តារាងជំនួយបុគ្គលិក និងអតិថិជនដែលមានបញ្ហាស្តាប់មិនឮ​អាច​សន្ទនា​គ្នា​បាន

សេវាកម្មជប៉ុនតែងតែមានរឿងគួរឱ្យចាប់អារម្មណ៍មួយចំនួនដូចជាការយកចិត្តទុកដាក់ ល្អិតល្អន់។ ថ្មីៗនេះអ្នក​ប្រើ Twitter Atsushi Noguchi (@A_gussan0531) បានចែករំលែករឿងរ៉ាវរំភើបចិត្តនៃខ្សែសង្វាក់ហាងលក់ទំនិញ Lawson ។ Noguchi មាន​បញ្ហា​ចំពោះ​ការស្តាប់ ដូច្នេះការទិញទំនិញនៅហាងជួបបញ្ហាច្រើន។

បន្ទាប់ពីទិញអាហាររួច បុគ្គលិក Lawson ម្នាក់បានសួរ Noguchi ថាតើគាត់ចង់កំដៅអាហារក្នុងមីក្រូវ៉េវដែរឬទេ? Noguchi ស្តាប់មិនឮ​សំណួរ​របស់​បុគ្គលិក ដូច្នេះគាត់បានចង្អុលប្រាប់ម្នាក់នោះឧបករណ៍ជំនួយ​ការ​ស្តាប់​ជាជាង​ពន្យល់។ ភ្លាមៗនោះបុគ្គលិកបានណែនាំ Noguchi ឱ្យប្រើតារាងនៅបញ្ជរ ឧបករណ៍នេះជួយអោយការសន្ទនាកាន់​តែ​មាន​ភាព​ងាយ​ស្រួល។

តាមរយៈតារាងនេះ អតិថិជនអាចបង្ហាញពីតម្រូវការទូទៅក្នុងហាងដូចជា តើអ្នកចង់ប្រើថង់ប្លាស្ទិកដែរ​អត់? ចង់​កម្តៅអាហារដែរអត់? ត្រូវ​ការ​ឧបករណ៍​ផ្សេង​ទៀត​ដែរ​ទេ? ជាដើម។ មិនត្រឹមតែជាឧបករណ៍សម្រាប់​អតិថិជន​ប៉ុណ្ណោះ​ទេ សូម្បីតែបុគ្គលិកក៏អាចបង្ហាញពីសំណួរទៅកាន់អតិថិជនពិសេសផងដែរ។ នៅពេលបើកដំណើរ​ការ “ហាងលក់ទំនិញ” ប្រហែលជា “ភាពងាយស្រួល” ដែលប្រជាជនជប៉ុនចង់ឈានដល់ មិនត្រឹម​តែ​ផ្តោត​លើ​បរិមាណ​ទំនិញប៉ុណ្ណឹងទេ ប៉ុន្តែ​ស្ទើរ​តែ​គ្រប់​ផ្នែក​ទាំង​អស់។

さっきローソンで店員さんが何か言ってたんだけど何言ってるのか全然わからなくて「すいません耳が悪いんですよ」って補聴器指さしながら言ったら、これの一番下指さして「あたためますか？」って言ってたの伝わって(これが噂のローソンのか…！)って思いながらめっちゃ便利だなこれってなった#難聴 pic.twitter.com/UHF1PlX3ZG

— 野口 敦史@難聴・料理・アンプティサッカー (@A_gussan0531) October 2, 2022

ងាយៗ ប៉ុន្តែមានប្រយោជន៍ មានប្រយោជន៍ ប៉ុន្តែមិនមែនគ្រប់គ្នាសុទ្ធតែដឹងនោះទេ នោះហើយជាអ្វីដែលសេវាកម្ម​ជប៉ុន​តែង​តែ​ធ្វើឱ្យយើងភ្ញាក់ផ្អើល។ ក្រៅពីនេះ Lawson បានអោយដឹងថា គំនិតនេះផ្តើមដោយបុគ្គលិកដែលមាន​បញ្ហា​ក្នុង​ការស្តាប់របស់ Lawson គិតឃើញ ហើយដាក់ឱ្យប្រើនៅថ្ងៃទី ៣០ ខែសីហា។

ក្រៅពីក្លាយជាឧបករណ៍ជំនួយសម្រាប់អតិថិជនគថ្លង់ នេះក៏អាចចាត់ទុកជាឧបករណ៍មានប្រយោជន៍សម្រាប់អតិថិជន​ដែល​មិន​អាច​និយាយ​ភាសា​ជប៉ុន​ផង​ដែរ។

Sacchan