ផឹកទឹកដោះគោមួយកែវមុនពេលទទួលទានអាហារជួយ​កាត់​បន្ថយ​សម្ពាធ​ឈាម និងសម្រកទម្ងន់

យោងទៅតាមការស្រាវជ្រាវរបស់សមាគមឧស្សាហកម្មទឹកដោះគោជប៉ុន ផឹកទឹកដោះគោមួយកែវមុនពេលទទួល​ទាន​អាហារ​មាន​អត្ថប្រយោជន៍​ដល់​ការរំលាយអាហារ និងជួយសម្រកទម្ងន់។

ព្រោះតែទឹកដោះគោសម្បូរទៅដោយសារធាតុចិញ្ចឹម បានជាគេតែងតែយល់ច្រឡំថាទឹកដោះគោផ្ទុកលីពីត និងកាឡូរី​​ខ្ពស់ ដូច្នេះ​មិនត្រូវផឹកអំឡុងពេលសម្រកទម្ងន់នោះទេ។ ទោះជាយ៉ាងណា ឥឡូវនេះមានទិន្នន័យស្រាវជ្រាវដែលថាការផឹកទឹកដោះគោអាចបន្ថយសម្ពាធឈាម កូលេស្តេរ៉ុល ហើយជាពិសេសផឹកទឹកដោះគោមួយកែវមុនពេល​ទទួល​ទាន​អាហារ​ថែមទាំងអាចរារាំងការស្រូបយកកាឡូរី ជួយសម្រួលដំណើរការរំលាយអាហារ និងសម្រក​ទម្ងន់។

សមាគមឧស្សាហកម្មទឹកដោះគោជប៉ុន (J- MILK) – ដែលជាអង្គការមិនរកប្រាក់ចំណេញមានគោលបំណងអភិវឌ្ឍ​​សកម្មភាព​អាជីវកម្ម​ចិញ្ចឹម​គោយកទឹកដោះ និងឧស្សាហកម្មទឹកដោះគោនៅប្រទេស​ជប៉ុន បាន​ប្រកាសរបាយការណ៍ស្រាវជ្រាវមួយដែលមានប្រធានបទ “ផលិតផលពីទឹកដោះគោ​ទប់​ស្កាត់​​​រោគ​​​សញ្ញា​​​មេតា​​ប៉ូលីស” ។

ក្រុមស្រាវជ្រាវដឹកនាំដោយវេជ្ជបណ្ឌិត Takayuki Hosui នាយកវិទ្យាស្ថានវេជ្ជសាស្ត្រជប៉ុន បានបែងចែកបុរស ២០០ នាក់​ដែល​មាន​អាយុ​ចន្លោះ​ពី ២០ ទៅ ៦០ ឆ្នាំជាពីរក្រុម ហើយធ្វើការស្រាវជ្រាវអំឡុងពេល ២៤ សប្តាហ៍។ មួយក្រុម​ធ្វើតាមការណែនាំរបបអាហារ និងទទួលទានទឹកដោះគោ ៤០០ ក្រាម ឬផលិតផលពីទឹកដោះគោជារៀងរាល់ថ្ងៃ ចំណែក​មួយ​ក្រុមទៀតធ្វើតាមការណែនាំរបបអាហារប៉ុណ្ណោះ។

លទ្ធផលពិសោធបានបង្ហាញថាក្រុមផឹកទឹកដោះគោ និងផលិតផលពីទឹកដោះគោមានហានិភ័យកើតរោគសញ្ញាមេតាប៉ូលីសទាប និងកាត់បន្ថយសម្ពាធឈាមជាងក្រុមដែលមិនទទួលទានទឹកដោះគោ។

ផឹកទឹកដោះគោមួយកែវមុនពេលទទួលទានអាហារជួយទប់ស្កាត់បរិមាណកាឡូរី និងសម្រួលដំណើរការរំលាយអាហារ

អ្នកជំនាញអាហារូបត្ថម្ភជនជាតិជប៉ុន Kumiko Kobayashi ក៏បានអោយដឹងថា ផឹកទឹកដោះគោមួយកែវមុនពេល​ទទួលទានអាហារអាចទប់ស្កាត់បរិមាណកាឡូរី សម្រួលដំណើររំលាយអាហារ និងជួយអោយស្បែកស្អាត។

