កំពូលរថយន្តបើកដំបូលជប៉ុនដែលគេចាត់ទុកថាល្អបំផុត

ថ្ងៃព្រហស្បតិ៍ 29/09/2022 | 16:19 ល្ងាច

ក្រៅពីរថយន្តដែលអាចប្រើបាន និងមានតម្លៃសមរម្យ ក្រុមហ៊ុនផលិតរថយន្តជប៉ុនក៏ធ្លាប់ផលិតរថយន្តបើកដំបូលមួយចំនួនផងដែរ។

Lexus LC

Lexus LC ជាម៉ូដែលរថយន្តបើកដំបូលទំនើបបំផុតរបស់ជប៉ុន។ រថយន្តមានការរចនាប្លែក ជាមួយនឹងផ្នែកខាងមុខស្រាល ទន់ ដែលជួយរក្សារចនាប័ទ្មស្អាតដូចជារថយន្ត Coupe ។

រូបភាព៖ Hotcars

Lexus ប្រើប្រាស់ភាពជឿនលឿននៃបច្ចេកវិទ្យាចុងក្រោយបំផុតដើម្បីធ្វើឱ្យ LC ក្លាយជារថយន្តស្ព័រដែលដំណើរការល្អបំផុត។ រថយន្តប្រើឧបករណ៍កាត់បន្ថយរលាក់របស់ Yamaha ផ្តល់ប្រព័ន្ធព្យួរស្រាល និងបង្កើនកម្រិតរឹងមាំ។ LC ប្រើម៉ាស៊ីន V8 ចំណុះ ៥,០ លីត្រ ផលិតថាមពល ៤៧១ កម្លាំងសេះ។

Honda S800

S800 លក់មិនដល់ ១២.០០០ គ្រឿងទេ ដោយសារអ្នកចូលចិត្តភាគច្រើនមិនស្គាល់រថយន្តម៉ាកនេះ។

រូបភាព៖ Hotcars

S800 ជារថយន្តស្ព័រដែលមានចំនួនរង្វិលជុំក្នុងមួយនាទីខ្លាំងបំផុតរបស់ Honda ចំនួន ៩.៥០០ ជុំក្នុងមួយនាទី។ រថយន្តមានម៉ាស៊ីនបួនស៊ីឡាំង ៧៩១ សេសេតូច ប៉ុន្តែមានកម្លាំងខ្លាំង អាចរត់បានយ៉ាងងាយ ១៦០ គីឡូម៉ែត្រក្នុងមួយម៉ោង។ S800 ជារថយន្តដែលគួរអោយចាប់អារម្មណ៍ជាមួយនឹងប្រអប់លេខដៃ ៤ ល្បឿន និងដ្រាយកង់ខាងក្រោយ។

Nissan 370Z

370Z ជារថយន្តស្ព័រចាស់ដែលផ្តល់នូវតម្លៃល្អបំផុត។ ប្រហាក់ប្រហែល Roadster បើកដំបូល។

រូបភាព៖ Hotcars

នៅពេលធ្វើដំណើរ 370Z មានមុខងារបង្កើនល្បឿនខ្លាំង និងគ្រប់គ្រងច្បាស់លាស់។ ជារថយន្តបែបជប៉ុនដែលមានម៉ាស៊ីន V6 ស្រូបខ្យល់ធម្មជាតិ។ ម៉ាស៊ីន ៣,៧ លីត្រផលិតថាមពល ៣៣២ កម្លាំងសេះក្នុងទម្រង់មូលដ្ឋាន និង ៣៥០ កម្លាំងសេះក្នុងទម្រង់ Nismo ។

Lexus IS C

Lexus IS C ជារថយន្តបើកដំបូលជាមួយនឹងកាប៊ីនស្អាត។ IS C មានដំបូលដែកដែលអាចបើកបិទក្នុងអំឡុងពេលមិនដល់ ២០ វិនាទី។

រូបភាព៖ Hotcars

Lexus IS C មាន ២ ទម្រង់មូលដ្ឋានម៉ាស៊ីន V6 ចំណុះ ២,៥ លីត្រ ផលិតថាមពល ២០៤ កម្លាំងសេះ ប្រើប្រអប់លេខស្វ័យប្រវត្តិ ៦ កម្រិត។ ទម្រង់ទី ២ បំពាក់ម៉ាស៊ីន V6 ចំណុះ ៣,៥ លីត្រ ជាមួយនឹងប្រអប់លេខស្វ័យប្រវត្តិ ៨ កម្រិត ផលិតថាមពល ៣០៦ កម្លាំងសេះ និងមានលក្ខណៈពិសេសសម្រាប់ផ្លូវប្រណាំង។

Infiniti Q60

Q60 ជាគូប្រជែងនឹង BMW 4 Series ដំបូលបើក។ Q60 មានដំបូលដែកបត់ និងកន្លែងអង្គុយចំនួន ៤ ។ ដំបូលបត់ក្នុងរយៈពេលមិនដល់ ២៥ វិនាទី ជួយបង្កើនរូបរាងទាន់សម័យសម្រាប់ Q60 ។ គ្រប់ម៉ូដែល Q60 មានគុណភាពរថយន្តល្អ និងដំណើរការគួរឱ្យចាប់អារម្មណ៍របស់ម៉ាសុីន V6 ចំណុះ ៣,៧ លីត្រ។