Kirin Ball ផ្គុំឡើងដោយរូបសត្វដែលជាស្នាដៃរបស់​វិចិត្រ​ករ​ជន​​ជាតិ​​ជប៉ុន

ថ្ងៃ​អង្គារ 04/10/2022 | 9:32 ព្រឹក

វិចិត្រករជនជាតិជប៉ុន テセ松 Tesematsu (@Tesematsu) ល្បីឈ្មោះដោយសារស្នាដៃ 3D របស់ខ្លួន។ បុគ្គលម្នាក់នេះរចនាលើកម្មវិធី 3D យ៉ាងប្រុងប្រយ័ត្ន ដោយគ្រោងនឹងរចនាបំណែកនីមួយៗលើស្រទាប់ត្រួតស៊ីគ្នា ហើយបន្ទាប់​មក​បោះ​ពុម្ព​ដាច់​ដោយ​ឡែកដោយប្រើម៉ាស៊ីនបោះពុម្ព 3D ។ គំរូ 3D ដែលវិចិត្រករចូលចិត្តរាងស្វ៊ែរ។

ប្រហែលជា ១ ខែមុន គាត់បានបង្ហោះរូបភាពនៃការរចនារាងស្វ៊ែរថ្មីបំផុតនៅលើគណនី Twitter ហើយភ្លាមៗនោះទទួល​បាន​ការ​ចាប់​អារម្មណ៍​ជា​ច្រើន។

Kirin រាងស្វ៊ែរ

Kirin គឺជាសត្វមួយប្រភេទក្នុងទេវកថា ភាសាចិនគេហៅថា Qilin ចំណែកភាសាជប៉ុនហៅថា Kirin (麒麟) ឬ “សេះមានស្នែង” ។ Kirin តែងតែត្រូវគេពណ៌នាថាមានលក្ខណៈពិសេសដូចនាគ មានស្រកា ប៉ុន្តែមើលទៅដូច​សត្វ​ក្តាន់។

“ខ្ញុំបង្កើត Kirin Ball ពី ៦០ បំណែក Kirin ។ មិនប្រើកាវបិទ ជាស្នាដៃពិសេសអស្ចារ្យ” ។

ទាំងនេះគឺ ៦០ បំណែក Kirin មុនពេលផ្គុំបានជាស្នាដៃពេញលេញ មិនបានប្រើកាវបិទនោះទេ។

ប្រសិនបើអ្នកកំពុងឆ្ងល់ធ្វើយ៉ាងណាផ្គុំបំណែកនីមួយៗចូលគ្នា សូមក្រឡេកមើលរូបភាពទាំងនេះ។

ស្នាដៃដ៏គួរអោយចាប់អារម្មណ៍នេះ​បានទាក់ទាញមតិយោបល់ជាច្រើន មិនត្រឹម​តែមានភាសាជប៉ុន ថែមទាំងមានភាសាផ្សេងផងដែរ។

វិចិត្រកររូបនេះថែមទាំងបានបង្ហោះវីដេអូមួយ នៅពីក្រោយមានកំប៉ុងស្រាបៀរ Kirin ទៀតផង។

ក្រៅពី Kirin គាត់ក៏បានបង្កើតស្នាដៃស្រដៀងគ្នាមួយចំនួនដូចជា “Dragon Ball” (នាគ) និង “Phoenix Ball” (ហង្ស) ជាដើម។

Sacchan

មើលព័ត៏មានដែលទាក់ទង ដ៏គួរអោយចាប់អារម្មណ៏បន្ថែមទៀត។
មើលបន្ថែម: