ការស្រាវជ្រាវរបស់ជប៉ុនរកឃើញវិធីមានប្រសិទ្ធភាព​បំផុត​សម្រាប់​លួង​លោម​ទារកឱ្យគេងលក់ស្រួល

យោងទៅតាមទំព័រ Nikkei Asia នៅថ្ងៃទី ៣ ខែតុលា ក្រុមស្រាវជ្រាវអន្តរជាតិដែលដឹកនាំដោយអ្នកស្រាវជ្រាវ Kumi Kuroda នៅ​វិទ្យាស្ថាន​វិទ្យាសាស្ត្រ​ជាតិ Riken នៃប្រទេសជប៉ុន បានរកឃើញថាប្រសិនបើទារកយំ ចូរបីទារក ហើយ​ដើរ​ទៅ​មក​រយៈ​ពេល ៥ នាទី។ នេះ​ជា​វីធីសាស្រ្ត​លួង​លោម និង​​ជួយ​​ឱ្យ​​កូន​​គេង​​លក់​​ស្រួល។

ក្រុមស្រាវជ្រាវបាន​ធ្វើ​ការ​ពិសោធស្វែងរកវិធីល្អបំផុតដើម្បីលួងលោម​ទារក​ឱ្យ​គេង។ ពួកគេបានអោយដឹងក្រោយពេលបីទារក និងដើររយៈពេល ៥ នាទី សូមបន្តទុកឱ្យទារកគេងក្នុងរង្វង់ដៃមនុស្សធំរយៈពេល ៨ នាទីបន្ថែមទៀត។ ចំណុច​នេះ​ជួយ​អោយ​ទារក​មិន​ភ្ញាក់ពេលដាក់ចុះ។

ការពិសោធន៍ត្រូវបានធ្វើឡើងចំពោះ ២១ ទារក (៧ ខែ ឬតិចជាងនេះ) និងឪពុកម្តាយទារកនៅប្រទេសជាច្រើនទៀត ក្នុង​នោះ​មាន​ប្រទេស​ជប៉ុន និង​អុីតាលី។

រូបភាព៖ REUTERS

ដំបូងឡើយ ក្រុមស្រាវជ្រាវបានសាកល្បងសកម្មភាពចំនួន ៤ ក្នុងរយៈពេល ៣០ វិនាទី ហើយប្រៀបធៀបប្រតិកម្មរបស់ទារក។ “បីដើរទៅមក” មានប្រសិទ្ធភាពជាងគេ បើដាក់ទារកលើរទេះរុញ ហើយទុកអោយធ្វើដំណើរទៅមកមិនសូវមានប្រសិទ្ធភាពទេ។ ជម្រើសពីរផ្សេងទៀតរួមមាន “បីទារកហើយអង្គុយ” និង “ដាក់ទារកនៅលើគ្រែ” មិនមានប្រសិទ្ធភាពនោះទេ។

បន្ទាប់មកក្រុមស្រាវជ្រាវបានពិនិត្យរយៈពេលដើរទៅមក ពួកគេបានរកឃើញថា ក្រោយពេល ៥ នាទី ទារកទាំងអស់​ឈប់​យំ ហើយ​ប្រហែល​​ពាក់​​កណ្តាល​​ដេក​​លក់។

ដើរទៅមកជាមួយនឹងល្បឿនធម្មតា យ៉ាងណាទារកអាចនឹងភ្ញាក់ពេលមនុស្សធំលែងធ្វើចលនា។

ការស្រាវជ្រាវក៏បានបង្ហាញផងដែរថា ប្រសិនបើអ្នកឳបទារកថែម ៨ នាទីទៀតមុនពេលដាក់លើគ្រែ។ ទារកនឹងគេង​លក់​ស្រួល ហើយ​មិន​សូវ​ភ្ញាក់​ពី​គេង​ផង​ដែរ។

​ប្រភព៖ Skydoor