ករណីជនសង្គមងងឹតវាយគ្នានៅភោជនីយដ្ឋានលំដាប់ខ្ពស់ទីក្រុងតូក្យូ

ថ្ងៃអង្គារ 18/10/2022 | 8:34 ព្រឹក

កាលពីថ្ងៃទី ១៦ នៅឯភោជនីយដ្ឋានជាន់ខ្ពស់ “Sunshine 60” នៅ Ikebukuro ទីក្រុងតូក្យូ កើតមានករណីភ្ញៀវវាយគ្នា តាមការស្មានករណីវាយគ្នាពាក់ព័ន្ធនឹងភ្ញៀវប្រមាណ ១០០ នាក់ ម្នាក់រងរបួស។ មុននោះក្នុងភោជនីយដ្ឋានកំពុងប្រារព្ធពិធីជប់លៀងសម្រាប់ “លោកបងធំ” បច្ចុប្បន្នប៉ូលិសតូក្យូកំពុងស៊ើបអង្កេតព័ត៌មានលម្អិតករណីនេះ។

សេចក្តីសង្ខេបករណីដូចតទៅ វេលាម៉ោងប្រហែល ៦ៈ៣០ នាទីល្ងាច នៅភោជនីយដ្ឋានជាន់ ៥៨ នៃអគារខ្ពស់ “Sunshine 60” នៅ Ikebukuro ទីក្រុងតូក្យូ បុគ្គលិកបានរាយការណ៍ទៅនាយកដ្ឋានប៉ូលិសក្រុងថា “មានករណីវាយគ្នា ភ្ញៀវកំពុងវាយគ្នា” ។ នៅពេលប៉ូលិសទៅដល់កន្លែងកើតហេតុ ភ្ញៀវម្នាក់អាយុ ២០ ឆ្នាំបែកក្បាលហូរឈាម និងរបួសស្រាល។

នៅពេលនោះមានមនុស្សប្រហែល ១០០ នាក់កំពុងរៀបចំពិធីជប់លៀង ប៉ុន្តែពេលប៉ូលិសមកដល់ភ្ញៀវភាគច្រើនបានចាកចេញទៅហើយ។ បុគ្គលិកបាននិយាយថា នៅពេលនោះក្នុងភោជនីយដ្ឋានមិនមានភ្ញៀវផ្សេងក្រៅពីសមាជិក “ក្រុមសង្គមងងឹត” ទេ។

ប៉ូលិសមិនទាន់ចាប់ខ្លួនអ្នកណាម្នាក់ទេ ប៉ុន្តែកំពុងបន្តការស៊ើបអង្កេត។ គ្រាន់តែដឹងថាពេលទៅដល់កន្លែងកើតហេតុពេញទៅដោយដបស្រាបៀរ និងបំណែកដប។

Sacchan