទោះជាយ៉ាងណា ប្រទេសនេះ​ហាក់ដូចជាអនុវត្តគ្រប់យុទ្ធសាស្ត្រ ហ៊ានលះបង់គ្រប់យ៉ាងដើម្បីយកឈ្នះសង្គ្រាមដែលមិនអំណោយផលនេះ។ ដោយ​ផ្អែក​លើ​ស្មារតី​នោះ កងទ័ព​ទទួល​បាន​ការ​គាំទ្រ​ពី​ប្រជាពលរដ្ឋ លើក​ឡើង​នូវ​ពាក្យ​ស្លោក៖

一億玉砕

ពាក្យស្លោក​នេះ​មាន​ន័យ​ថា បើ​ទោះ​បី​ជាពលី​មនុស្ស​ ១០០ លាន​នាក់ក៏នៅតែបន្តប្រយុទ្ធ។

ប៉ុន្តែនៅពីក្រោយពាក្យស្លោកនេះជាផែនការដ៏ឃោរឃៅមួយ ដែលក្នុងនោះជីវិតរបស់មនុស្ស ១០០ លាននាក់ត្រូវលះបង់។

នៅខែសីហាឆ្នាំ ១៩៤៥ ជប៉ុនបានចុះចាញ់ សង្គ្រាមបញ្ចប់។ បាត់បង់ជីវិតមនុស្ស ១០០ លាននាក់ជាការបរាជ័យដ៏ឈឺចាប់។ ប៉ុន្តែជាក់ស្តែងអាក្រក់ជាងនេះទៅទៀត នៅពេលដែលជនជាតិជប៉ុនគ្មានបំណងចុះចាញ់។ ជនជាតិជប៉ុនដឹងថាប្រទេសជាតិនឹងត្រូវបំផ្លាញ ប៉ុន្តែ​ពួកគេ​ចង់​អូសយក​សហរដ្ឋ​អាមេរិកតាម ដូច្នេះ​ផែនការ​​អា​ក្រក់​​​​នេះ​​​​ត្រូវ​​​​​បាន​​​​​បង្កើត​​​ឡើង។

https://tocana.jp/2022/08/post_239557_entry_2.html

យុទ្ធសាស្ត្រនេះត្រូវបានបង្កើតឡើងដោយទីភ្នាក់ងារសម្ងាត់មួយមានឈ្មោះថា វិទ្យាស្ថានស្រាវជ្រាវបច្ចេកទេសយោ​ធា​​លេខ ៩ ដែល​គេ​ហៅ​ថា​ វិទ្យាស្ថានស្រាវជ្រាវ Noborito ។

វត្តមានរបស់ទីភ្នាក់ងារនេះរហូតដល់ឆ្នាំ ២០០០ ទើបត្រូវបានបង្ហាញឲ្យ​ដឹង អ្នកអាចដឹងថា នេះជាបេសកកម្មកំពូល​​សម្ងាត់។

វិទ្យាស្ថានស្រាវជ្រាវ Noborito ត្រូវបានដាក់នៅតំបន់ដែលឥឡូវនេះជាមូលដ្ឋាន Ikuta នៃសាកលវិទ្យាល័យ Meiji ។ នៅទីនេះមាន “វិមានរំលឹកដល់សត្វ” នៃសាកលវិទ្យាល័យ Meiji សម្រាប់​ឧទ្ទិស​ដល់​បុគ្គល​​ដែល​​ត្រូវ​​ពិសោធ​អំឡុង​សង្គ្រាម។

ទោះជាយ៉ាងណា ជាក់ស្តែងមានភាពខុសគ្នាបន្តិច។

“បុគ្គល” ដែលទទួលការពិសោធន៍នៅទីនោះជាទាហានសត្រូវត្រូវចាប់ធ្វើជាអ្នកទោស។

មិនមានភ័ស្តុតាងណាមួយត្រូវបានរកឃើញនោះទេ ដូច្នេះមនុស្ស​ជា​ច្រើន​ជឿ​ថា យោធាជប៉ុនមិនបានធ្វើការពិសោធ​លើ​​មនុស្ស​​ឡើយ នៅតែមានពាក្យចចាមអារ៉ាមជាច្រើនដែលថា កន្លែងនេះធ្វើពិសោធយ៉ាងសាហាវទៅ​លើ​ខ្លួន​​មនុស្ស​​នៅ​រស់។

ក្រៅពីនេះ វិទ្យាស្ថានស្រាវជ្រាវថែមទាំងទទួលខុសត្រូវចំពោះការស្រាវជ្រាវផ្សេងៗទៀត ដូចជាការធ្វើរូបិយប័ណ្ណចិនក្លែងក្លាយ ដើម្បី​រំខាន​ដល់​សេដ្ឋកិច្ច​ចិន។ ក្រដាសប្រាក់ដែលមានតម្លៃជាង ១.០០០.០០០.០០០.០០០ យ៉េន ត្រូវបាន​​​​បោះ​​ពុម្ព និងចែកចាយនៅប្រទេសចិនខណៈពេលនោះ។ ជាទូទៅ វិទ្យាស្ថានស្រាវជ្រាវនេះទទួលខុសត្រូវអនុវត្តបេសកកម្ម​​គ្មាន​​សីលធម៌ និងខុសច្បាប់។ 

