ក្រុមហ៊ុនជប៉ុនអនុញ្ញាតឱ្យបុគ្គលិកឈប់សម្រាកដើម្បីគាំទ្រ Idol របស់ខ្លួន

បច្ចុប្បន្ននេះបញ្ហាតុល្យភាពការងារ និងជីវិតកំពុងត្រូវបានយកចិត្តទុកដាក់យ៉ាងខ្លាំងនៅប្រទេសជប៉ុន។ នៅខែក្រោយ ក្រុមហ៊ុនមួយនៅ Sapporo នឹងអនុញ្ញាតឱ្យបុគ្គលិកឈប់សម្រាកមានប្រាក់ខែ ដើម្បីចូលរួមសកម្មភាពទាក់​ទង​នឹង Idol ដូច​ជា​ចូល​រួម​ការ​ប្រគំតន្ត្រី ឬព្រឹត្តិការណ៍សម្រាប់អ្នកគាំទ្រ​ជា​ដើម។

ប្រព័ន្ធនេះកំពុងត្រូវបានដាក់ឱ្យដំណើរការនៅ Arisu Hoikuen ដែលជាមជ្ឈមណ្ឌលថែទាំកុមារនៅសង្កាត់ Nishi នៃ Sapporo ។ ការថែ​ទាំ​កុមារ​ជាការងារដែលមាញឹក ដូច្នេះបានជា Arisu បើកពីព្រឹកដល់យប់ មិនត្រឹម​តែចុងសប្តាហ៍ និង​ថ្ងៃ​ឈប់​សម្រាក​​ផង​ដែរ។

“ការងារដែលបុគ្គលិករបស់យើងកំពុងធ្វើត្រូវចំណាយថាមពលច្រើន ដូច្នេះខ្ញុំត្រូវស្វែងរកដំណោះស្រាយដើម្បី​សម្រាល​​​ភាព​​​នឿយ​​ហត់​​​ទាំង​​​ផ្លូវ​​កាយ និង​​​ផ្លូវ​​ចិត្ត​​​សម្រាប់​​ពួក​​គេ” ។

ក្រៅពីថ្ងៃឈប់សម្រាកដែលមានស្រាប់ បុគ្គលិកនៅ Arisu Hoikuen នឹងមាន ១០ ថ្ងៃឈប់សម្រាកមានប្រាក់ខែ ដើម្បី​បំពេញ​សកម្មភាព​ទាក់​ទងនឹង Idol ។ គោលគំនិតរបស់ Idol នៅទីនេះក៏ត្រូវបានយល់យ៉ាងទូលំទូលាយផង​ដែរ។

ឧទាហរណ៍បុគ្គលិកដែលជាអ្នកគាំទ្ររបស់ E-sport អាចឈប់សម្រាកដោយមានប្រាក់ខែ ដើម្បីមើលការប្រកួតដែល​មាន Gamer បុគ្គលិក​គាំទ្រ។

អោយតែអ្នក “Oshi” (ចូលចិត្ត) នរណាម្នាក់ ឬអ្វីមួយផ្សេង អ្នកអាចចំណាយពេលឈប់សម្រាកដើម្បីរីករាយនឹងអ្វីដែលខ្លួនចូលចិត្ត។ បុគ្គលិក​ត្រូវ​បាន​គេ​អនុញ្ញាត​ឱ្យ​ឈប់​សម្រាក​ព្រោះ​ចង់​ទៅលេង “Disneyland” ដោយសារម្នាក់នេះជា “Disneyland-oshi” បុគ្គលិកចង់ឈប់សម្រាកដើម្បីគេងក៏បានដែរ ព្រោះម្នាក់នេះ “oshi” រឿងដេកក៏សមហេតុ​ផល។

នាយក Endo វាយតម្លៃចំពោះគោលការណ៍នេះ។

“ខ្ញុំជឿថា ប្រសិនបើអាចធ្វើឱ្យបុគ្គលិករបស់ខ្ញុំសប្បាយចិត្ត ក្មេងៗក៏នឹងសប្បាយចិត្តដែរ។ សុភមង្គលរបស់បុគ្គលិក​នឹង​បង្ហាញ​ដោយធម្មជាតិនៅពេលដែលពួកគេទៅធ្វើការ ប្រសិនបើពួកគេអាចធានាជីវិតផ្ទាល់ខ្លួន។ ខ្ញុំសង្ឃឹម​ថា​ប្រព័ន្ធ​ថ្មី​នេះដំណើរការល្អ ដោយ​ផ្តល់​បរិយាកាស​រីករាយ​ជាង​មុន​សម្រាប់​បុគ្គលិក រួម​ទាំង​កុមារ​ផង​ដែរ” ។

Sacchan