ផ្កា Red Spider Lily រីកស្គុះស្គាយជាសញ្ញារដូវស្លឹកឈើជ្រុះនៅជប៉ុន

ផ្កា Red Spider Lily ជាប្រភេទផ្កាដែលតំណាងអោយ “ភាពស្រស់ស្អាតនៃសេចក្តីស្លាប់” រីកស្គុះស្គាយបង្កើតជាទេស​ភាព​កម្រាល​ព្រំ​ពណ៌​ក្រហម។

រូបភាព៖ Instagram scratch.mama

ជារៀងរាល់ឆ្នាំចន្លោះពីខែកញ្ញាដល់ខែតុលា ផ្កា Red Spider Lily រីកស្គុះស្គាយ ដែលជាសញ្ញានៃរដូវស្លឹកឈើជ្រុះនៅជប៉ុន។ ដូច្នេះ​ហើយ មុន​នឹង​ឈាន​ចូល​រដូវ​ស្លឹកឈើពណ៌ក្រហម វាលផ្កា Red Spider Lily ជាកន្លែងទាក់ទាញភ្ញៀវទេស​ចរណ៍។ ប្រភេទ​ផ្កា​នេះ​ច្រើន​ដាំនៅតាមដងផ្លូវ មាត់ទន្លេ ឬនៅតាមកសិដ្ឋាន។ 

រូបភាព៖ Instagram mamesuke06

ផ្កានេះជាប្រភេទរុក្ខជាតិស្មៅ មានកម្ពស់ប្រហែល ៤០ ដល់ ១០០ សង់ទីម៉ែត្រ។

រូបភាព៖ Instagram atsushinakamura_musaicolor

ផ្កា Red Spider Lily រីកនារដូវស្លឹកឈើជ្រុះដែលគេហៅថា higanbana ។ ក្នុងភាសាជប៉ុន higan មានន័យថា “ច្រាំងឯនាយ” ជាភាសាពុទ្ធសាសនាសំដៅលើស្ថាន ឬភពខាងនោះ អ្នកដែលបានស្លាប់ទៅហើយមានន័យថាសុខគតិភព។

រូបភាព៖ Instagram nabecam

ឧទ្យាន Kinchakuda ខេត្ត Saitama ជាកន្លែងដែលមានវាលផ្កា Red Spider Lily ជាង ៥ លានដើមរីកព្រមគ្នារាល់រដូវស្លឹកឈើជ្រុះ។ ឧទ្យាន​នេះ​មាន​ចម្ងាយ​ប្រហែល ៥៣ គីឡូម៉ែត្រ ល្អសម្រាប់ដំណើរកំសាន្តអំឡុងពេលមួយថ្ងៃ ប្រសិនបើអ្នកចេញដំណើរពីទីក្រុងតូក្យូ។ សកម្មភាពដែលភ្ញៀវទេសចរណ៍ចូលចិត្តបំផុតគឺស្លៀក kimono ពាក់របាំងមុខ និងថតរូបបែបវេទមន្តកណ្តាលសមុទ្រផ្កាក្រហម។

រូបភាព៖ Instagram makick0829

ក្រៅពីផ្កាពណ៌ក្រហម មានកន្លែងជាច្រើនដាំផ្កា Spider Lily ស លឿង និងពណ៌ផ្កាឈូកផងដែរ។

រូបភាព៖ Instagram berry_picking

ផ្កា Spider Lily សត្រូវបានគេដាំនៅ Kourinji ខេត្ត Ishikawa ។

រូបភាព៖ Instagram mabo0039

ពេលវេលាគយគន់ និងថតរូបផ្កា Red Spider Lily ស្អាតបំផុតគឺពេលព្រះអាទិត្យរះលើវាលផ្កា។ នៅពេលព្រឹកព្រលឹម ឬ​ថ្ងៃ​លិច វាលផ្កាក្លាយជាកន្លែងបំផុសគំនិតអ្នកចូលចិត្តថតរូប។ ក្នុងរដូវនេះ ពិធីបុណ្យផ្កាជាច្រើនប្រារព្ធឡើង​នៅ​ជុំវិញ​វាល​ស្រែ និងសួនផ្កា Red Spider Lily ។ ភ្ញៀវ​ទេស​ចរណ៍​មក​គយ​គន់​ផ្កា រីករាយជាមួយនឹងម្ហូបពិសេស​ប្រចាំ​តំបន់ ទិញ​ផលិត​ផល​ក្នុង​ស្រុក បោះជំរុំ ឬពិសាអាហារ ដូចជាពិធីបុណ្យផ្កានិទាឃរដូវ​ជា​ដើម។

ប្រភព៖ Skydoor