ផែនការចុងក្រោយរបស់ពួកគេរំពឹងថានឹងប្រព្រឹត្តទៅនៅជប៉ុន។ លេណដ្ឋានក្រោមដីដ៏ធំមួយត្រូវបានសាងសង់ឡើងដើម្បីផ្លាស់រាជធានីតូក្យូទៅ Nagano ។ គ្រួសារអធិរាជ រួមទាំងអធិរាជ តួអង្គនយោបាយ និងទីបញ្ជាការ​យោធា​​​ផ្លាស់​​​ប្តូរ​​ដើម្បី​ឲ្យ​ Tokyo ​ក្លាយ​​ជា​សមរភូមិ​សំខាន់។

“យុទ្ធសាស្ត្រអាមេរិក” ដែលស្នើឡើងដោយវិទ្យាស្ថានស្រាវជ្រាវនេះជ្រើសរើសមនុស្ស ៣០០,០០០ នាក់ពីតំបន់ Shonan ខេត្ត Kanagawa មួយចំនួនរួមមាន ២៤០,០០០ នាក់ចេញពី Kujukuri ខេត្ត Chiba ហើយដណ្តើមយកទីក្រុង​​តូក្យូ​​ក្នុង​រយៈ​ពេល ១០ ថ្ងៃ។

ជាក់ស្តែង ហាក់​ដូច​ជា​ភាគី​អាមេរិក​ក៏បានដាក់ចេញយុទ្ធនាការ Downfall ឈ្មោះយុទ្ធនាការនេះមានន័យថាបំផ្លិច​បំផ្លាញ ដូច្នេះព័ត៌មានច្បាស់ជាត្រូវបែកធ្លាយ។ ខ្លឹមសារយុទ្ធនាការ Downfall ក៏គួរឲ្យ​ភ័យខ្លាចណាស់ដែរ ប្រើប្រាស់​អាវុធ​ជីវសាស្ត្រ​ដូច​ជា​ថ្នាំ​ពុល sarin ធ្វើឲ្យ​ពិបាក​ដក​ដង្ហើម ដំបៅ​ស្បែក ដើម្បីបំផ្លាញជនជាតិជប៉ុន។

ដើម្បីទប់ទល់ យុទ្ធសាស្ត្ររបស់ជប៉ុនទាញសត្រូវមក Nagano ។ ប្រសិនបើ​ទាហាន​អាមេរិក​ចូល​ក្នុង​ចំនួន​ច្រើន ទោះ​បី​ជា​យក​ស្បៀង​អាហារ​តាម​ក៏​នៅ​តែ​ខ្វះ​ប្រភពទឹក​ផឹក។ ឧបមាថាទឹកត្រូវបានទិញក្នុងមូលដ្ឋានប្រទេសជប៉ុន នៅ​ពេល​នោះជនជាតិ​ជប៉ុនរៀបចំគម្រោងបំពុលគ្រប់ប្រភពទឹកអណ្តូងទូទាំង​តំបន់ Kanto ។ អាមេរិក​មានបំណង​ប្រើ​អាវុធ​​ជីវសាស្ត្រ​​ដើម្បី​​សម្លាប់​ជនជាតិ​ជប៉ុន ជប៉ុននឹងធ្វើដូចគ្នាដើម្បីសម្លាប់​ទាហាន​អាមេរិក។

ប៉ុន្តែប្រសិនបើជាតិពុលរីករាលដាលលឿនពេក នោះផែនការនឹងត្រូវលាតត្រដាង អត្រាទាហានស្លាប់ទាប ផែន​ការ​​ប្រែ​ក្លាយ​ជា​គ្មាន​ន័យ។ ដូច្នេះ​ជប៉ុន​ត្រូវ​បង្ខំ​ចិត្ត​ធ្វើ​ការ​ពិសោធន៍​ ​ដើម្បី​បង្កើត​សារធាតុពុល​ដែលមានប្រសិទ្ធ​ភាព​​យឺត​។

សកម្មភាពស្រាវជ្រាវនេះសម្ងាត់ សូម្បីតែប្រជាជនជប៉ុនក៏មិនដឹងដែរ។ ពួកគេថែមទាំងបង្កើតបំពង់ចម្រោះ​ឯក​ទេស ដោយ​​គ្រាន់​​តែ​រង់​ចាំ​ថ្ងៃ​យក​មក​ប្រើ​ប្រាស់​ប៉ុណ្ណោះ។

ផែនការរបស់អាមេរិកពិតជាឃោរឃៅណាស់ ប៉ុន្តែជប៉ុនក៏​មិន​គួរ​ធ្វើសកម្មភាពបែបនេះដែរ នៅពេលដែលត្រូវ​ពលី​ប្រជាជន​​របស់​​ខ្លួន។

តើសង្គ្រាមធ្វើឲ្យ​មនុស្សកាន់តែឆ្កួតលីលាមែនទេ?

Kengo Abe