ទឹកដោះគោមានសារធាតុចិញ្ចឹមច្រើន ក្រៅពីកាល់ស្យូម ថែមទាំងមានប្រូតេអុីន សារធាតុរ៉ែ វីតាមីន ជាមួយនឹងបរិមាណអាហារូបត្ថម្ភមានតុល្យភាព។ វាអាចជួយដុតជាតិស្ករ លីពីត និងប្រូតេអុីន ជួយសម្រួលដំណើររំលាយអាហារ ហើយ​ថែមទាំងមានអារម្មណ៍ថាឆាប់ឆ្អែតផងដែរ។

ការស្រាវជ្រាវបានបង្ហាញអោយឃើញថា ផឹកទឹកដោះគោកន្លះម៉ោងមុនពេលទទួលទានអាហារអាចកាត់បន្ថយជាតិ​ស្ករក្នុងឈាមយ៉ាងមានប្រសិទ្ធភាព។ ផឹកទឹកដោះគោអំឡុងពេលទទួលទានក៏មានប្រសិទ្ធភាពដែរ ប៉ុន្តែមិនល្អជាងផឹកទឹកដោះគោកន្លះម៉ោងមុនពេលទទួលទានអាហារនោះទេ។

ឃើញថាផឹកទឹកដោះគោមុនពេលទទួលទានអាហារអាចគ្រប់គ្រងបរិមាណជាតិស្ករក្នុងឈាមល្អជាងផឹកក្រោយពេល​ទទួល​ទាន ជាតិស្ករក្នុងឈាមកើនឡើងយឺត មាន​ន័យ​ថា​អារម្មណ៍​ឆ្អែត​បន្ទាប់​ពីបរិភោគយូរជាងមុន ហើយ​ហានិភ័យ​សំយោគ​លីពីត​ក្រោយ​ពេល​ទទួលទានក៏កាត់បន្ថយផងដែរ។

ក្រៅពីផឹកទឹកដោះគោ ការស្រាវជ្រាវក៏បង្ហាញផងដែរថាផឹកទឹកសណ្តែក ឬស៊ុបកន្លះម៉ោងមុនពេលអាហារអាចកាត់​បន្ថយ​កាឡូរីលើសក្នុងអាហារ កាត់បន្ថយការឃ្លាន និងមុខងារគ្រប់គ្រងកម្រិតជាតិស្ករ។ ដូច្នេះមិន​ថា​អ្នក​ចង់​គ្រប់គ្រង​ជាតិ​ស្ករ​ក្នុង​ឈាម ឬ​មិនចង់ឡើងទម្ងន់ ចូរ​ផឹក​ទឹកដោះគោ​កន្លះ​ម៉ោង​មុន​ពេលបាយ។ ប៉ុន្តែប្រសិន​បើ​អ្នក​មាន​បញ្ហា​មិន​អាច​បំពេញ lactose ឬផឹកទឹកដោះគោពេលពោះទទេ និងមានអារម្មណ៍មិនស្រួល​ពោះ អ្នក​អាច​​ផឹក​​ទឹក​​សណ្តែក ឬ​ញ៉ាំ​ទឹក​ដោះ​គោជូរ​ជំនួសវិញ។

គួរផឹកទឹកដោះគោប៉ុន្មានក្នុងមួយថ្ងៃ?

ទឹកដោះគោសម្បូរទៅដោយប្រូតេអុីន និងអតិសុខុមប្រាណ ព្រមទាំងមានកាល់ស្យូមច្រើនផងដែរ។ ផឹកទឹកដោះ​គោ​ប្រមាណ ៣០០ ក្រាម​ក្នុង​មួយ​ថ្ងៃ​អាច​ជួយ​បន្ថែមកាល់ស្យូម និងធ្វើឱ្យរបបអាហារមានតុល្យភាព។ ប្រសិន​បើ​កុមារ​កំពុង​លូត​លាស់ ក្មេងជំទង់ ស្ត្រីមានផ្ទៃពោះ មនុស្សចាស់ អ្នកដែលមានជំងឺពុកឆ្អឹង អ្នកអាចផឹកទឹកដោះ​គោ​បន្ថែម​ទៀត។

ប្រភព៖ Skydoor