Fan Pokémon កុំរំលងឳកាសនេះ ការប្រកួតស្វែងរក ១៥០ Pokémon នៅជុំវិញស្ថានីយ៍រថភ្លើងជប៉ុន

១៥០ គឺជាលេខពិសេសសម្រាប់អ្នកគាំទ្រ Pokémon ព្រោះមាន Pocket Monster ប្រហែល ១៥០ ប្រភេទក្នុងហ្គេម Pokémon Red and Blue ច្បាប់ដើម។ ម្យ៉ាងវិញទៀត ១៥០ ក៏ជាលេខដែលមានអត្តន័យសម្រាប់អ្នកគាំទ្រឧស្សាហ​កម្ម​ផ្លូវ​ដែក​ជប៉ុន​ផង​ដែរ។ នៅថ្ងៃទី ១៤ ខែតុលានេះជាខួបលើកទី ១៥០ ឆ្នាំបើកសម្ភោធខ្សែរថភ្លើងដំបូងគេនៅប្រទេស​ជប៉ុន ដំណើរ​ការ​ពី​ស្ថានីយ៍ Shimbashi Tokyo រហូតមកដល់ពេលនេះគឺស្ថានីយ៍ Sakuragicho នៅ Yokohama ។

បច្ចុប្បន្ននេះ Pokémon និងក្រុមហ៊ុនផ្លូវដែកជប៉ុនខាងកើត (JR East) កំពុងសហការដើម្បីរៀបចំព្រឹត្តិការណ៍មួយ​ដែលមានឈ្មោះថា “ចូរស្វែងរក ១៥០ Pokémon ដែលកំពុងលាក់ខ្លួននៅស្ថានីយ៍” ។ ដូចជាឈ្មោះដែលបានបង្ហាញ ១៥០ Pokémon Gen-1 នឹងបង្ហាញខ្លួនជុំវិញ ១៦ ស្ថានីយ៍​ខុស​គ្នា។ នៅពេលដែលរកឃើញអ្នកគាំទ្រអាចថតរូបជាមួយ Pokémon បាន។

ព្រឹត្តិការណ៍នេះនឹងចាប់ផ្តើមនៅថ្ងៃទី ១៤ ខែតុលា នៅទីតាំងដំបូងគឺស្ថានីយ៍ Shimbashi នៅ Tokyo ក៏ដូចជាស្ថានីយដែលកំពុងដំណើរការខាងក្រោម៖

• Omiya (Saitama)
• Takasaki (Gunma)
• Nagano (Nagano)
• Ichinoseki (Iwate)
• Akita (Akita)

នៅចុងខែវិច្ឆិកា Pokémon Gen-1 នឹងទៅដល់ស្ថានីយ៍ដូចខាងក្រោម៖

• Sakuragicho (Kanagawa)
• Hachioji (Tokyo)
• Mito (Ibaraki)
• Chiba
• Fukushima
• Sendai (Miyagi)
• Minami-Kesennuma (Miyagi)
• Yamagata
• Shin Aomori (Aomori)
• Shin Niigata (Niigata)

ស្វែងរកចំនួន ១៥០ Pokémon ស្តាប់ទៅដូចជាតួនាទីដែលពិបាក ប៉ុន្តែបើតាមការផ្សាយពាណិជ្ជកម្ម ទីតាំងរបស់ Pokémon មិន​សម្ងាត់​ពេក​ទេ។ ព្រឹត្តិការណ៍នេះមានរយៈពេលរហូតដល់ចុងខែមីនាឆ្នាំក្រោយ។

Sacchan