ចំណុចដែលធ្វើអោយអ្នកយកព័ត៌មានជនជាតិកូរ៉េភ្ញាក់​ផ្អើល​ពេល​ត្រឡប់​មក​ជប៉ុនវិញ

Soon Pyon ជា​អ្នក​យក​ព័ត៌មានជនជាតិកូរ៉េដែលរស់​នៅ​ប្រទេស​ជប៉ុន​ជាង​ ១០ ឆ្នាំ។ គាត់​មិន​ដែល​ចាក​ចេញ​ពី​ជប៉ុន​រហូត​ដល់​ផ្ទុះ​ជំងឺ​រាត​ត្បាត។ កាល​​ពី​​ថ្ងៃទី ១១ ខែតុលា ជប៉ុន​បាន​បន្ធូរបន្ថយវិធានការព្រំដែន ដូច្នេះបានជា Soon Pyon អាច​ត្រឡប់​មកជប៉ុនវិញ។ ទោះបីជាគាត់រស់នៅជប៉ុនយូរមកហើយ ប៉ុន្តែរយៈពេលយូរមិននៅទីនេះ ទើប​គាត់​ប្រទះ​ឃើញ​ចំណុចមួយចំនួនដែលធ្វើឱ្យគាត់ភ្ញាក់ផ្អើលម្តងទៀត។

១. ម៉ាសុីនលក់ដោយស្វ័យប្រវត្តិច្រើន

យើងទាំងអស់គ្នាដឹងហើយថាជប៉ុនជាប្រទេសមានម៉ាសុីនលក់ដោយស្វ័យប្រវត្តិច្រើន ប៉ុន្តែក្រោយរយៈពេលត្រឡប់​មក​ប្រទេស​ជប៉ុន​វិញ ទើបយើងដឹងថាចំនួនម៉ាសុីនច្រើនយ៉ាងណា។ Soon Pyon មានអារម្មណ៍ថាចំនួនម៉ាស៊ីន​កើន​ឡើង​ខ្លាំង​ក្នុង​រដូវកាលជំងឺរាតត្បាត នៅពេលដែលទម្រង់លក់ផ្ទាល់ត្រូវដាក់កម្រិត។

មិន​ត្រឹម​តែ​ចំនួន​ម៉ាស៊ីន​កើន​ឡើង​ប៉ុណ្ណោះ​ទេ សូម្បីតែទម្រង់​ក៏​មាន​លក្ខណៈ​ចម្រុះ​ជាង​មុន​ដែរ។ ឧទាហរណ៍អំឡុងពេលធ្វើដំណើរទៅ Daikanyama Tokyo អ្នកយកព័ត៌មាន Soon Pyon បានឃើញម៉ាស៊ីនលក់ Caramel ដោយស្វ័យ​ប្រវត្តិ​នៅ​មុខ​ហាង Caramel Number Sugar ។ មានម៉ាស៊ីនលក់ដោយស្វ័យប្រវត្តិជាច្រើនត្រូវបានដំឡើង ជាវិធានការ​លក់​មិន​ប្រាស្រ័យទាក់ទងកាត់បន្ថយការឆ្លង។

២. នៅជប៉ុនអាចរកទិញទំនិញកូរ៉េយ៉ាងស្រួល

ប្រហែលជាមិនមែនភ្ញៀវទេសចរណ៍ទាំងអស់សុទ្ធតែចាប់អារម្មណ៍នឹងចំណុចនេះទេ ប៉ុន្តែជនជាតិកូរ៉េដែលរស់នៅប្រទេសជប៉ុនដូចជា Soon Pyon ពិតជាដឹងគុណណាស់។ នៅពេលដែលអ្នកយកព័ត៌មាន Soon Pyon ទៅដល់ជប៉ុន​ដំបូង​ក្នុង​ឆ្នាំ ២០០០ កាល​នឹង K-pop មិនទាន់មានប្រជាប្រិយភាពឡើយ ដងផ្លូវសម្រាប់ប្រជាជនកូរ៉េនៅ Tokyo Shin-Okubo ក៏​មិន​មែន​ជាកន្លែងទាក់ទាញទេសចរណ៍នោះដែរ។

នៅពេលនោះតំបន់ផ្សារកូរ៉េនៅ Shin-Okubo អាចចាត់ទុកជាកន្លែងតែមួយគត់ដែលអ្នកអាចរកទិញទំនិញកូរ៉េ ប៉ុន្តែ​សព្វ​ថ្ងៃ​បាន​ក្លាយ​ទៅជាទំនិញទូទៅនៅផ្សារ​ទំនើប រួមទាំងបណ្តាញផ្សារទំនើបដូចជា Don Quijote ។

៣. ទំនិញជាច្រើនមិនឡើងថ្លៃ

ថ្វីត្បិតតែថ្លៃប្រើប្រាស់នៅជប៉ុនកើនឡើងអំឡុងពេលប៉ុន្មានឆ្នាំថ្មីៗនេះ ប៉ុន្តែនោះជាអ្វីដែលភ្ញៀវទេសចរណ៍មិនអាច​កត់​សម្គាល់​ដឹង​ទេ មិនមានផលប៉ះពាល់។ ភាគច្រើនភ្ញៀវទេសចរណ៍ទទួលទានអាហារនៅភោជនីយដ្ឋាន ហើយចាប់អារម្មណ៍​លើ​ថ្លៃ​ចូល​ទស្សនាកន្លែងទេសចរណ៍ដូចជា ឧទ្យាន និងសារមន្ទីរជាដើម។ តម្លៃបែបនេះនៅតែរក្សាដដែលក្នុងអំឡុងពេល ២ ឆ្នាំកន្លងមកនេះ។ ជាក់ស្តែង Tokyo Disneyland និង DisneySea ថែមទាំងបញ្ចុះតម្លៃសំបុត្រ ២០% ទៀតផង។ បូកទាំងតម្លៃប្រាក់យ៉េនធ្លាក់ អ្នកប្រាកដជាភ្ញាក់ផ្អើលនឹងតម្លៃធ្វើដំណើរទៅកាន់ជប៉ុន​បើ​ធៀបនឹង​ពី​មុន និង​ប្រទេស​ផ្សេង​ទៀត។

Sacchan