វីដេអូបង្រៀន Aikido យ៉ាងស្ទាតជំនាញដោយសិស្សស្រីជនជាតិ​ជប៉ុន​ម្នាក់

Shirakawa Ryuji ជាតំណាងផ្នែក Aikido ជប៉ុនចូលរួមមហោស្រពសិល្បៈក្បាច់គុនពិភពលោកឆ្នាំ ២០១៣ ។

បច្ចុប្បន្ន Shirakawa ជាប្រធានសាលាក្បាច់គុន Aikido Shinburenseijuku ដែលជាកន្លែងកំពុងទាក់ទាញការចាប់​​អារម្មណ៍​​យ៉ាង​ខ្លាំង​ទាំ​ង​ក្នុង​ប្រទេស និងក្រៅប្រទេស ដោយផ្អែកលើវីដេអូបង្ហាញជំនាញពិសេសដែលបង្ហោះនៅ​លើ Youtube ។

Aikido ជាក្បាច់គុនជប៉ុន ហ្វឹកហាត់រាងកាយ និងចិត្តតាមរយៈបច្ចេកទេសដោយប្រើចលនារាងកាយ និងការដកដង្ហើម ប្រើ​ថាម​ពល និង​កម្លាំង​របស់គូប្រកួតដើម្បីផ្តួលពួកគេ។

Aikido ប្រើដូចជាក្បាច់គុនការពារខ្លួន មិនទាមទារអ្នកហាត់ក្បាច់គុនមានមាឌ និងរាងកាយធំនោះទេ។

តួអង្គខាងក្រោមនេះគឺ Abe Momoko ជាសិស្សម្នាក់របស់ Aikido Shinburenseijuku ។ ក្នុងវីដេអូសាលាក្បាច់គុន សិស្ស​ស្រី​ម្នាក់​នេះ​​បង្ហាញ​ពី​បច្ចេក​ទេស​ទន់​ភ្លន់ និងភាពបត់បែននៃក្បាច់គុនក្នុងល្បឿនលឿន។

ក្នុងវីដេអូខាងក្រោម នាងណែនាំអំពីបច្ចេកទេសការពារខ្លួនក្នុងស្ថានភាពផ្សេងៗគ្នា។

ក្រឡេក​មក​មើល​ក្បាច់​ឡូយបែប​នេះ ប្រាកដ​ជា​អ្នក​ទស្សនា​ចង់សាកល្បង។ ប៉ុន្តែនៅចុងវីដេអូ Shirakawa បានលើកឡើងពីគោលការណ៍មួយ គឺថាត្រូវយល់ឃើញ និងមានអារម្មណ៍ដឹងពីគ្រោះថ្នាក់ បន្ទាប់មករកវិធីគេចចេញមុន​ពេល​គ្រោះ​ថ្នាក់​មក​ដល់ នោះជាអាទិភាពដំបូង។

ប្រសិនបើអ្នកចង់មើលវីដេអូទាក់ទងនឹង Aikido ផ្សេងទៀត អ្នកអាចទិញ DVD ណែនាំរបស់ Shirakawa ដែលមាន​ឈ្មោះ​ថា 究める合気道〜柔らかな動きと崩し」។

គេហទំព័រ YouTube របស់ Aikido Shinburenseijuku ក៏បង្ហោះវីដេអូសហការរវាងក្បាច់គុន និងកីឡាប្រយុទ្ធផ្សេងទៀត សូម​​ពិនិត្យ​មើល។

https://www.youtube.com/user/Shinburenseijyuku

Sacchan